چوین كۆنترۆڵ ژیاند بگریده‌ ده‌س!!

شفق نيوز

 

فره‌جار له‌ به‌رزى و نزمى ژیانمان ره‌سیمنه‌سه‌ خاڵ نائومیدى یا تویش وه‌ربه‌سیگ هاتیمنه‌ ك ژیانمان وه‌ره‌و خراوى چه‌رخانگه‌، گشت ئى تاریفه‌یله‌ ئه‌زموونن له‌ ژیان و چوینیه‌تى ره‌فتاركردن وه‌ل رویداگه‌یل رووژگار.

له‌راسى جیاوازى ناونى" بژیه‌ ئه‌را ژیان" و " مه‌ژیه‌ ئه‌را مردن" تا راده‌یگ سه‌خته‌، وه‌لى ئه‌گه‌ر وه‌ دید پڕ دقه‌تیگه‌و ته‌ماشاى بكه‌یم، تویه‌نیم ئاڵشتكارى له‌ ژیانمان باریمنه‌ دى. ئیمه‌ تویه‌نیم ئى خاڵه‌یله‌ له‌وه‌رچه‌و بگریم تا بتویه‌نیم ئاڵشتكارى له‌ ژیانمان بكه‌یم:

* هه‌میشه‌ له‌ هویردان بوود ك ژیان نعمه‌تیگه‌ خودا وه‌پیمان داسه‌ى، یه‌یش وه‌و مانا ك له‌ ژیاندان تام فیشتر وه‌ربگرن و گرینگى خاستر وه‌پى بیه‌ن، ژیان وه‌و جووره‌سه‌ ك دوینیده‌ى، ئه‌گه‌ر هویچ چالاكییگ له‌ ژیان نه‌یاشتوید، ئه‌وه‌ بیگومان ژیاند جووره‌ ته‌مه‌ڵییگه‌و تام له‌لى وه‌رناگرید، هه‌ر له‌وه‌ر ئه‌وه‌یش تویه‌نید وه‌ ئیراده‌ كۆنترۆڵ ژیان بگریده‌ ده‌س.

* مانا بوه‌خشنه‌ ژیان و ئامانج و ئاره‌زووه‌یلد له‌ژیاند دیارى بكه‌.

* یاساى تایبه‌تیگ ئه‌را خوه‌د دیارى بكه‌، چوینكه‌ فره‌یگ له‌ مه‌ردم وه‌پیان له‌یواسه‌ ك ژیان گه‌مه‌س، وه‌لى فره‌یگ له‌و گه‌مه‌یله‌ یاساو ده‌ستوور تایبه‌ت وه‌خوه‌یان دیرن و مه‌رجه‌یل سه‌ركه‌فتن و شكه‌ست له‌تى دیارى كریاگه‌.

* وه‌رپرس ژیان خوه‌د به‌و خوه‌د ژیاند بگره‌ ده‌س، چوینكه‌ جیفرى ئه‌برێت ئویشید: وه‌ختى كه‌سیگ وه‌رپرس كاره‌یل خوه‌ى بوودئه‌را ژیانیگ پڕ ئازادى، هه‌وه‌جه‌ وه‌ ڕیگه‌داین كه‌سه‌یل تر ناكا، وه‌لى وه‌ختى ئه‌را ئه‌نجامداین كاره‌یل خوه‌د موڵه‌ت له‌ كه‌سه‌یل تر خوازید، ئه‌وه‌ هه‌ق ته‌واوى ئه‌و ژیانه‌ وه‌پید نه‌دریاگه‌.

له‌یرا وه‌ وه‌كارهاوردن ئه‌و ئاڵشتكاریه‌یله‌ ك له‌ ژیانمان دروسى كه‌یم، كه‌ش و هه‌واى تازه‌و خاسیگ ئه‌را ژیانمان په‌یا بوودو گام فر ه‌ گه‌ورایگ نه‌یم وه‌ره‌و پیشكه‌فتن و ئاینده‌یگ خاستر ، وه‌لى ئه‌وه‌یشا بایه‌س ئیراده‌ى بته‌ویگ داشتویم و له‌گشت توانایگمان كه‌ڵك وه‌رگریم، چوینكه‌ ئاكام خاس له‌شوون خوه‌ى تیه‌ریده‌ وجوودو دى وه‌ى جووریشه‌ تویه‌نید كۆنترۆڵ ژیان بكه‌یدو هه‌میشه‌ وه‌گووره‌ى ئه‌زموونه‌یلد گام فیشتر بنه‌ید وه‌ره‌و سه‌ركه‌فتن و پیشكه‌فتن.

ئالان عومه‌ر

ج . أ