وه‌فاداری ئه‌را راپه‌ڕين كورد

شفق نيوز

راپه‌ڕين كورد). مه‌به‌س‌ له‌ راپه‌ڕين كورديش ئه‌وه‌ بوی ك راپه‌ڕينێگ له‌ ساڵ ٢٠٠٤ له‌ شار كوردی قامشلۆ ئه‌ڵسا ك حكومه‌ت سوريا وه‌ ده‌ڕنده‌يی ته‌مام وه‌ليا رويوه‌روی بوی.

سوريا تويش ته‌نگه‌وه‌ری بويه‌و ره‌سيه‌سه‌ قۆناغێگ نازك و لايه‌نه‌يل ناوچه‌يی و ناوده‌وڵه‌تيش هانه‌ تاوتوی يه‌گ رێ و شوونێگ گونجيای بگرنه‌ وه‌ر ئه‌را واز كردن ئه‌ی ته‌نگه‌وه‌ريه ك‌ وه‌جوورێگ ئاڵشتكاری سياسی دياری كريای له‌لێ بكه‌فێده‌و.

ئوپۆزيسيۆن سوريا، فره‌ ئه‌خوازێ و مه‌به‌سيه‌ ك كورد وه‌ره‌و لای خوه‌ بكێشێ و ئه‌نجوومه‌ن نيشتمانی سوريا ك ديارترين و وه‌هێزترين گرووپ ئوپۆزيسيۆن سورياس، ها له‌ ته‌قلای يه‌گ كورد باريگه‌ ناو رێزه‌يل خوه‌ی.

له‌ی رويه‌و، كورد دو گيچه‌ڵ ديرێد: يه‌كێگيان ئه‌وه‌سه‌ ك له‌ ناو كورد خه‌تێگ وه‌هێز هه‌سه‌ ك دژ ئه‌وه‌سه‌ ك ئه‌ی ده‌رفه‌ته‌ وه‌ ئوپۆزيسيۆن بيه‌ن تا كار ئه‌را رمێان رژيم به‌شار ئه‌سد بكا، ده‌سپێچگيانيش يه‌سه‌ ك ئه‌وه‌گ له‌ی رميانه‌ فره‌ قازانج ئه‌كا، توركياسه‌. ئه‌ی خه‌ته‌، وه‌ عه‌ينه‌ك كارگه‌ری رميان رژيم ئه‌سه‌د له‌ بان به‌رژه‌وه‌نديه‌يل كورده‌يل توركيا ئه‌ی مه‌سه‌له‌ ته‌ماشا ئه‌كه‌ن. ئمجا ته‌قلا و فشاره‌يل ئه‌ی خه‌ته‌ ره‌سيه‌سه‌ سه‌رئه‌نجام خوه‌ی و دوينيه‌يد ك كورد له‌ی ماوه‌ی شه‌ش‌ مانگ گوزه‌يشته‌ كه‌مترين جويله‌ی له‌ دژ رژيم ئه‌سه‌د له‌ خوه‌ی نيشان دايه‌.

گيچه‌ڵ دوێم ئه‌وه‌سه‌ ك كورده‌يل سوريا ئه‌خوازن ئه‌ی ده‌رفه‌ته‌ بارنه‌ ده‌س تا بڕێگ مه‌سه‌له‌ وه‌ ئوپۆزيسيۆن به‌سڵمنن، له‌وانه‌يش حه‌ق چاره‌نويس خوه‌يان ك يه‌يشه‌ زامه‌ت ئوپۆزيسيۆن سوريان له‌ی مه‌رج  ك ئيسه‌ هاله‌تێ يه‌ قه‌بوڵ بكا.

ئه‌گه‌رچه‌ ئوپۆزيسيۆن له‌ ده‌مه‌ته‌قه‌كردن و قسيه‌، نه‌رمی گونجيای له‌ خوه‌ی نيشان دايه‌، وه‌لی فره‌تر له‌ هه‌وه‌جه‌ فشارهاوردن وه‌ ئوپۆزيسيۆن وه ‌قازانج كورد نيه‌.

