ستراتیجیه‌ت نه‌فت كوردستان

شفق نيوز

  نه‌فت كاڵایگ گرینگ ئابوورى و ستراتیجیه‌، وه‌لى له‌یه‌ گرینگتر ئه‌وه‌سه‌ ك چوین وه‌ شیوه‌یگ ئاقڵانه‌ وه‌ل ئى كاڵاى گرینگه‌ مامڵه‌ بكریه‌ید؟ یه‌یش وه‌و مانا ك چوین نه‌فت بووده‌ سه‌رچه‌وه‌یگ گه‌شه‌كردن ئابوورى و سیاسى وڵات؟ چوین دروسكه‌ر بڕیار بتویه‌نید له‌ڕى نه‌فته‌و ئامانجه‌یل ستراتیجى ده‌وڵه‌ت دابنه‌ید؟

نه‌فت ك كاڵایگ ستراتیجیه‌ وه‌و ماناسه‌ ك كاریگه‌رى دیرید له‌بان داناین ستراتیجیه‌ت هه‌رێم كوردستان و له‌بان ئاست عراق و ناوچه‌گه‌یش. كاریگه‌رى دیرید له‌بان ئاڵشتكردن هاوسه‌نگى هیز، مه‌رام له‌ هاوسه‌نگى له‌یرا ئه‌و هاوسه‌نگى هیزه‌سه‌ له‌ناونى به‌غداو هه‌ولێر.

یه‌یش وه‌و مانا ك ئیسه‌ودویا به‌غدا وه‌ته‌نیا نیه‌وده‌ بنگه‌ى داناین سیاسه‌ت نه‌فت. نه‌فت هه‌رێم كوردستان كاریگه‌ر بوود له‌بان وه‌ ستراتیجیه‌تكردن په‌یوه‌ندیه‌یل هه‌رێم له‌ ناوچه‌گه‌، ئنجا ئه‌و په‌یوه‌ندییشه‌ ئاڵشت بوود له‌ په‌یوه‌ندییگ ئاساییه‌و ئه‌را په‌یوه‌ندییگ ستراتیجى.

له‌ شوون رییكه‌فتن و كلكردن نه‌فت، شایه‌ت حكوومه‌ت هه‌رێم كوردستان هویر له‌ ستراتیجیه‌تیگ تر بكا له‌باوه‌ت سروشت یاسایى و ده‌ستوور په‌یوه‌ندى هه‌رێم وه‌ عراقه‌و، ئنجا شایه‌ت سه‌ركردایه‌تى سیاسى هه‌رێم كوردستان داواى كۆنفیدراڵى بكا.

هیز نه‌فت هه‌رێم كوردستان، كاریگه‌ر بوود له‌بان ئاڵشتكردن ستراتیجیه‌ت ئه‌و وڵاته‌یله‌ ك هه‌وه‌جه‌ وه‌ نه‌فت دیرن، ئنجا له‌باوه‌ت دید ئه‌وان ئه‌را مه‌سه‌له‌ى كورد له‌ عراق، له‌ كیشه‌یگ ئنسانى ئه‌را كیشه‌یگ سیاسى شایه‌ت دویاى ریككه‌فتننامه‌ى ئه‌نقه‌ره‌ له‌باوه‌ت كلكردن نه‌فته‌و ریككه‌فتننامه‌ى تریش وه‌ل وڵاته‌یل تر ئه‌را ئى مه‌رامه‌ په‌یا بوود.

یه‌یش جوور ئه‌و ریككه‌فتننامه‌ ك حكوومه‌ت هه‌رێم كوردستان وه‌ نیازه‌ وه‌ل حكوومه‌ت ئیران ئمزاى بكا، ك یه‌یش هه‌ر وه‌ مه‌رام كلكردن نه‌فت هه‌رێم ئه‌را وڵاته‌یل ئه‌فغانستان و چه‌ن وڵاتیگ تر.

رێبوار بابكه‌یى

ج . أ