هووكار دروسبوین وشه‌ى تازه‌

شفق نيوز

 

ئه‌و ئاڵشتكارى و پێشكه‌فتن و دروسبوین وشه‌یل تازه‌یشه‌ چه‌ن هووكاریگ دیرن و له‌وانه‌یش:

* هووكار مێژوویى: وه‌ل گوزه‌ركردن وه‌خت، وشه‌ى كویه‌ن له‌ناو چوود و له‌جیاى ئه‌و وشه‌ى كویه‌نه‌ وشه‌یل تازه‌ ئه‌یه‌ێده‌ ناو زووانه‌و، وه‌ل ئه‌وه‌یشا دوینید وشه‌یل كویه‌نیش وه‌ ماناى تازه‌یگه‌و تیه‌ریه‌نه‌ ناو زووان.

 

* زووان زوورمینه‌: له‌ هه‌ر شوونیگ ئه‌گه‌ر هات و فیشتر له‌ زووانیگ وجوود داشت، ئه‌وه‌ زووان زوورمینه‌ و زووان ده‌سڵات كاریگه‌رى كه‌نه‌ بان زووانه‌یل تر، جوور ئه‌وه‌ك له‌ عراق زووان كوردى وشه‌یل عه‌ره‌بى فره‌یگ گرتگه‌سه‌ خوه‌ى و له‌ ئیرانیش زووان كوردى وشه‌یل فارسى هامیته‌ى بویه‌.

 

* لایه‌ن رووشنهویرى: ئى لایه‌نه‌ كاریگه‌رى دیرید له‌بان ئاڵشتكردن زووان، چوینكه‌ پێشكه‌فتن رووشنهویرى له‌هه‌ر بواریگ بڕیگ چه‌مك و زاراوه‌ى تازه‌ دروس ئه‌كا، ك له‌ئاكام رووشنهویرى و زانسته‌یل جووراوجووره‌و دروس بوون ك زویتر وه‌كارهاوردن نه‌یاشتنه‌.

 

ماناى ئه‌وه‌سه‌ زووانه‌یل هان له‌ ئاڵشتكارییگ وه‌رده‌وام، یه‌یش ئیچنه‌ ئه‌كا ك زووانیگ دابه‌ش بوود له‌بان چه‌ن شیوه‌زووانیگ و دى كه‌مه‌ كه‌مه‌ ئه‌و شیوه‌ زووانه‌یلیشه‌ له‌ یه‌كتر دویره‌و بكه‌فن و بوونه‌ زووانیگ سه‌روه‌خوه‌ى، ك یه‌یش چه‌ن هووكاریگ دیرید جوور:

* هووكار ناوه‌كى: ك پێكهاتگه‌ له‌و كاریگه‌رى و ئاڵشتكاریه‌یله‌ ك له‌ناوخود زووانه‌گه‌ رویده‌ن، جوور كۆڵه‌وبوین رسته‌ یا جومله‌و قرتیان و گونجانن ده‌نگه‌یل.

* هووكار ده‌ره‌كى: پیكهاتگه‌ له‌و كاریگه‌ریه‌یله‌ ك له‌ده‌یشت زووانه‌گه‌ كاركه‌نه‌ بان زووانه‌گه‌و كارگه‌رى كوومه‌ڵگایگ له‌بان كوومه‌ڵگایگ تر له‌وه‌خت كووچكردن، له‌ى جووریشه‌ ده‌یه‌ها وشه‌و زاروه‌ له‌ شوونه‌یل تازه‌ په‌یا بوون و بوونه‌ هووكار ده‌وڵه‌مه‌نبوین زووانه‌گه‌.

 

وه‌ل ئه‌وه‌یشا چشته‌یل تریش كار كه‌نه‌ بان دابه‌شبوین زووانه‌یل، له‌وانه‌یش:

* هووكار سروشتى"جوگرافیا": جوور به‌رز ونزمى و سه‌ختى جوگرافیا

* هووكار سیاسى.

 

سه‌رچه‌وه‌: ئه‌نته‌رنێت

ج . أ