به‌شێگ له‌ ئوپۆزيسيۆن كورد له‌ يه‌ ره‌خنه‌ گرتنه‌ ك له‌ راپه‌ڕين ساڵ ٢٠٠٤ هويچ عه‌روه‌ێگ وه‌ هانايان ناتيه‌. كه‌س ناتوانێد يه‌ ئنكار بكا ك ئه‌ی ره‌خنه‌، ره‌خنه‌ێگ راسه‌، وه‌لهی له‌ وه‌رايوه‌ريش كورده‌يل ناوچه‌يل تر هه‌م وه‌ هانای قامشلۆ ناتن و كورد و عه‌رو وه‌ل يه‌كا قامشلو وه‌ ته‌نيا هێشتن‌. ئيرنگه‌ له‌ وه‌ختێگ ئوپۆزيسيۆن سوريا جومه‌ێگ وه‌ ناو وه‌فادرای ئه‌را راپه‌ڕين كورد ناو ئه‌ناد، ئه‌خوازێد فره‌تر خوه‌ی له‌ كورد نزيكه‌و بكا، هه‌تا ناونان جومه‌ی ئه‌راوه‌فاداری وه‌ راپه‌ڕين كورد، خوه‌ی يه‌ ئه‌ره‌سنێد ك چوی داوای وه‌خشينه‌و چوی سه‌رزه‌نش كردن هه‌ڵوێست ناوه‌جی عه‌روه‌يله‌. په‌يام ئه‌ی ناونانه‌، هاندان كورد ئه‌را كارابوينيان له‌ به‌شداری كردن له‌ شوڕش دژ وه‌ رژيم ئه‌سه‌ده‌.

بايه‌د دگان وه‌ يه‌يا بنريه‌يد ك ئيسه‌ به‌شداری كورد له‌ ئه‌ی شوڕشه‌ ها خوارترين ئاست.

ئه‌وه‌ی ك ئيسه‌ له‌ سوريا روی ئه‌دێ، سه‌روه‌ريه‌يل راپه‌ڕين قامشلو ناسه‌و پشت سه‌رخوه‌ی، چوين ك خوه‌ی گرتن شوڕشگه‌ره‌يل له‌ گه‌ڕه‌ك بابا عه‌مر، ته‌مام سه‌روه‌ره‌يه‌يل وه‌رجله‌ بابا عه‌مر بويچگ كرديه‌سه‌و.

دودڵی كورد، له‌ تێاچينێگه‌ ك پاوه‌گه‌زدان له‌ سه‌ر وه‌ ده‌س هاوردن بڕێگ ده‌س كه‌فته‌ ك كورد عيراقيش وه‌ ده‌سيان ناورديه‌. ره‌نگه‌و‌دانێگ چه‌فت له‌ بان ئه‌ی رويدايه‌يله‌، ئه‌گه‌ر كورد سوريا نه‌ره‌سنه‌ ڕێكه‌فتێنگ ميانڕه‌وانه‌ له‌ باوه‌ت مه‌سه‌له‌يل گرنگ وه‌ل ئوپۆزيسۆن سوريا، له‌ ده‌يشت له‌ بازنه‌ مێنێدان و هويچ رۆڵێگ له‌ وه‌دی هاوردن ئه‌لته‌رناتيڤ سياسی له‌ ئاينده‌ نه‌يرن.

كوردی سوريا، وه‌ بێ رميان رژيم ئه‌سه‌د هويچ وه‌ چنگێ ناكه‌فێد. يه‌يشه‌ ئه‌دێ وه‌ هان ده‌رێگ ك رۆڵ كاراتر كورد وه‌رجله‌ رميان ئه‌ی رژيمه‌ نياشتوود. بايه‌د يه‌يشه‌ له‌ وه‌ر چه‌و بگريه‌يد ك هه‌وه‌جه‌ی كورد وه‌ چه‌ترێگ ئوپۆزيسيۆن فره‌تر له‌ هه‌وه‌جه‌ی ئوپۆزيسيۆن وه‌ رۆڵ كورد. هێمان وه‌خت مه‌نيه‌و ده‌رفه‌ت ئه‌وه‌ ئه‌را كورد مه‌نيه‌ تا بايده‌و خوه‌ی.

فه‌رید ئه‌سه‌سه‌رد‌