كۆمه‌ڵگای مه‌ده‌نی و دامه‌زرانن ده‌وڵه‌ت

شفق نيوز

جيوه‌جی بكا له‌و گۆڕانكاريه‌يله‌ ك‌ ئابووری و كۆمه‌ڵايه‌تين و تايبه‌تن‌ وه‌ سياسه‌ته‌يل راسه‌و كردن ئابووری و ميكانيزم سه‌نين له‌ وڵات ، وه‌ هه‌ميش به‌رزه‌و بوين پله‌ی گرنگی داين وه‌ ئازادی و نويسانن ده‌ستوور و ده‌نگ داين وه‌پی و له‌شوونيش جيوه‌جی كردن هه‌ڵوژاردن گشتی و ئه‌نجوومه‌ن پارێزگايه‌يل و ئاماده‌يی ئه‌را جيوه‌جی كردن هه‌ڵوژاردنه‌يل په‌رله‌مانی ئايه‌نده‌ له‌ وڵات . وه‌لی بڕيگ له‌ وه‌ربه‌سيل هاله‌وه‌رده‌م ده‌زگايل مه‌ده‌نی له‌ عراق ك نيه‌يليگ ئه‌ی ده‌زگايله‌ نه‌خش سياسی چالاكيگ له‌ بردن بڕياره‌يل سياسی خوه‌يان نيشان بيه‌ن جوور دخاله‌ته‌يل هيزه‌يل بيگانه‌ و سه‌رمايه‌دار و دويره‌و كه‌فتن له‌ بنه‌وايل ئازادی و گفتوگووی ناوخوه‌يی و ناتوانی ئه‌ندامه‌يل كاروه‌ده‌س .

ڕميان ده‌سڵات دكتاتۆری بويه‌ بايس گۆڕانكاری له‌ نه‌خشه‌ی كۆمه‌ڵگای مه‌ده‌نی عراقی وه‌جووريگ دوينيمن وه‌رجله‌ ڕميان ئه‌ی ده‌سه‌ڵاته‌ و تا ساڵ 2003 رێكخراوه‌يل كۆمه‌ڵگای مه‌ده‌نی ته‌نيا پشتگيری له‌ به‌رژه‌وه‌نديه‌يل لايه‌ن تايبه‌تيگ كرديان وه‌ گشتيان له‌ ژير ده‌سڵاتداری پارته‌يل ده‌سڵاتدار بوين و له‌ به‌رژه‌وه‌ندی ئه‌وانه‌ ته‌قالا كرديان و سنوور كارييگ ئه‌رايان دياری كردوين ك جوور خه‌ت قرمزيگ بوی ك نه‌بايه‌د له‌لی ره‌د بوون . وه‌لی له‌ی وه‌خته‌ دونيمن ك كۆمه‌ڵگای مه‌ده‌نی ئاڵشته‌و بويه‌ و گرنگی ده‌يگه‌ باوه‌ته‌يل تازه‌يگ و كيشه‌يل تازه‌يگ جوور چاوديری له‌ ژينگه‌ و بێ پويلی و كوچ و كوچ وه‌پی كرياگه‌يل و چشته‌يل فره‌يگتر له‌ كۆمه‌ڵگای عراقی . له‌يراسه‌ ك وه‌ل كۆمه‌ڵگای مه‌ده‌نی چالاك و نه‌خشی له‌بان كۆمه‌ڵگای عراقی ئاگاداره‌و بويمن ك ده‌سمه‌يه‌ت ده‌يگ ئه‌را دامه‌زرانن وڵاتيگ سه‌ركه‌فتگ و گه‌شه‌ په‌ياكردگ و زامن كردن ئايه‌نديگ ڕووشن ئه‌را كۆمه‌ڵگای عراقی و ده‌سمه‌يه‌ت دان هاووڵاتيه‌يل له‌ گشت بواره‌يل .