هه‌ردوگ دیمه‌گه‌ى خوه‌شه‌ویسى

شفق نيوز

خوه‌شه‌ویسى راسكانى ئه‌و خوه‌شه‌ویسیه‌سه‌ قوربانى و دڵسووزى و راسگوویى ئه‌خوازید، چوینكه‌ ئه‌وه‌ك ئمڕوو دوینریه‌ید وه‌ناو خوه‌شه‌ویسیه‌و ته‌نیا وه‌خت وه‌سه‌ربردنه‌و هویچ تر، وه‌لى له‌ هه‌مان وه‌خت جووریگیش له‌ خوه‌شه‌ویسى ئه‌كه‌فیده‌ وه‌رچه‌و ك ئامانج له‌تى یه‌كه‌وگرتن و هه‌وڵداین دروسیگه‌ ئه‌را ئاینده‌و دروسكردن ژیان هاوسه‌رى له‌بان بنه‌ماى راسى و پاكى.

ئیمه‌ ئه‌گه‌ر باس له‌ هه‌ردوگ دیم خوه‌شه‌ویسى بكه‌یم، دوینیم دیمیگى ك جى داخه‌ ده‌سكرده‌و دیمیگیشى په‌یام دڵه‌. راسه‌ ئویشن كه‌س وه‌بى ئه‌جه‌ڵ نامرێد، وه‌لى فریه‌كه‌سیش هه‌ن خوه‌یان ئه‌خه‌نه‌ ئه‌نگه‌مه‌ى كیشه‌و مه‌رگه‌سات وه‌بى هویره‌و كردن و باوه‌ڕیان ئه‌وه‌سه‌ ك به‌خته‌وه‌رى وه‌ماڵ وته‌ڵاس!! بیگومان هویچ وه‌ختیگ به‌خته‌وه‌رى دیل ده‌س درامه‌ت نه‌ویه‌و نادێ، به‌ڵكوو خوه‌شه‌ویسى ها له‌گونجیان و له‌یه‌كڕه‌سینه‌وه‌و نه‌وین كیشه‌و گرفت.

هه‌ر له‌وه‌ر ئه‌وه‌یش دوینیم فریه‌جار خوه‌شه‌ویسى و به‌خته‌وه‌رى ئه‌كریه‌یده‌ قوربان زینه‌ت و ماڵ دونیاو سامان و دارایى زاڵ ئه‌دێده‌ بان تامه‌ راسكانیه‌كه‌ى خوه‌شه‌ویسى راسكانى و شایه‌ت وه‌ ده‌رده‌سه‌رى سه‌ختیگ كووتایى وه‌پى باریه‌ید.

به‌خته‌وه‌رى و خوه‌شه‌ویسى راسكانى ئه‌وه‌سه‌ ك له‌ ژیان هاوسه‌رى خوه‌ى دوینیده‌و، نه‌ك له‌ وه‌رجه‌ پرووسه‌ى هاوسه‌رگیرى، چوینكه‌ خوه‌شه‌ویسى سه‌ره‌ڕى و ناو جاده‌و دیده‌ن دویر وه‌ دویر ناڕه‌سیده‌ خوه‌شه‌ویسى هاوسه‌رى ، له‌وه‌ر ئه‌وه‌یش ئه‌تویه‌نیم بویشیم خوه‌شه‌ویسى هاوسه‌رى هه‌ڵگر سیماو ناوه‌ڕووك راسكانى ژیان به‌خته‌وه‌ریه‌.

دانیال حه‌سه‌ن

ج . أ