عراق ها له‌ژیر فشار ناوده‌وڵه‌تى یا هه‌رێمى؟

شفق نيوز

 

 

له‌ى ناونیه‌ ئه‌وه‌ك په‌یوه‌ندى وه‌ زیایبوین نگه‌رانیه‌یله‌و دیرید له‌باوه‌ت ئاینده‌ى كاولكارى ئى عراقه‌ په‌یوه‌سه‌ وه‌ بڕیگ هووكار و له‌وانه‌یش:

 

* له‌ده‌سداین سوپا له‌ نه‌خش راسكانى خوه‌ى، ك له‌جیاى ئه‌وه‌ك بووده‌ هووكار مقه‌یه‌تیكردن سه‌ر وماڵ هاووڵاتیه‌یل، دوینید وه‌ چه‌واشه‌وه‌ كریاسه‌ هووكار تر و رخه‌بوردن وه‌تایبه‌ت له‌شوون دامه‌زرانن فه‌رمانده‌یى ئۆپه‌راسیۆنه‌یل دجله‌.

* كزى كاریگه‌رى ناوده‌وڵه‌تى و هیزگرتن كاریگه‌رى هه‌رێمى له‌ ناخود عراق وه‌ شیوه‌یگ ك ئیسه‌ نه‌خش ئه‌مریكیه‌یل و نه‌ته‌وه‌یل یه‌كگرتگ  خوه‌ى له‌ كزى دوینیده‌و له‌وه‌رانوه‌ر هیزه‌یل ئقلیمى و هه‌ر له‌وه‌ر ئه‌وه‌یش هاتن كلكریاگ گشتى نه‌ته‌وه‌یل یه‌كگرتگ  ئه‌را كه‌ركووك دویاى ئه‌وه‌ك ڕى له‌لى گیریا سه‌ردان حه‌ویجه‌ بكا دیاره‌ چشتیگ له‌ده‌سى نات وه‌تایبه‌ت له‌شوون ئه‌وه‌ك له‌ناو خوه‌ینیشانده‌ره‌یل هه‌وڵه‌یلى ره‌ته‌و كریاو ده‌نگ ناڕه‌زایه‌تى وه‌ئاشكرا له‌ دژى به‌رزه‌و كریا.

 

دویاى ئه‌وه‌یش گه‌شت كۆپله‌ر و هه‌وڵه‌یلى وه‌ ئامانج وازكردن گریه‌كووره‌یل و چاره‌سه‌ركردن كیشه‌و قه‌یرانه‌یل بایه‌س بوى له‌وه‌رجه‌ ئه‌وه‌ك مالكى خه‌ریك دروسكردن هیزه‌یل دجله‌ بوى ئه‌نجام بگرتیاد.

 

ئیسه‌یش له‌ناونى ئه‌و كیشمه‌كیشه‌یله‌ ك وه‌ چه‌نه‌ها هووكار باوه‌تى و خودى و ده‌ره‌كى ده‌ور دریاگه‌، دیاره‌ یه‌كیگ له‌ ئه‌گه‌ره‌یل ك كپه‌وكردن بار شیویاگ حه‌ویجه‌ بوود، وه‌لى یه‌یش جوور هه‌وڵه‌یل گوزه‌یشت سه‌ركه‌فتگ نیه‌ودو دویاخریش عراق مه‌حكوومه‌ وه‌و جه‌نگ تایفه‌گه‌ریه‌ ك ره‌سیه‌سه‌ ته‌قینه‌وه‌و له‌ قوناغ دویاى ئى قوناغیشه‌ ریڕه‌و راسكانى خوه‌ى دوینیده‌و ك ئه‌ویش دابه‌شبوین عراقه‌ ئه‌را چه‌ن هه‌رێمیگ سه‌روه‌خوه‌ى.

 

د. به‌ختیار جه‌بار

ج . أ