كى هاوسه‌ر ژیان ئه‌ڵوژنیگ...جایه‌ڵه‌یل یا باوگ ودایگ؟

شفق نيوز

ئایا كى هاوسه‌ر ژیان ئه‌ڵوژنیگ، كوڕ و دویه‌ت یا باوگ ودایگ؟ وه‌گووره‌ى راپۆرت یا ته‌قریره‌یل فره‌یگ ئه‌وه‌ ده‌ركه‌فتگه‌ ك باوگ ودایگ باوه‌ڕیان له‌یواسه‌ ك هیمان هه‌ق ئه‌وه‌ دیرن هاوسه‌ر ژیان ئه‌را ڕووڵه‌یلیان ئه‌ڵوژنن، یه‌یش له‌وه‌ختیگ ك رووڵه‌یلیان باوه‌ڕیان له‌یواسه‌ مه‌سه‌له‌گه‌ ته‌نیا تایبه‌ت وه‌خوه‌یان نه‌ك كه‌سیگ تر. هه‌ر له‌وه‌ر ئه‌وه‌یش دوینید ئه‌و داب ونه‌ریته‌ ك تا دویه‌كه‌ وجوود داشت له‌ناو خێزان باو وه‌دریژایى ساڵه‌یل دویرو دریژیگ، كه‌فته‌ چوارچیوه‌ى كیشمه‌كیشیگ راسه‌وخۆ دژ وه‌ خواست و ئاره‌زووه‌یل نه‌وه‌یل جایه‌ڵ جوان.

هویروڕاى ئسلامى له‌باوه‌ت شوناسنامه‌ى ره‌گه‌زى ژن و به‌شداریكردنى له‌ كومه‌ڵگا، تائیسه‌یش خوه‌ى چه‌سپنیگ هه‌رچه‌نى ئاڵشتكارى فره‌یگ رویداگه‌و خیزانه‌یلیش له‌و ئاڵشتكاریه‌ ره‌سینه‌سه‌و. ئنجا جیاوازى ره‌گه‌زى و بڕیار هاوسه‌رگیرى له‌لایه‌ن خیزان و گرنگى یا ئه‌همیه‌ت دایگ له‌ژیان ڕووڵه‌گه‌ى له‌و هووكاره‌یل ئاشكراسه‌ ك نه‌خشه‌ى كومه‌ڵایه‌تى له‌وڵاته‌یل ئسلامى وه‌ تونڕه‌وى دژ وه‌ مه‌یل ره‌گه‌زى هه‌ردوگ هاوسه‌ره‌ له‌چوارچیوه‌ى خود خیزان.

له‌وه‌ختیگ ئه‌و ئاڵشتكاریه‌ په‌سه‌ن بكریه‌یگ ك له‌ژیانمان رویده‌یگ، وه‌تایبه‌ت له‌بان ئه‌ڵوژانن ئازادانه‌ى هاوبه‌ش ژیان و جموجویلداین وه‌ ئه‌ندامه‌یل خیزان، ئه‌وه‌ بیگومان وه‌گووره‌ى گفتوگوو وه‌ل ژنه‌یلا دیارده‌یگ، وه‌ل ئه‌وه‌یشا بڕیگ هووكار تایبه‌ت هه‌س ئه‌را ئه‌و نیگه‌رانیه‌یله‌ ك وه‌رجه‌ پیكهاوردن ژیان هاوسه‌رى رویده‌یگ وه‌ك: بڕیار جایه‌ڵ وه‌ پیكهاوردن ژیان هاوسه‌رى:

1- ك بایه‌سه‌ له‌ڕى خوه‌شه‌ویسیه‌و بوود.

2- ئه‌و دویه‌ته‌ ئه‌ڵوژنیگ ك خوه‌ى توایگه‌ى.

3- زیاتر له‌ ژنیگ.

دویاى ئه‌وه‌یش هه‌ڵویست دایگ و باوگ له‌ى باوه‌ته‌وه‌ جویر:

1- ده‌خاڵه‌تكردنیان له‌ئه‌ڵوژانن.

2- دویرخستن ناڕه‌زایه‌تى فره‌یگ له‌ ئه‌ڵوژانن.

3- بڕیاریان له‌باوه‌ت ره‌ته‌وكردن ده‌زویران.

بیگومان ئى قسه‌یله‌ راسیه‌و هویچ گومانیگ له‌تى نیه‌، ك وه‌ل ئه‌وه‌یشا هووكاره‌یل تر ده‌ركه‌فیگ و بووده‌ مایه‌ى نامتمانه‌یى له‌ئه‌ڵوژانن هاوسه‌ر ژیان و ئه‌قڵیه‌تیگ دویاكه‌فتگ بڕیار له‌بانى ده‌یگ.

 

ن: هیام جه‌بار