شێروان چه‌رداوڵ دو شار و يه‌ك ناو

شفق نيوز

هه‌ر وه‌و خاتريشه‌ خواستيم شێروان چه‌رداوڵ بخه‌يمنه‌ وه‌رباس و له‌يه‌كه‌وداين تا بزانيم په‌يوه‌ندی ناونی ئی دو ناوه‌ چه‌س وه‌يه‌كه‌و؟ بيگومان جوور ئه‌وه‌ك ئاشكراس شێروان چه‌رداوڵ يه‌كيگه‌ له‌ شاره‌يل پاريزگای ئيلام له‌ كوردستان خوه‌رهه‌ڵات و ناوه‌ند ئی شاره‌ وه‌پی ئويشن سه‌راوڵه‌.

ئمجا له‌وه‌ر زانياری فيشتر ئه‌وه‌ ده‌ركه‌فتگه‌ ك شێروان يه‌كيگه‌ له‌شاره‌يل شێروان چه‌رده‌واڵ، يه‌يش مانای ئه‌وه‌سه‌ ك ناوچه‌گه‌ وه‌گشتی ناسرياگه‌ وه‌ شێروان چه‌رداوڵ و له‌يوا دياره‌ هه‌ر يه‌كيگ له‌ليان تايبه‌تمه‌ندی خوه‌ی داشتوود.

شێروان جوور ئه‌وه‌ك له‌ مێژوو ئيلام ئاماژه‌ وه‌پی كرياگه‌، ئه‌كه‌فيده‌ دويری ١٠٠كم له‌ باكوور خوه‌رهه‌ڵات ئيلام و يه‌كيگه‌ له‌ ناوچه‌يل به‌رهه‌مدار و خاوه‌ن زه‌وييگ وه‌پيت وبه‌ره‌كه‌ت، ك يه‌يش ناوه‌نده‌گه‌ی "لۆمار"ه‌، ئاو سه‌يمه‌ره‌ بويه‌س هووكار سه‌وزايی ئی ناوچه‌ وه‌تايبه‌ت له‌ وه‌رز وه‌هار جوانترين سروشت و ديمه‌ن دڵڕفن ديريدو كه‌ش و خوه‌ش و دڵگيريگ ديريدو مه‌ردم فريه‌يگيش ئه‌را گه‌شتياره‌ روی له‌لی ئه‌كه‌ن.

له‌ يرا چه‌رداوڵ به‌شيگه‌ تر پيكهاوردگه‌ له‌ باوه‌ش زه‌نجيره‌ كويه‌يل زاگرۆس، يه‌يش جوور شێروان خاوه‌ن كه‌ش و هه‌واو ديمه‌ن و سروشتيگ خوداييه‌، وه‌لی چه‌رداوڵ پيكهاتگه‌ له‌ دو شاروچكه‌ی جه‌وه‌ڵی و ده‌يشايی، له‌يرا داره‌يل به‌ڕوی و بايه‌م و قه‌سقه‌وان هه‌ر له‌ زويه‌و جوانی داسه‌ ديمه‌ن ناوچه‌گه‌ بيجگه‌ داره‌يل تر و گژ و گيای جوراوجوور ك ئه‌را ده‌رمان كورده‌واری نه‌ف له‌ليان وه‌رگيريه‌يد، مانای ئه‌وه‌سه‌ شێروان چه‌رداوڵ دو شار و يه‌ك ناو پاريزگای ئيلامه‌ له‌ كوردستان خوه‌رهه‌ڵات.

جه‌ماڵ ئه‌ركه‌وازی

سه‌رچه‌وه‌/ مێژوو ئيلام