گوزه‌یشته‌ى ئاده‌میزاد

شفق نيوز

 

گوزه‌یشته‌ى ئاده‌میزاد جوور كتاوخانه‌ى گه‌ورایگه‌و هه‌ر هه‌مان سستم ریكخستن زانیارى له‌ناو مه‌ژگ دیریدو تا كه‌سه‌گه‌ گه‌وراتر بوود له‌عومر كتاوخانه‌گه‌ گه‌وراتر بوود. ئنجا ئه‌و زانیاریه‌یله‌ ك له‌ناو ده‌زگاى فكر ئاده‌میزاد تومار كریه‌ید كاڵه‌و بوون، وه‌لى هویچ وه‌ختیگ نیه‌فه‌وتیه‌ن و له‌ڕى شاره‌زاى ده‌روینیه‌و ئه‌و زانیاریه‌یله‌ زینگه‌و كریه‌ن و كه‌فنه‌ هویرمان.

كه‌ره‌سه‌ى جه‌هان گوزه‌یشت په‌یوه‌ندى وه‌و زانیاریه‌یله‌و دیرید ك له‌ناو مه‌ژگمان تومار كریانه‌، ئه‌و نائارامى ده‌روینیه‌ ك له‌سه‌رده‌م مناڵیمان دروس بویه‌ زه‌حمه‌ته‌ له‌ كووڵمان بووده‌و. ئه‌و ملله‌ته‌یله‌ ك دوچار كاره‌سات سروشتى یا جه‌نگ هاتنه‌ له‌ گوزه‌یشتیان كه‌ره‌سه‌ى خه‌م و ئازار فیشتریگ له‌تیان تومار كریاگه‌ ئه‌گه‌ر به‌راوردى بكه‌یم وه‌ل ئه‌و ملله‌ته‌یله‌ ك وه‌ئاشتى و ئاسووده‌یى ژیان وه‌سه‌ر بردنه‌.

تویه‌نیم بویشیم ئه‌وانه‌ك وه‌سه‌رهات ناخوه‌ش زوور هاته‌سه‌ بانیان خاستر تویه‌نن روى وه‌ڕوى قه‌یران ژیان بوونه‌و له‌وانه‌ك وه‌ ده‌گمه‌ن كاره‌سات هاته‌سه‌ بانیان. له‌ كوومه‌ڵگاى مه‌ده‌نى رویداگیگ ناخوه‌ش بووده‌ هووكار شیویان بار ده‌روینى وه‌ ڕاده‌یگ ك شایه‌ت كه‌سه‌گه‌ كووتایى وه‌ ژیان خوه‌ى بارید، چوینكه‌ چاره‌سه‌ر كیشه‌یل ده‌روینى فره‌ ئاسانتره‌ له‌و كه‌ه‌سه‌یله‌ ك له‌ناو جه‌نگ و مه‌ینه‌تى گه‌ورا بوینه‌.

له‌یرا ئویشیم: گوزه‌یشته‌ نیایده‌ دویاوه‌، گوزه‌یشته‌ جامه‌كیگه‌ زانیارى دروسیگ وه‌رانوه‌ر وه‌ خوه‌مان و چاره‌سه‌ركردن و جواو پرسیاره‌یلمان له‌تى دوینیمنه‌و ، ك چوین ره‌فتار و هه‌ڵسووكه‌فت كه‌یم وه‌ل كه‌سه‌یل ده‌وروه‌ر و له‌وه‌رچه‌ وه‌ته‌نیا هه‌ر خوه‌مان دوینیم و نیه‌ویریم بكه‌فیمنه‌ شوون هس خوه‌مان و هه‌ر توایم وه‌گشت شیوه‌یگ په‌رده‌پووشى بكه‌یم؟

حه‌مه‌ دۆستان

ج . أ