"حكومه‌ت و وتار و ياخيبوين".. ئه‌يه‌سه‌ كورده‌يل فه‌يلى ئه‌خوازنه‌ى

شفق نيوز

ئمجا له‌يرا كاريگيش هه‌س ك ئه‌ويش ئه‌وه‌سه‌ هه‌ركاى ئيمه‌ له‌ گه‌رده‌لويليگ ده‌ربچيم دى جوور ئه‌وه‌ نييم ك وه‌رجه‌ ئه‌وه‌ بويمنه‌، يه‌يش ماناى ئه‌وه‌سه‌ ك ئاده‌ميزاد وه‌ موسيبه‌تيگ گوزه‌ر ئه‌كا ك پلكياسه‌ پيه‌و، له‌وه‌ر ئه‌وه‌يش گشت ئه‌و جووره‌ سزايه‌يل ڕى وبانه‌ ك هاته‌ تويشمان به‌سريا له‌وه‌رده‌م هاوارمان و ئيمه‌يش وه‌رده‌واميم له‌ رووژگ بيده‌نگى و تيه‌ڵى هويره‌وكردن و ره‌سيمنه‌ قوناغ دڵته‌نگى له‌ نياز و هه‌ڵويسته‌يليگ ك هه‌ميشه‌ ها ئاڵشت وئوڵشت وه‌رده‌وام.

له‌ى رووژه‌يله‌ وه‌پيداين دڵنيايى و ئه‌مان وه‌ يه‌كيگ له‌ فه‌يليه‌يل جوور ئه‌وه‌سه‌ ك ده‌سى بگرێد و گه‌شتيگ وه‌پى بكه‌ێد و ئه‌و به‌ڵگه‌يل فه‌رميه‌ وه‌پى بيه‌ێد ك وه‌ ئه‌زره‌ته‌و بوى ئه‌ڕاى، يه‌يش وه‌ل بووكردن كه‌ميگ له‌ هاووڵاتيبوين ره‌سه‌نايه‌تى و گووشگرتن له‌ موسيبه‌ت و شكايه‌ت و خه‌مه‌يلى و گڕه‌ى مه‌زڵوميه‌تى له‌ بڵيزه‌ى هوير و ئحساسه‌يلى بگرێده‌ ده‌س و يادوه‌ريه‌يلى له‌ يادوه‌ريه‌يل خوه‌شه‌ويسيێد گرده‌و بكه‌ێد و خه‌وه‌يل خه‌مووكيه‌يلى‌‌ وه‌ گه‌شبينى شيه‌و بكه‌ێد و لام ته‌ممه‌لوك بخه‌ێده‌ پاڵ ناوه‌گه‌ى له‌وه‌خت يادكردن هويره‌وه‌ريه‌يلى.

ئه‌مان ماناى ئه‌وه‌سه‌ وه‌ گورجترين وه‌خت حكومه‌ت و لايه‌نه‌يل ئاسايشى وه‌ل زه‌رده‌خه‌نگ زينگه‌وكردنيگ دوسيه‌ى له‌ناوبردن وه‌جه‌م و ته‌سفير و كووچ وه‌پيكردن كورده‌يل فه‌يلى ته‌سليم بكه‌ن و بخه‌نه‌ى خانه‌ى جيوه‌جيكردن و كاره‌سات بيسه‌روشوونكردن رووله‌يل پيكهاتگه‌مان له‌ خوتبه‌ى نماز جومعه‌ بارنه‌ وه‌ر باس ويادكردن.

ئيمه‌ ساڵه‌يليگه‌ مقه‌يه‌تى و ئاوداين داريگ بى به‌ر ئه‌كه‌يم و ڕييگ گرتيمنه‌ وه‌ر وه‌هويچ شوونيگ ناڕه‌سنێده‌مان، له‌گشت ئه‌يانه‌يش نه‌زانستيم ئيمه‌ دوياخريش وه‌بى ئاكام ده‌رئه‌چێم و پشت وه‌ مه‌ردمان تر به‌سايم ك زانستيم دوياخر وه‌ ته‌نيا هيلنه‌مان.

وه‌ل ئه‌وه‌يشا نازانيم ئه‌راچه‌ ئه‌گه‌ر بخوازيم ئه‌زره‌ته‌يلمان بوينيم له‌ مه‌سه‌له‌گه‌ چه‌ويلمان به‌سيم و هه‌ر وه‌ختيگيش واده‌ى گيرستن ئه‌ياد برژانگه‌يلمان نه‌يمنه‌ يه‌ك و له‌وه‌خت دادڕه‌سيمانيش وه‌ خوداوه‌ند روى له‌ ناديده‌نى ئه‌كه‌يم و هه‌ناى بخوازياتايم ماچ دووسه‌يلمانيش بكرديايم خواستمان ئه‌وه‌ بوى وه‌ر رووشنايى بگرياتاد، چوينكه‌ خوه‌شترين وه‌خته‌يل ته‌مه‌ن دويره‌ له‌ هه‌ڵكه‌فت ديده‌نى و فريه‌جاريش هه‌يواين له‌تاو ئارامى شه‌كه‌ت ئه‌دێ و دڵنيايى كورده‌يل فه‌يلييش ئه‌وه‌سه‌ ك فريه‌يى واده‌يل جيوه‌جيكردن ئه‌مان خسته‌يانه‌ گومان و هه‌ر وه‌و خاتريشه‌ فه‌يله‌يل چينه‌ قوناغيگ ك شايسته‌ى ياخيبوينه‌ له‌بان ئه‌و ئاراميه ده‌سه‌خڕيان كردگه‌ و چه‌وه‌يليان وشك كردگه‌ تا ئه‌سر نه‌ڕشنێد، ك وه‌ نه‌مه‌ندنيشى وه‌رز تازه‌يگ ده‌س وه‌پى ئه‌كا ك ئه‌ويش مه‌رگه‌، دى ئه‌و ئارامييشه‌ ك پيكهاته‌گه‌مان خوازن له‌ساى بژيه‌ن وه‌ختى ته‌مام بويه‌و هه‌وه‌جه‌ وه‌ ته‌كانيگ تر ديرێد له‌ليان زينگه‌و بكريه‌ێد ئه‌ى ئه‌وانه‌گ وه‌ى ئه‌زره‌ته‌و گوزه‌ر ئه‌كه‌ن.

سوندس ميرزا