به‌غدا مێژوو ناخوه‌نێده‌و

عه‌لى  حسێن فه‌يلى

شه‌فه‌ق نيوز/ وتيان له‌ به‌غدا هه‌ر لايه‌نيگ هه‌وه‌جه‌ وه‌ گفتگوو بكا هه‌ر ئه‌و زه‌ره‌دكه‌نه‌ نه‌ك ئه‌وه‌گ له‌ مه‌يدان سه‌ركه‌فت، يه‌يش له‌ وه‌ختيگ بارودوخه‌گه‌ له‌تى هه‌وه‌جه‌ وه‌ هويره‌وكردن ديرێد له‌ راسيه‌يل وه‌ئه‌وه‌گ ئايا سه‌ركه‌فتن هه‌ردوگ لايه‌ن له‌ هه‌ولێر و به‌غدا ئه‌چێده‌ گره‌و ئاشتى و گفتگوو يا خوه‌ێ له‌ دويرگرتن و ئه‌نجام نه‌داين گفتگوو دوينێد؟

 

به‌غدا خوه‌نينه‌وه‌ێ دروسيگ ته‌نانه‌ت ئه‌را به‌رژه‌وه‌نديه‌يليشێ نه‌يرێد و نازانێد ك كوردستان جوور عراق پايه‌ێ خوه‌ى ديرێد و پله‌يگ له‌ نموونه‌يى ئاسايشى ديرێد له‌ دونياێ ده‌يشت وه‌ تايبه‌ت له‌ خوه‌رئاوا.

 

هه‌رچه‌نى ك كورد مه‌يل ئه‌وه‌ نه‌يرن گرژى له‌ بارودوخه‌گه‌ روێ بيه‌ێد، وه‌لێ ئاگادارن له‌وه‌گ مه‌سه‌له‌گه‌ هه‌وه‌جه‌ وه‌ ئاڵشتكردن شيواز هويره‌وكردن ديرێد و بگر هه‌وه‌جه‌يش وه‌ له‌خوه‌يگرتن سياسه‌ته‌يل ديرێد. ئمجا له‌ وه‌خيگ ك په‌لاماره‌يل ميديايى ديديگ هه‌ڵه‌يگ دروس ئه‌كا له‌لاى عراقيه‌يل له‌باره‌ێ كوردستان، مه‌ردمان فريه‌يگ باوه‌ڕيان ئه‌وه‌سه‌ ك جه‌نگ كار خراويگه‌ له‌گشت بارودوخيگ، وه‌لێ كاردانه‌وه‌ى ناڕه‌حه‌تكه‌ر ك به‌غدا گرته‌سه‌ێ وه‌ر وه‌رانوه‌ر كورد له‌شوون روێداگه‌يل 16ى ئوكتۆبه‌ر، غافڵبوين حكومه‌ت عراقى ده‌رئه‌خا له‌ خوه‌نينه‌وه‌ى مێژوو، ك يه‌يش كرده‌وه‌يل دويره‌وخستن كورد و جيابوينه‌وه‌يان گورجتره‌و ئه‌كا له‌ وازێ جيوسياسى.

 

ئيمه‌ ئه‌زانيم ك كيشه‌يل ناوخوه‌يى له‌ كوردستان و وجوود ده‌سوه‌رداين ده‌ره‌كى و فراوانبوين يا گه‌وراوه‌بوين ئى قه‌يرانه‌يله‌ په‌يوه‌سن وه‌ كيشه‌يل ناوخوه‌يى و ده‌ره‌كى ناوچه‌گه‌، وه‌لێ جه‌نگ به‌غدا دژ كورد هه‌تاهه‌تايى نيه‌و ئاقبه‌تيش له‌ چوارچێوه‌ى هه‌ڕه‌شه‌و جه‌نگ ده‌رئه‌چێد ك هه‌رچه‌نى:

 

له‌ى بواره‌ دقه‌ت گه‌ورا ها بان ئه‌و هيزه‌يله‌ ك وه‌پيان ئويشريه‌ێد ئۆپۆزسيۆن، وه‌لێ مكوڕ نادێ له‌بان تايبه‌تمه‌ندێ مافه‌يل نه‌ته‌وه‌يى. حكومه‌تيش ئه‌خوازێد له‌ڕێ ئه‌وانه‌و پرشه‌ێ داواكارێ مه‌ردم كورد ئارامه‌و بكا يا وه‌يه‌كجارێ كپيه‌و بكا.

