سیاسه‌ت و ئه‌خلاق

شفق نيوز

 

له‌ كوومه‌ڵگایه‌یل سه‌ره‌تایى، هه‌قه‌یل وه‌ده‌س ده‌سڵاتداره‌و بویه‌و دى وه‌گووره‌ى ئاره‌زوو و به‌رژه‌وه‌ندى خودى بویه‌و بگر یاسایه‌یل هه‌ر كوومه‌ڵگایگیش وه‌و جووره‌ بویه‌و هه‌ر له‌وه‌ر ئه‌وه‌یش وه‌گووره‌ى قوناغه‌یل ژیان ئاڵشتكارى هاته‌سه‌ بان هه‌قه‌یلیش.

قوناغ داب و نه‌ریت ئه‌و قوناغه‌ بویه‌ ك هه‌قه‌یل ئاده‌میزاد وه‌گووره‌ى داب ونه‌ریت كوومه‌ڵگا بویه‌و هه‌ر كوومه‌ڵگایگ كلتووریگ ئاده‌میزاد دووس داشتوید و تا چه‌نیگ پیشكه‌فتگ بوید ئه‌وه‌نه‌ هه‌ق تاكه‌یلى مقه‌یه‌تى كریاگه‌.

وه‌لى قوناغ یاسایى كه‌میگ پیشكه‌فتگ تره‌ له‌ قوناغ داب ونه‌ریت، چوینكه‌ له‌یرا هه‌قه‌یل له‌ قاڵب داب ونه‌ریت ده‌رچیه‌و سفه‌ته‌یل یاسایى گرته‌سه‌ خوه‌ى. بیجگه‌ ئه‌وه‌یش قوناغ دستوورى هه‌س ك ئى قوناغیشه‌ باڵاتره‌ له‌ هه‌ردوگ قوناغ داب ونه‌ریت و یاسایى، چوینكه‌ ده‌ستوور وه‌ داڵگ یاسایه‌یل دانریه‌یدو هه‌قه‌یل له‌تى جیگیر بویه‌و نویسریاگه‌.

دویاى ئه‌وه‌یش قوناغ ناوده‌وڵه‌تى هه‌س، یه‌یش ماناى ئه‌وه‌سه‌ هه‌قه‌یل ئاده‌میزاد له‌ى قوناغه‌ له‌ مه‌رزه‌یل سیاسى و جوگرافیه‌گه‌ى نیشتمان چووده‌ ده‌یشت و پاشیلكردن هه‌قه‌یل ئاده‌میزاد له‌ هه‌ر شوونیگ بوود وڵاته‌یل پیشكه‌فتگ راسه‌وخۆ و ناراسه‌وخۆ بوونه‌ داواكاریگ ئه‌را مقه‌یه‌تیكردن ئه‌و هه‌قه‌یله‌.

له‌یرا تیكه‌ڵكردن سیاسه‌ت وه‌ ئه‌خلاق و داوڕین سیاسه‌ت له‌ ئه‌خلاق دو ماناى جیاوازن و دو ئه‌ڕاى چوینه‌ له‌ دونیاى سیاسه‌ت وه‌ تایبه‌ت له‌لاى سیاسه‌تمه‌داره‌یل و زانایه‌یل سیاسى، بڕیگ وه‌پیان له‌یواسه‌ هویچ هه‌وه‌جه‌یگ نه‌یرید ئه‌خلاق تیكه‌ڵ سیاسه‌ت بوود ك ئه‌یانه‌یش وه‌ قوتابى و لایه‌نكره‌یل ماكیاڤیلى دانریه‌ن، ك وه‌شیوه‌ى ته‌واویگ سیاسه‌ت له‌ ئه‌خلاق و ئه‌قڵ سیاسى و دى ئه‌وسایش هویچ مانایگ ئه‌را سیاسه‌ت نیه‌مینیده‌و.

خوه‌ندنه‌وه‌یگ تر له‌یرا ئه‌وه‌سه‌ ك بایه‌سه‌ ئامانج چه‌نیگ گرینگه‌، ئه‌وه‌نه‌یش مه‌سه‌له‌ى ئه‌خلاق نه‌خریه‌یده‌ كنار، چوینكه‌ وه‌ دویره‌وخستنى ماناى دژایه‌تیكردنه‌ له‌ وه‌رانوه‌ر چشته‌یل پیرووز كوومه‌ڵگاو سووكایه‌تیه‌ وه‌ مه‌ردم كوومه‌ڵگا، هه‌ر له‌وه‌ر ئه‌وه‌یش دروشم ئه‌خلاق چه‌ك دادپه‌روه‌رى و دڵسووزى سیاسه‌ته‌. ئنجا هه‌ر وڵاتیگیش گشت هه‌قه‌یل سه‌ره‌تایى ژیان و هه‌قه‌یل سیاسى و مه‌ده‌نى له‌تى نه‌ود وه‌پى نیه‌ویشن وڵات.

ئه‌یوب شمێرانى

ج . أ