ده‌وڵه‌ت كورده‌يل ها ڕييه‌و

شفق نيوز

نه‌ته‌وه‌خوازه‌يل عه‌ره‌ب وه‌ چه‌و كينه‌ته‌و نوڕستيانه‌ نه‌ته‌وه‌ى كورد، چوينكه‌ ده‌وله‌ته‌ نه‌ته‌وه‌يه‌گه‌ى جيوه‌جى نادێ مه‌گه‌ر وه‌ داوڕين به‌شيگ له‌ خاك عراق عه‌ره‌بى.

ئه‌وسا ريككه‌فتنيگ عراقى و سورى و توركى و ئيرانى له‌ شگت سه‌رده‌ميگ وجوود داشت ئه‌را له‌ناوبردن نه‌ته‌وه‌ى كورد و باوه‌ڕيان ئه‌وه‌ بوى ك كورده‌يل عراق ته‌نيا عراقيين و كورده‌يل سوورى ته‌نيا سووريين و كورده‌يل توركيايش توركن و كورده‌يل ئيرانيش ئيرانى.

وه‌ل ئه‌وه‌يشا وڵاته‌يل هه‌رێمى و جه‌هانى حاشا له‌ ماف كورده‌يل كرديان له‌ دامه‌زرانن ده‌وڵه‌ت سه‌روه‌خوه‌ييان له‌بان خاك خوه‌يان له‌وه‌ختيگ ده‌سكارى خه‌ريته‌ى مه‌رزه‌يل كريا له‌شوون رميان ده‌وڵه‌ت عوسمانى تا رووژ ئمڕوومان.

رويداگ تازه‌ى مه‌سه‌له‌گه‌ ئه‌وه‌سه‌ ك كورده‌يل ئسپات وجوود خوه‌يان كردن، ئمجا له‌ساى خوه‌يموختارى له‌ هه‌رێم كوردستان هه‌رێمه‌گه‌ فيشتر پيشكه‌فت له‌ڕوى ئابوورى و ديموكراسى له‌ نيشتمان دايگ، هه‌ناى ك روى وه‌ڕوى بوينه‌وه‌و دوشمنيش هات ته‌نيا كورده‌يل وه‌رانوه‌ر داعش وسيان، چوينكه‌ كيشه‌يگ ديرن شايسته‌ى قوربانيداينه‌.

ته‌نيا كورده‌يل تويه‌نستن قاره‌مانێتێ داشتوون و مقه‌يه‌تى هه‌رێمه‌گه‌يان بكه‌ن له‌ په‌لاماره‌يل ريكخرياگ ترۆريستى داعش و شاره‌يل سه‌ره‌كى و ئاوايه‌يل فريه‌يگ و خاك فراوانيگمان ئازاد بكه‌ن و هه‌ر وه‌و خاتريشه‌ شايسته‌ى پشتگيرى و دگان وه‌پياناين بوين.

سه‌روه‌خوه‌يى نيشتمانى جوور به‌خشينيگ نايه‌يد، به‌ڵكوو له‌ئاكام قوربانى و سه‌بر و ئيراده‌س، ك وه‌ى جووريشه‌ كورده‌يل شايسته‌ى ئى مافه‌نه‌و باج ئى مه‌سه‌له‌يشه‌ دانه‌و بايه‌سه‌ له‌بانمان دگان وه‌ مافه‌يليان بنه‌يم و پشتگيرى ئه‌زره‌ته‌يليان بكه‌يم له‌ دامه‌زرانن ده‌وڵه‌تيگ سه‌روه‌خوه‌يى ره‌فيق ئه‌را عه‌ره‌ب له‌بان خاكيگ ك له‌بنه‌ڕه‌ته‌و خاك خوه‌يانه‌ له‌شوونيگ تره‌و ناتنه‌ داگيرى بكه‌ن.

فه‌هه‌د ئه‌لفانك