خالد مه‌حمود: به‌شداریكردن كورده‌یل فه‌یلى له‌ پاڵه‌وانیه‌تیه‌یل وه‌رزشى فره‌ كه‌مه‌

شفق نيوز

موسته‌نسریه‌ خالد مه‌حمود مه‌نده‌لاوى له‌ دیمانه‌یگ وه‌ل شه‌فه‌ق؛ به‌شداریكردن كورده‌یل فه‌یلى له‌ قاره‌مانیه‌یل وه‌رزشى وه‌ فره‌كه‌م داله‌ قه‌ڵه‌م و داوایش كرد ك تیمه‌یل وه‌رزشى له‌ گشت بازیه‌یل دامه‌رزیه‌ید تا وه‌رزش له‌ لاى كورده‌یل فه‌یلى پیش بكه‌فێ، ئه‌یه‌یش ده‌ق دیمانه‌گه‌س:

* وه‌ڕاى تو دیاریترین خاڵه‌یل نه‌رێنى یا سلبى وه‌رزش ئمڕوومان چه‌س؟

- وه‌ ڕاى من، نه‌وین پشتگیرى مادى و ئیدارى له‌گشتى گه‌نتره‌ و كاریگه‌رى ناسه‌بان واقع وه‌رزش ئمڕوومان.

* به‌شداریكردن كورده‌یل فه‌یلى له‌ وه‌رزش عیراقى چوین هه‌ڵسه‌نگنید(تقییم كه‌ید)؟

- وه‌باوه‌ڕ من، به‌شداریكردن له‌ قاره‌مانیه‌یل وه‌رزشى جیاجیا فره‌كه‌مه‌، و ئه‌وه‌یشه‌ دوینم ك دامه‌زرانن تیمه‌یل وه‌رزشى له‌ گشت بازیه‌یل به‌شداریكه‌ید له‌ وه‌ره‌و پیش بردن وه‌رزش له‌ لاى كورده‌یل فه‌یلى.

* چ پیشنیاریگ دیرید ئه‌را پیشخستن وه‌رزش تایكواندۆ؟

- پیشخستن ژیرخان و بنه‌ڕه‌ته‌یل بازیه‌گه‌، وه‌ بایه‌خداین وه‌ نه‌ونه‌مامه‌یل و به‌شداركردنیان له‌ كامپین مه‌شقكردن له‌ ده‌یشت وڵات، بیجگه‌ به‌شداریكردنیان له‌ قاره‌مانیه‌یل ناوخوه‌یى و ده‌ره‌كى.

* باس كاروان ژیان وه‌رزشیید ئه‌رامان بكه‌؟

- من له‌ ساڵ 1982 تا ساڵ 2002 خوه‌م وه‌ وه‌رزش تایكواندۆ خه‌ریك كردمه‌ و له‌ى ماوه‌ له‌ تیپ نه‌ونه‌مامه‌یل ڕه‌سیمه‌سه‌ هه‌ڵوژارده‌ى نیشتمانى له‌ ساڵ 1989، و بویمه‌سه‌ یه‌كیگ له‌ قاره‌مانه‌یل عیراق وه‌ تایكواندۆ.

* دیاریترین بازیكه‌ره‌یل هاولفد كى بوین؟

- مه‌حمود كازم و ناتق محمد و عماد صابر.

* چ مه‌شقكار (مدرب)یگ خاوه‌ن خاسیه‌ له‌باند؟

- هه‌میشه‌ قه‌رزار خاسیه‌یل مه‌شقكار (صلاح حیدر)م ك ڕه‌سانه‌مه‌ ئى ئاسته‌.

* سه‌ختترین بازیید دژ وه‌ كى بوى؟

- دژ وه‌ بازیكه‌ر عماد صابر بوى له‌ چوارچیوه‌ى قاره‌مانى عیراق.

 

# بازیكه‌ر خالد مه‌حمود له‌ چه‌ن ڕزیگ:

-خالد مه‌حمود ئه‌حمه‌د محمد مه‌نده‌لاوى؟

- له‌ ساڵ 1972 په‌یا بویه‌.

- ژن خوازییه‌.

-بازیكه‌ر وه‌رین هه‌ڵوژارده‌ى نیشتمانى عیراقه‌ وه‌ تایكواندۆ.

- مامۆستایه‌ له‌ كۆلیج په‌روه‌رده‌ى وه‌رزشى/ به‌ش په‌روه‌رده‌ى وه‌رزشى/ زانكۆى موسته‌نسریه‌.

 

 

د: موشتاق ڕه‌مه‌زان

ت: ماجد سوێره‌مێرى