دابه‌شكردن عراق راسييگه‌و بايه‌سه‌ دگان وه‌پيا بنه‌يم

شفق نيوز

مليۆنه‌ها كه‌س وه‌ شيوازه‌يل جياجيا وه‌بی تاوان كوشيان، چ راسه‌وخۆ يا ناڕاسه‌وخۆ، داگيركاريش له‌ بڵاوكردنه‌وه‌ی ئاشووگه‌ری و چه‌كداركردن هه‌زاران جايه‌ڵ جوان و توڵه‌سه‌ندنه‌وه‌يان سه‌ركه‌فت.

جه‌نگ تايفه‌گه‌ری له‌ ناوچه‌گه‌ له‌ساڵ ١٩٨٠ ده‌سوه‌پيكرد، ك ئه‌مريكا سه‌ركه‌فت له‌ مه‌يلكيشانن بڕيگ سه‌رۆك وه‌تايبه‌ت ئه‌وانه‌گ داوای جيوه‌جيكردن كرده‌وه‌يليگ له‌ليان كرياو هه‌ر وه‌و خاتريشه‌ نه‌وه‌يل فريه‌يگيش خريا بان ئه‌و فكر و دويره‌و خريان له‌ فكره‌ی نيشتمانی و ئنتمانی نيشتمانی و هيشته‌يان گرينگی بيه‌نه‌ ئنتمای ره‌گه‌زی و تايفه‌گه‌ری و نيشتمان له‌لايان كريا دووزه‌خ!

وه‌رجه‌ ئه‌وه‌يش زه‌عيم عه‌بدولكه‌ريم قاسم و مه‌سه‌يل تريش له‌شوونی ئه‌و وه‌رپرسيارێتيه‌ كه‌فته‌ بانيان و ئه‌وه‌گ روێدا ئاشكرا بوی، چوينكه‌ گشتيان سياسه‌ت خاس و دروسي نه‌ياشتن و نه‌فام بوين له‌ سياسه‌ت و زوورم ئه‌و سه‌رۆكه‌يله‌ ك ده‌سڵات عراق و ده‌وڵه‌ته‌يل عه‌ره‌بی وه‌ ده‌سيانه‌و بوی په‌يڕه‌و ئه‌جندای ده‌ره‌كی كردن و ئه‌وه‌كيش پشتگيری له‌ليان كرد ئۆپۆزسيۆن له‌ دژيان دانرياو پيلان له‌ دژيان دانريا، تا ره‌سيه‌ ئه‌و دروشمه‌ ك وه‌پی وتيان(بچويچيه‌ن نه‌ف وه‌رگرين).

شيواز جه‌نگ وه‌ وكاله‌ت، ئه‌مريكيه‌يل له‌ جيوه‌جيكردنی سه‌ركه‌فتن و به‌ر خاسيگ له‌لی چنينه‌و، ئمجا دويای چزداين سه‌دام حسێن ئه‌را جه‌نگ وه‌ل ئيران هه‌يشت ساڵ دريژه‌ كيشا، دی ئه‌مريكا وه‌و جووره‌ سه‌ركه‌فت له‌ دروسكردن خوسه‌و كينه‌ت له‌ناونی ملله‌ته‌يل فريه‌يگ، نه‌ك ته‌نيا هه‌ر له‌ناونی ئيران و عراق، به‌ڵكوو ستراتيجيه‌ت تازه‌يگ له‌بان ئاگر ئاراميگ داناو سه‌دام حسێن ئه‌و سيناريۆی نه‌خشه‌كيشرياگه‌ ته‌مام كرد وه‌ چگنی وه‌ناو كوه‌يت له‌ساڵ ١٩٩٠ وه‌ ڕه‌زامه‌نی ئه‌بريل غلاسبی باڵوێز ئه‌وسای ئه‌مريكا.

ئمجا شايه‌ت ئه‌و روێداگه‌يله‌ جوور يه‌ك نه‌ون، وه‌لێ ئامانجه‌يلی هاوشيوه‌ بوين، ك ئه‌ويش جه‌نگ ئه‌مريكی – شيعه‌س، ك ئه‌مريكا ده‌سوه‌پيكرد له‌شوون رميان محه‌مه‌د ره‌زا شای په‌هله‌وی شای ئيران و سه‌ركه‌فتن شووڕش ئسلامی، دی له‌يرا ئه‌مريكاو هاوپه‌يمانه‌يلی له‌يوا ئحساس كردن ك پرووژه‌يليان له‌ خوه‌رهه‌ڵات ناوين كه‌فته‌سه‌ مه‌ترسی، ك وه‌و خاتريشه‌ بڕيگ له‌ سه‌رۆكه‌يل كردنه‌ لايه‌نگر خوه‌يان و هوير له‌وه‌ كردن ك وه‌رده‌وامی جه‌نگ قادسيه‌ی سه‌دام بی قانجازه‌ و ئه‌وه‌ بوی له‌ساڵ ١٩٨٨ ئه‌و جه‌نگه‌ ته‌مام بوی و ئه‌مريكا بڕيار دا كووتايی وه‌ خزمه‌ت يه‌كيگ له‌ نه‌وكه‌ره‌يلی بارێد و ئه‌وه‌ بوی دام ئه‌را سه‌دام ناره‌وه‌و خسته‌ی دامه‌و هه‌نای ك بڕيار دا بچێده‌ ناو كوه‌يت و جه‌نگ كه‌نداو دويه‌م ده‌سوه‌پيكرد.

دويای ئه‌وه‌يش ئه‌مريكيه‌يل بوخت چه‌ك كيمياوی و بايلۆجی كردنه‌ رژيم سه‌دام ك گوايا عراق خوه‌ی ئه‌يه‌رێده‌ی به‌رهه‌م، ئمجا دويای كزه‌وكردن رژيم سه‌دام ئه‌وه‌ بوی له‌ساڵ ٢٠٠٣ رمانه‌ی و لاپه‌ڕه‌ی تازه‌ واز بوی، وه‌لی ئه‌مريكا پيشبينی ئه‌وه‌ نه‌كردن ك شيعه‌ بته‌وتر و هيزدارتر بدێ، شيعه‌يش وجوود ئه‌مريكيه‌يل له‌ عراق ره‌ته‌و كرد وه‌گشت شيوازيگ، وه‌لێ له‌لايگ تره‌و ئه‌مريكا ده‌سكرده‌ دروسكردن گرووپه‌يل ترۆريستی له‌ ريكخرياگ قاعيده‌ و ئی ريكخرياگيشه‌ هاورده‌ كار ئه‌را ده‌سوه‌شانن له‌ يه‌كێتی سۆڤێت وه‌رين له‌وه‌خت جه‌نگ سه‌رد.

ئيسه‌يش ئه‌مريكيه‌يل ريكخرياگ تازه‌ دامه‌زرانن وه‌ناو ده‌وڵه‌ت ئسلامی له‌عراق وشام(داعش)و له‌لايه‌ن سعوديه‌و قه‌ته‌ر و توركياوه‌ ته‌مويل ئه‌كريه‌ێد، ك بايه‌سه‌ له‌بانمان ئی راسی تيه‌ڵه‌ قه‌بول بكه‌يم و له‌ هه‌مان وه‌خت پرووژه‌ی خوه‌رهه‌ڵات ناوين تازه‌يش قه‌بول بكه‌يم، چوينكه‌ سه‌بر ئه‌مريكا جيوه‌جی نادێ..!

ئه‌سير ئه‌لشه‌رع