ديد (جيمی كارته‌ر) ئه‌را رووژهه‌ڵات ناوڕاس

شفق نيوز

چاره‌سه‌ر گرفته‌يل ته‌ندروسی ئه‌كا ، ئويشيگ : من له‌ماوه‌ی شه‌ش مانگ كووتايی ساڵ گوزه‌يشت (٢٠٠٩) ، چوارجار سه‌ردان ناوچه‌يل رووژهه‌ڵات ناوڕاس كردم و چه‌وم كه‌فته‌ سه‌ركرده‌يل هه‌ر يه‌ك له(‌ئسرائيل و مسر و لوبنان و عه‌ره‌بستان سعوودی و ئوردن و سوورياو كه‌رت يا قه‌تاع رووژئاواو غه‌زه‌)و ، ئويشيگ : من له‌ديمه‌شق بويم وه‌ختيگ (باراك ئۆباما) سه‌رووك ئه‌مريكا له‌قاهيره‌ی پايته‌خت مسر وتاره‌ تاريخيه‌گه‌ی پيشكه‌ش كرد ك بڕيار بوی له‌وڵاتيگ ئسلامی پيشكه‌شی بكا .

هه‌ر له‌كووتايی يه‌كيگ له‌مانگه‌يل هاتمه‌وه‌ ئه‌را ناوچه‌گه‌و ئيجار وه‌ل شماره‌ی فره‌يگ له‌پياگه‌يل دانيشتم و له‌وانه‌يش (ديزموند تيتو) سه‌رووك ئه‌ساقيفه‌و ( فرناندو هيرنيك) سه‌رووك وه‌رين به‌رازيل و (ماری روبنسون) له‌ئيرله‌نداو ( غرو بروندتلاند) سه‌رووك وه‌زيره‌يل وه‌رين له‌ نه‌رويج و ( خانم ئيلا بهات) له‌مه‌يدان هه‌ق ئاده‌ميزاد له‌ هند . سێجار وه‌رجه‌ ئه‌وه‌يش چيمن ئه‌را (غه‌زه‌) ك منستياگه‌ زندان و كه‌رت يا قه‌تاع رووژئاوا هاوكاری و ده‌سميه‌ت ئنسانی له‌ڕی ئاژانس دادڕه‌سيه‌وه‌ سه‌ر وه‌نه‌ته‌ه‌يل يه‌كگرتگ وه‌پی ره‌سيگ . شايسته‌ی باسكردنه‌ ك سه‌ركرده‌يل سياسی و بازرگانه‌يل و ئه‌كاديميه‌يل پلان يا خوته‌ی نائاسايی دانانه‌ ئه‌را جی وه‌جيكردنی له‌وه‌ختيگ ئه‌گه‌ر هات و هه‌وڵ وته‌قلای سه‌رووك ئۆباما ئه‌را ئه‌و ناوچه‌ سه‌ر نه‌گرت و شكه‌ست باريگ .

وه‌ل ئه‌وه‌يشا ئاشكرا بوی ئه‌ڕامان ك گرنگی يا ئه‌هميه‌ت فره‌يگ دريا وه‌بانگه‌وازه‌گه‌ی (خافێر سۆلانا)ی ئه‌ميندار گشتی يه‌كێتی ئۆرپا ك له‌نه‌ته‌وه‌يل يه‌كگرتگ دامه‌زرانن دو ده‌وڵه‌ت گردويگه‌ خوه‌ی (فلستين و ئسرائيل)و له‌لايه‌ن حكوومه‌ت ئه‌مريكاو ئه‌ندامه‌يل تر ده‌سه‌ی چوارلايه‌نی (رووسياو نه‌ته‌وه‌يل يه‌كگرتگ)يش پيشوازی له‌لی كرياو قه‌بوول بوی له‌لايان و(سۆلانا)يش خسته‌ی وه‌ر نوڕستن ك نه‌ته‌وه‌يل يه‌كگرتگ دگان وه‌ مه‌رز ناونی ئسرائيل و فلستينی وه‌رجه‌ ساڵ ١٩٦٧ بنه‌يگ و مامڵه‌يش وه‌ل كيشه‌ی په‌نابه‌ره‌يل فلستينياو چوينيه‌تی هاوبه‌شی له‌ (قودس) بكا . وه‌ل ئه‌وه‌يشا فلستين بايه‌سه‌ ئه‌نداميه‌ت ته‌واويگ وه‌پی بدريه‌يگ له‌نه‌ته‌وه‌يل يه‌كگرتگ و بايه‌سه‌ هه‌ق په‌يوه‌نديه‌يل دبلۆماسی داشتووگ وه‌ل وڵاته‌يل تراو فره‌يش له‌ده‌وڵه‌ته‌يل حه‌ز كه‌ن په‌يوه‌ندی وه‌ليا بكه‌ن .

له‌ڕاسی وه‌ئاشكرا دياره‌ ك ته‌نيا چاره‌سه‌ريگ ئه‌را سه‌قامگيری ناوچه‌گه‌ ك له‌وجوود بووگ ، ئه‌ويش دروسبوين دو ده‌وڵه‌ته‌و زوورم مه‌ردم نيشته‌جای ناوچه‌گه‌يش پشتگيری له‌وه‌ كه‌ن . چوينكه‌ ئسرائيل و فلستين له‌نزيكه‌ی (٢٥) خاڵ وه‌ك يه‌كن ، ك خاسترين چشتيگ ئه‌را ئاينده‌يان ئه‌ويش ره‌سينه‌ وه‌ ريككه‌فتنيگ ئاشتی و دو ده‌وڵه‌ت خاوه‌ن سه‌روه‌ری دابمه‌زريه‌يگ .