ناحیه‌ى جه‌باره‌

شفق نيوز

له‌ پارێزگاى دیاله‌، ك وه‌ دویرى 15 كیلۆمه‌تر له‌ شار كفریه‌و دویره‌و نزیكه‌ى 70 كم له‌ شار خانه‌قینه‌و دویره‌.

 

هه‌ڵبه‌ته‌ یه‌كیگ له‌ سیاسه‌ته‌یل رژیم دیكتاتۆر وه‌رین سته‌مكار ئه‌وه‌ بوى ك ئاڵشتكارى فره‌یگ له‌ڕوى جوگرافى و ناو شار و شاروچكه‌یل كرد و ناحیه‌ى جه‌باره‌یش یه‌كیگ بویه‌ له‌و ناحیه‌یله‌ ك ئاڵشتكردن جوگرافى وه‌خوه‌یه‌و دیه‌و خریاسه‌ بان قه‌زاى خانه‌قین.

 

تویه‌نیم بویشیم ناحیه‌ى جه‌باره‌ كه‌فتگه‌سه‌ بان ڕێ ناونى شار كفرى و شار جه‌له‌ولا(قه‌ره‌غان)و ناوچه‌یگه‌ چووڵه‌وانى و ده‌یمه‌كاڵ ، ك شماره‌ى مه‌ردمه‌گه‌ى نزیكه‌ى 15 هه‌زار كه‌س بوین و 60% له‌لیان كورده‌، وه‌لى زوورم ئه‌و خێزانه‌یل كورده‌ له‌ وه‌خت رژیم وه‌رین زوڵم و سته‌م فره‌یگ له‌لیان كریاو ده‌روه‌ده‌ر و ئاواره‌ى شوونه‌یل تر كریان، ئمجا ئه‌وه‌ بوى له‌شوون رمیان رژیم دیكتاتۆر به‌عس له‌ ساڵ 2003 دى ئه‌و خێزانه‌یله‌ هاتنه‌و ئه‌را شوون وماواى خوه‌یان وه‌ گووره‌ى مادده‌ى 140 ده‌ستوور عراقى و سه‌رله‌نوو ده‌س كردنه‌ ژیان ئاسایى و دویر له‌ كێشه‌و گرفت.

 

شاره‌زایه‌یل بوار نه‌فت له‌وه‌رجه‌ ساڵه‌یل فره‌یگ پیشبینى ئه‌وه‌ كردیان ك ناوچه‌ى جه‌باره‌ شوونیگ نه‌فتیه‌و نه‌فت فره‌یگیش له‌تى وجوود دیرید، وه‌لى ئه‌وه‌ بوى له‌وه‌خت رژیم وه‌رین وه‌تایبه‌ت له‌دویاى ساڵه‌یل نه‌وه‌د وه‌ دویاوه‌ حكوومه‌ت به‌عس سوپاو سه‌رباز فره‌یگ له‌و ناوچه‌یله‌ دامه‌زران و ته‌نانه‌ت مه‌رز ناونى كوردستان و حكوومه‌تیش له‌و ده‌روازه‌وه‌ نزیك بوى له‌ جه‌باره‌، هه‌ر له‌وه‌ر ئه‌وه‌یش كۆمپانیایه‌یل نه‌فتى نه‌تویه‌نستن سه‌ردان ئه‌و شوونه‌ بكه‌ن، وه‌لى زویتر كۆمپانیایگ بیگانه‌ سه‌ردان ناوچه‌ى"برایم سه‌مین" كردو ده‌سنیشان نه‌فت له‌تى كردو شوونه‌گه‌ى دیارى كرد، ك نزیكه‌ له‌ ناحیه‌ى جه‌باره‌و قه‌ره‌ته‌په‌.

 

جه‌باره‌ ناحیه‌ى بویچگیگه‌ ك تا چه‌ن ساڵیگ وه‌رجه‌ ئیسه‌یش هویچ كارو كاسبییگ له‌تى نه‌ویه‌و مه‌ردمه‌گه‌یشى فه‌قیرحاڵ و كه‌مدرامه‌ت بوینه‌و ته‌نیا پشت وه‌ كشتوكاڵ خه‌له‌و خه‌رمان به‌سانه‌و خاوه‌ن بازاڕ بویچگ و چه‌ن دوكانیگ بویه‌، وه‌لى ئیسه‌ له‌شوون راپه‌ڕین و نه‌مه‌ندن رژیم به‌عس و عراق تازه‌، ئه‌وه‌ بوى ناحیه‌ى جه‌باره‌یش جوور شاره‌یل تر له‌لایه‌ن حكوومه‌ت هه‌رێم كوردستانه‌و كه‌میگ  ئاوه‌دانى و بنیاتناین تازه‌ وه‌خوه‌یه‌و دى و چه‌ن پرۆژه‌یگ له‌تى ئه‌نجام دریا، ك ئه‌ویش له‌شوون دابه‌شكردن زه‌ویه‌یل تازه‌ى نیشته‌جیبوین و ئاڵشتكردن ئه‌و ماڵه‌یل خه‌ڕگینه‌ ئه‌را بنیات تازه‌و دروسكردن جاده‌و ڕێ وبان و نه‌خوه‌شخانه‌و خزمه‌تگوزارى.

