نه‌ ئه‌را كووچ وه‌پیكردن زووره‌ملى

شفق نيوز

چوینكه‌ كوردایه‌تى له‌ خوه‌رئاوا هه‌وه‌جه‌ وه‌ پشتگیرى فریه‌یگ دیرید.

ئاواره‌ى كورد قه‌ده‌ریگ دویر و دریژ تاریخیه‌، وه‌تایبه‌ت له‌ سه‌ده‌ى بیس، ك سه‌ده‌ى كیشكمه‌كیش كورد بویه‌ وه‌ل زوڵم و سته‌م نه‌ته‌وه‌یى، هه‌ر له‌وه‌ر ئه‌وه‌یش نیه‌ود واز له‌لى له‌لى باریم بووده‌ قه‌ده‌ریگ له‌ سه‌ره‌تاى سه‌ده‌ى 21یش.

له‌ڕوى ئنسانى و هس نه‌ته‌وه‌ییه‌و، كورده‌یل باشوور له‌ هه‌رێم كوردستان خوه‌مان بایه‌سه‌ له‌بانیان باوه‌ش هاوبه‌شێتى و خوه‌شه‌ویسى ئه‌را كووچ وه‌پیكریاگه‌یل كورد خوه‌رئاوا واز بكه‌ن و حكوومه‌ت و ده‌زگایه‌یل خه‌یرخوازیش دادڕه‌س بوون، وه‌لى هیز كوردایه‌تى بایه‌سه‌ له‌ كار بوود تا كووچكردن نه‌وده‌ پیشه‌كییگ ئه‌را به‌تاڵكردن كوردستان خوه‌رئاوا.

دوشمنه‌یل كورد مه‌رامیان ئه‌وه‌سه‌ ئى مه‌سه‌له‌ بكه‌نه‌ كاریگ ناچارى، هه‌ر له‌وه‌ر ئه‌وه‌یش سیاسه‌ت سیاسه‌ت نه‌ته‌وه‌یى راس و دروس هاوكار و پشتگیره‌ له‌ مه‌ندنه‌وه‌و ره‌سانن یارمه‌تى و پشتگیرى ئه‌را كورده‌یل خوه‌رئاواو له‌و شوونه‌یله‌ ك خه‌بات له‌تیان كه‌ن.

وه‌رپرسیارێتى كوومه‌ڵگاى ناوده‌وڵه‌تییش ئه‌وه‌سه‌ ك ده‌خاڵه‌تیگ ئنسانى بكا جوور ئه‌وه‌ك له‌ نیسان ساڵ 1991 له‌ڕى بڕیار 688ه‌و خه‌تیگ قه‌یه‌غه‌كریاگ دیارى كرد ئه‌را دوشمنه‌یل كورد باشوور ك له‌و ساڵه‌ گه‌وراهیرزه‌یل له‌وه‌ر خاتر كورد ناوچه‌ى ئارام دروس كردن و مه‌رامیان ئه‌وه‌ بوى كووچڕه‌وى بان مه‌رزه‌یل نه‌ود هه‌ڕشه‌ ئه‌را بان ئاشتى جه‌هانى.

ناچاركردن ملله‌ته‌یل وه‌ كووچكردن وه‌جه‌م ئاكام خاسیگ نیه‌، به‌ڵكوو هاوكارى له‌ شوون خوه‌یان و مه‌ندنه‌وه‌یان خاسترین ده‌سكه‌فته‌و دویره‌وخستنه‌ له‌ هه‌ڕه‌شه‌و گام بته‌ویگیشه‌ هه‌م ئه‌را جمشت نه‌ته‌وه‌یى و هه‌م ئه‌را هه‌وڵیگ ناوده‌وڵه‌تى ك له‌ى رویه‌و بتویه‌نید هاوكارى بكا.

ستران عه‌بدوڵڵا

ج . أ