وه‌ڕێه‌ووه‌ر راديو شه‌فه‌ق پيروزبايی له‌ دووسداره‌يل شه‌فه‌ق ئه‌كا

شفق نيوز

وه‌ناو خوداى گه‌وراو میهره‌بان

وبوونه‌وه‌ى كوژاننه‌وه‌ى هه‌فتومین موم دامه‌زرانن ده‌زگاى ره‌سانن و رووشنهویرى كورده‌یل فه‌یلى- شه‌فه‌ق؛ وه‌ناو خوه‌م و هاوكاره‌یلم له‌ رادیو شه‌فه‌ق پڕ وه‌دڵ پیروزبایى له‌ هاوكاره‌یل ئه‌زیز و گووشته‌كنه‌یل خوه‌ش زه‌وق رادیو شه‌فه‌ق كه‌م و ره‌نگامه‌ترین و بوو خوه‌شترین گوڵه‌یل كوردستانه‌گه‌م كه‌مه‌ دیارى ئه‌را هاوزووانه‌یل قه‌دردار و سه‌رجه‌م ئه‌وانه‌گ ئاره‌زوومه‌ندن خزمه‌ت وه‌ ملله‌ته‌گه‌یان بكه‌ن.

هاوزووانه‌یل قه‌دردارم ئیوه‌ خاستر له‌ هه‌ركه‌سیگ زانین ك ده‌زگاى ره‌سانن و رووشنهویرى شه‌فه‌ق له‌ى هه‌فت ساڵه‌ له‌ ته‌مه‌ن پڕخه‌یر و به‌ره‌كه‌ت خوه‌ى تویه‌نستگه‌ وه‌گوره‌ى توانا و وه‌هاوكارى ئیوه‌ى كوردپه‌روه‌ر خزمه‌ت وه‌زووان وفه‌رهه‌نگ وكلتوور و كه‌له‌پوور كوردیمان بكا و ئیمه‌ هایمه‌ ئه‌و باوه‌ڕه‌ یه‌ به‌س نیه‌ به‌ڵكم ئیمه‌ ڕێ دویر و دریژیگ هاله‌وه‌رمان و بایه‌د وه‌ل گشت سه‌ختى و كیشه‌و گرفته‌یل رویوه‌ڕوى بویمن ئه‌را ئه‌وه‌گ وه‌ل یه‌كا ئى ڕێه‌ بوه‌یمه‌ سه‌ر و كاروان كوردایه‌تى و خزمه‌ت وه‌زووان و فه‌رهه‌نگمان بوه‌یمه‌ لویتگه‌ تا نه‌وه‌یل ئاینده‌ دریژه‌ بیه‌نه‌ ڕێه‌گه‌مان و ئى ملله‌ت گه‌ورا هه‌ر وه‌زینگى بمینیگه‌ى؛ جاریگتر داگیرسانن هه‌یشتمین شه‌م ته‌مه‌ن ده‌زگاى ره‌سانن و رووشنهویرى كورده‌یل فه‌یلى- شه‌فه‌ق، له‌ ئیمه‌و ئیوه‌و سه‌رجه‌م هاووڵاتییه‌یل قه‌دردارمان موباره‌ك بوود.

 

جواد كازم عه‌لى

وه‌ڕێه‌ووه‌ر رادیو شه‌فه‌ق

15/6/2011