 

نه‌بايه‌د يه‌يش له‌ هويره‌و بووه‌يم ك ئۆرپا له‌ سه‌ده‌يل ناوڕاس و له‌ سه‌رده‌م نازيه‌يل و شيوعيه‌يل و فاشيسته‌يل تاوانه‌يل ئايدۆلۆجى وه‌خوه‌يه‌و دێ و مه‌ردميش له‌و كشوه‌ره‌ خاستر ئه‌زانن ك ديموكراسى ئايدۆبۆجيا جوور ئه‌وه‌گ له‌ عراق هه‌س هويچ مانايگ نه‌يرێد، دى له‌و گووشه‌يشه‌و خاسترين ريگه‌ێ ره‌سينيگ ئه‌را ئى وڵات فريه‌ نه‌ته‌وه‌و ئايينه‌ فريه‌يى علمانيه‌ته‌.

 

نموونه‌ێ تازه‌ له‌ ئداره‌ێ پرووژه‌ێ نه‌ته‌وه‌يى كورد له‌ ناوچه‌گه‌ كه‌فته‌سه‌ هه‌رێم كوردستان عراق و قه‌واره‌يليگ له‌ خوه‌رئاواێ سوريا، ك ئه‌گه‌ر ده‌رفه‌ت هه‌ڵكه‌فت ده‌وڵه‌ت سه‌روه‌خوه‌ێ كوردى له‌لى ئه‌كه‌فێده‌و، چوينكه‌ كورد گشت خاكه‌يليان له‌ده‌س نه‌يانه‌ تائيسه‌ تا نه‌تويه‌نن خوه‌يان ريكه‌و بخه‌ن.

 

دويا روێداگيگ ك كه‌فته‌و له‌ى وڵاته‌، ئه‌وه‌سه‌ ك قوربانى كه‌مينه‌يل قوربانيه‌يليگه‌ له‌بان قوربانيه‌يل و خه‌ميگه‌ خه‌متر زياێ ئه‌كا، ئمجا به‌غدا سياسه‌تيگ له‌وه‌رانوه‌ر كورد گرته‌سه‌ وه‌ر كه‌مه‌ كه‌مه‌ خوه‌ێ له‌ تاواننه‌وه‌ى توانايه‌يليان دوينێده‌و وه‌ل ويرانكردن ئيراده‌يان، ك سه‌ره‌تايشى دروسكردن قه‌يرانه‌يل ناوخوه‌يى بوێ و دوياێ ئه‌وه‌يش حكومه‌ت عراقى وه‌شيوه‌يگ راسه‌وخۆ هاته‌ بان هێڵ.

 

كه‌مترين گومانيش له‌وه‌ نيه‌ ك جوگرافياێ سياسى نه‌ته‌وه‌يى له‌ى ناوچه‌ مه‌سه‌له‌يگ جى گرينگيداين خوه‌رئاواس، ك شايه‌ت به‌غدا له‌ى لوغزه‌ به‌شدار بدێ، هه‌ر وه‌و خاريشه‌ ك ئه‌گه‌ر كورد بخوازن ده‌ستوور ئاڵشت نه‌كريه‌ێد يا بخوازن چشتيگ له‌ ده‌ستوور بكه‌فێده‌ ده‌سيان بايه‌سه‌ له‌بانيان بچن وه‌ره‌و به‌غدا.

 

ئيسه‌يش ئه‌و وه‌خته‌ هات ك بايه‌سه‌ له‌بان به‌غدا خوه‌ێ قورتار بكا له‌ نه‌خوه‌شيه‌يل و سازكردن ترس و ڕخه‌وبردن ك نه‌ك وه‌خاتر هه‌ڵوژاردنه‌يل، به‌ڵكوو وه‌خاتر ده‌سه‌وه‌ركردن مافه‌يل ملله‌ت كوردستان. وه‌ل ئه‌وه‌يشا گفتگوو ناونى به‌غدا و هه‌ولێر ئه‌وه‌گ تويه‌نست جيوه‌جى كرد ته‌نيا له‌ گوزه‌يشت، ك نه‌بايه‌د له‌ شانيه‌ت هاووڵاتيه‌يل هه‌رێم كه‌مه‌و بكا هه‌ناى هه‌ڵه‌يل شيه‌و ئه‌كه‌ن و جيايى له‌ناونى خاسى و خراوى ئه‌كه‌ن.

عه‌لى حسێن فه‌يلێ