بلێر و جه‌نگ عراق

شفق نيوز

ئاماده‌ی به‌رپاكردن ئه‌و جه‌نگه‌ بوی ك وه‌ڵ ئه‌مريكايا له‌نيسان ٢٠٠٣ له‌دژ رژيمه‌گه‌ی سه‌دام حسێن ئه‌نجاميدان و بويه‌ مايه‌ی رماننی .

ره‌خنه‌گره‌يل ئشاره‌ت وه‌ ئه‌وه‌ كه‌ن ك بلێر په‌رله‌مان بريتانيا چه‌واشه‌وه‌ كردگه‌و به‌ڵگه‌يلی ئه‌را ئه‌و جه‌نگه‌ وه‌شيوه‌يگ داناگه‌   ك وه‌ل وه‌زعه‌گه‌يا بگونجيه‌يگ ، ئمجا وه‌رپرسه‌يل بريتانيا وه‌رجه‌ گشت كه‌سيگ ئاگادارن له‌وه‌ك وجوود رژيميگ وه‌ك حزب به‌عس له‌ عراق وه‌تايبه‌ت كه‌سايه‌تييگ شه‌ڕه‌نگيز وه‌ك سه‌دام چ مه‌ترسييگ له‌بان ملله‌ت عراق و ملله‌ته‌يل ناوچه‌گه‌ داشتگه‌و ئاگادارن له‌وه‌ك ئه‌و رژيمه‌ له‌دويا سه‌عاته‌يل مه‌ندنی له‌ده‌سڵات خه‌ريك چ وازييگ مه‌ترسيدار بويه‌ وه‌هاوكاری و ريككه‌فتن وه‌ل ريكخرياگ قاعيده‌ . سه‌رووك وه‌زيره‌يل وه‌رين بريتانيا وه‌شيوه‌يگ ماريفی و مه‌نتقيانه‌ هوير له‌و مه‌ترسيه‌يله‌ كردويگ ك خود سه‌دام حسێن دروسی كردويگ له‌بان ناوچه‌گه‌و جه‌هان ، هه‌ر له‌وه‌ر ئه‌وه‌يش وه‌ئاشكرا باس له‌وه‌ ئه‌كا ك بيجگه‌ له‌چه‌ك جه‌مكوش تويه‌نريا چه‌نه‌ها مه‌هانه‌ی تر بوياتاك ئه‌را له‌ناوبردن رژيم سه‌دام و كپه‌وكردن ئه‌و هه‌ڕه‌شه‌يله‌ ك كردوينه‌ی مه‌ترسی . بلێر واقع ئيسه‌ی عراق وه‌ خاستر زانيگ و له‌لای له‌يوا نيه‌ ك عراق و ناوچه‌گه‌و جه‌هان وه‌ له‌ناوبردن سه‌دام و كوڕه‌يلی زه‌ره‌د له‌ليان كه‌فتويگ ، هه‌ر له‌وه‌ر ئه‌وه‌يش ده‌ربه‌س لوجنه‌ی ته‌حقيق نيه‌ له‌جه‌نگ ٢٠٠٣ .

سه‌رووك وه‌زيره‌يل وه‌رين له‌يه‌كيگ له‌به‌رنامه‌يل كه‌ناڵ (بی بی سی) ئشاره‌ت وه‌ ئه‌وه‌ كرد ك هاوسووزه‌ وه‌ل ئه‌و كه‌سه‌يله‌ دژ وه‌و جه‌نگه‌ بوين و ئيسه‌يش له‌دژی وسيه‌ن ، وه‌لی له‌باوه‌ت خوه‌يه‌وه‌ وت : بايه‌س بوی له‌كووتايی بڕيار ئه‌نجامداين ئه‌و جه‌نگه‌ بياتام .

بلێر وه‌كارهاوردن چه‌ك جه‌مكوش له‌لايه‌ن سه‌دامه‌وه‌ دژ وه‌ ملله‌ت عراق وه‌هه‌مان فكره‌ی دروسكردن ئه‌و مه‌ترسيه‌يله‌ دانه‌يگ ك ئه‌و ده‌سڵاته‌ له‌بان ناوچه‌گه‌ داشته‌ی و رمانن رژيم سه‌دام له‌عراق روی وه‌ر يا مه‌ساحه‌ی ئه‌و جه‌نگه‌ فراوانتر كرد ك وه‌جه‌نگ دژ وه‌ تيرۆرزم ناسريه‌يگ و تويه‌نست زوورم ئه‌و ئامانجه‌يله‌ باريگه‌ دی ك هه‌وڵ ئه‌ڕای دريا .

جه‌نگ عراق و له‌ناوبردن سه‌دام له‌ناوچه‌گه‌ چشت خاسيگ بوی و ئه‌وانه‌ ك ئيسه‌ ته‌حيقيق كه‌ن وه‌ل سه‌رووك وه‌زيره‌يل بريتانيا دياره‌ له‌و مه‌ترسيه‌يله‌ نه‌ڕه‌سينه‌سه‌وه‌و هس وه‌و به‌دبه‌ختی و كاولكاريه‌يله‌ نه‌كردنه‌ ك رژيم سه‌دام حسێن هاورده‌ی بان ملله‌ت عراق و ناوچه‌گه‌يا جوير ئه‌وه‌ك بلێر هس وه‌پيان كردياگ ، هه‌ر له‌وه‌ر ئه‌وه‌يش بوی ك بڕيار ئه‌نجامداين و به‌رپاكردن جه‌نگ دريا له‌لايه‌ن بريتانياو ئه‌مريكاوه‌ ئه‌را له‌ناوبردن سه‌دام و داروده‌سه‌گه‌ی .