 

ج. ا

 

 

 

 

 

 

 

 

Normal 0 false false false MicrosoftInternetExplorer4

شه‌فه‌ق نیوز/ ئى ناحیه‌ كه‌فتگه‌سه‌ باشوور قه‌زاى كفرى و خوه‌رئاواى شار خانه‌قین. ناحیه‌ى جه‌باره‌ سه‌ر وه‌ قه‌زاى خانه‌قینه‌ له‌ پارێزگاى دیاله‌، ك وه‌ دویرى 15 كیلۆمه‌تر له‌ شار كفریه‌و دویره‌و نزیكه‌ى 70 كم له‌ شار خانه‌قینه‌و دویره‌.

هه‌ڵبه‌ته‌ یه‌كیگ له‌ سیاسه‌ته‌یل رژیم دیكتاتۆر وه‌رین سته‌مكار ئه‌وه‌ بوى ك ئاڵشتكارى فره‌یگ له‌ڕوى جوگرافى و ناو شار و شاروچكه‌یل كرد و ناحیه‌ى جه‌باره‌یش یه‌كیگ بویه‌ له‌و ناحیه‌یله‌ ك ئاڵشتكردن جوگرافى وه‌خوه‌یه‌و دیه‌و خریاسه‌ بان قه‌زاى خانه‌قین.

تویه‌نیم بویشیم ناحیه‌ى جه‌باره‌ كه‌فتگه‌سه‌ بان ڕێ ناونى شار كفرى و شار جه‌له‌ولا(قه‌ره‌غان)و ناوچه‌یگه‌ چووڵه‌وانى و ده‌یمه‌كاڵ ، ك شماره‌ى مه‌ردمه‌گه‌ى نزیكه‌ى 15 هه‌زار كه‌س بوین و 60% له‌لیان كورده‌، وه‌لى زوورم ئه‌و خێزانه‌یل كورده‌ له‌ وه‌خت رژیم وه‌رین زوڵم و سته‌م فره‌یگ له‌لیان كریاو ده‌روه‌ده‌ر و ئاواره‌ى شوونه‌یل تر كریان، ئمجا ئه‌وه‌ بوى له‌شوون رمیان رژیم دیكتاتۆر به‌عس له‌ ساڵ 2003 دى ئه‌و خێزانه‌یله‌ هاتنه‌و ئه‌را شوون وماواى خوه‌یان وه‌ گووره‌ى مادده‌ى 140 ده‌ستوور عراقى و سه‌رله‌نوو ده‌س كردنه‌ ژیان ئاسایى و دویر له‌ كێشه‌و گرفت.

شاره‌زایه‌یل بوار نه‌فت له‌وه‌رجه‌ ساڵه‌یل فره‌یگ پیشبینى ئه‌وه‌ كردیان ك ناوچه‌ى جه‌باره‌ شوونیگ نه‌فتیه‌و نه‌فت فره‌یگیش له‌تى وجوود دیرید، وه‌لى ئه‌وه‌ بوى له‌وه‌خت رژیم وه‌رین وه‌تایبه‌ت له‌دویاى ساڵه‌یل نه‌وه‌د وه‌ دویاوه‌ حكوومه‌ت به‌عس سوپاو سه‌رباز فره‌یگ له‌و ناوچه‌یله‌ دامه‌زران و ته‌نانه‌ت مه‌رز ناونى كوردستان و حكوومه‌تیش له‌و ده‌روازه‌وه‌ نزیك بوى له‌ جه‌باره‌، هه‌ر له‌وه‌ر ئه‌وه‌یش كۆمپانیایه‌یل نه‌فتى نه‌تویه‌نستن سه‌ردان ئه‌و شوونه‌ بكه‌ن، وه‌لى زویتر كۆمپانیایگ بیگانه‌ سه‌ردان ناوچه‌ى"برایم سه‌مین" كردو ده‌سنیشان نه‌فت له‌تى كردو شوونه‌گه‌ى دیارى كرد، ك نزیكه‌ له‌ ناحیه‌ى جه‌باره‌و قه‌ره‌ته‌په‌.

جه‌باره‌ ناحیه‌ى بویچگیگه‌ ك تا چه‌ن ساڵیگ وه‌رجه‌ ئیسه‌یش هویچ كارو كاسبییگ له‌تى نه‌ویه‌و مه‌ردمه‌گه‌یشى فه‌قیرحاڵ و كه‌مدرامه‌ت بوینه‌و ته‌نیا پشت وه‌ كشتوكاڵ خه‌له‌و خه‌رمان به‌سانه‌و خاوه‌ن بازاڕ بویچگ و چه‌ن دوكانیگ بویه‌، وه‌لى ئیسه‌ له‌شوون راپه‌ڕین و نه‌مه‌ندن رژیم به‌عس و عراق تازه‌، ئه‌وه‌ بوى ناحیه‌ى جه‌باره‌یش جوور شاره‌یل تر له‌لایه‌ن حكوومه‌ت هه‌رێم كوردستانه‌و كه‌میگ ئاوه‌دانى و بنیاتناین تازه‌ وه‌خوه‌یه‌و دى و چه‌ن پرۆژه‌یگ له‌تى ئه‌نجام دریا، ك ئه‌ویش له‌شوون دابه‌شكردن زه‌ویه‌یل تازه‌ى نیشته‌جیبوین و ئاڵشتكردن ئه‌و ماڵه‌یل خه‌ڕگینه‌ ئه‌را بنیات تازه‌و دروسكردن جاده‌و ڕێ وبان و نه‌خوه‌شخانه‌و خزمه‌تگوزارى.

ج. ا