ئايا كوردستان سێگووشه‌ی"برمۆدا"س؟

شفق نيوز

روسيا كاريگ كرد ئه‌فغانستان ره‌سانه‌ راده‌ی دڵته‌نگی و دويای ئه‌وه‌يش وڵاته‌يل يه‌كگرتگيگش ك په‌راشه‌ی ره‌سيه‌ تاور بازرگانی و فيشتر له‌ په‌نج هه‌زار كه‌س كوشيان له‌ ١١ی سپته‌مبه‌ر، ك ئه‌وه‌ بوی بن لادن كوشيا، وه‌لێ دوينێد هه‌ميشه‌ چشت بڕياگ جاريگ تر ريشگ ده‌رئه‌كاو هه‌ر وه‌و خاتريشه‌ په‌لكوتان وه‌ره‌و عراق و شام و لايه‌نه‌يليگيش له‌ وجووديان نه‌ف وه‌رگرتن و نرخ به‌رميليگ نه‌فتيش بويه‌ كه‌متر له‌ ٥٠ دۆلار له‌شوون ئه‌وه‌گ ره‌سوێده‌ ١٥٠ دۆلار، ئمجا هه‌نای ك ٧٠ وڵاته‌ هاوپه‌يمانه‌گه‌ وه‌ سه‌رۆكايه‌تی وڵاته‌يل يه‌كگرتگ له‌ی كاره‌ شه‌كه‌ت بوين، روسيا هاته‌ مه‌يدان و تا ره‌سيه‌ ئه‌وه‌گ قه‌يران ته‌ياره‌ سيخۆگه‌ كه‌فته‌و.

توركيا ئه‌را چه‌ن جاريگ باس له‌وه‌ كرد ك ته‌ياره‌يگ رووسی خسته‌سه‌ خوار، ك ئه‌وه‌ بوی ته‌ياره‌يگ سيخۆی كه‌فتوێده‌ خوار و مه‌ردم ئحساس وه‌ داخداری نه‌كردن جوور مه‌يدانيگ جه‌نگ، به‌ڵكوو هس وه‌ ئه‌و روێداگه‌ كردن ك هاته‌ تويش ته‌ياره‌وانه‌ رووسيه‌گه‌ له‌ سوريا.

ئمجا ئه‌وانه‌گ باوه‌ڕيان ئه‌وه‌سه‌ ك توركيا مقه‌يه‌تی له‌له‌يان ئه‌كا، له‌يوا بوی ك دو مه‌لويچگ وه‌ يه‌ی كوچگ بكوشيه‌ێد و باس له‌وه‌ كرديان ك توركيا مقه‌يه‌تی له‌ توركمان سوريا ئه‌كا، له‌ی ناونييشه‌ داعش دوشمن پارت كارگه‌ره‌يل كوردستان توركياسه‌و توركيايش دوشمن په‌كه‌كه‌، ئمجا دوشمن دوشمنه‌گه‌ بويه‌ دووس و توركيايش ناخوازێد فيشتر له‌ كاروان سێ مانگه‌ی زمسان نه‌ف وه‌ربگرێد تا نه‌فدار بوود له‌ ئه‌رزانی نرخه‌يل نه‌فت داعش.

يه‌يش له‌وه‌ ختيگ ك گورز رووسی له‌ ٦٠٠ تانكه‌ر و دويای ئه‌وه‌يش هاوپه‌يمان ناوده‌وڵه‌تی وه‌ سه‌رۆكايه‌تی وڵاته‌يل يه‌كرگرتگ له‌ ٢٨٣ تانكه‌ر زه‌یرده‌يگ تر بوی ئه‌را توركيا، دی ئيمه‌يش وه‌ی جووره‌ له‌ كوردستان كه‌فتيمنه‌ بان شان عفريد و كه‌فتيمنه‌ وه‌ر ئابڵوقه‌ی ئاسمانی له‌وه‌ر جه‌نگ رووسی – توركی يا دويرگرتن له‌ مووشه‌كه‌يل كرۆز ك روی كردياده‌ دامه‌زرياگه‌يل بترۆل داعش و نرخ نه‌فت وه‌پی كاول كرد وه‌ نسبه‌ت ئه‌را ده‌وڵه‌ته‌يل به‌رهه‌مهاوه‌ر نه‌فت و ئه‌و ده‌وڵه‌ته‌يله‌ ك خوه‌شاڵ نيين وه‌ هاتنه‌وه‌ی ئيران ئه‌را بازاڕه‌يل نه‌فتی.

سێ رووژ بی هه‌ناس بويمن، چوينكه‌ ئيمه‌ هايمنه‌ كوردستان سێگووشه‌ی برمۆدای هشك بان ئی گووشه‌ی زه‌ويه‌و هاوپه‌يمانه‌يليش يه‌ك له‌شوون يه‌ك واين جوور كه‌نه‌دا و ئوستراليا و ئه‌ڵمانيا، دی ئه‌وه‌ بوی قويلی ئاوه‌گه‌ دويرتر بوی له‌ خه‌مه‌يليمان له‌ كوردستان و دی ماقوڵ نيه‌ ئيمه‌ جه‌نگ بكه‌يم و ئاو له‌بان سه‌رمان بوود و جاريگ بچيمنه‌ ژير و جاريگ بايمنه‌ بان ئه‌را قسه‌كردن وه‌ يه‌كتری وه‌ل وچانداين بڕيگ قاسه‌ی ئاسنين ك به‌سيان نه‌كردياد و غورفه‌ی كۆنكرێت ئه‌رايان بنيات نرياو دی نازانيم ئه‌را كی بوی و له‌وه‌ر چه‌؟؟؟

وه‌ل ئه‌وه‌يشا توركيايش روێداگه‌گه‌ وه‌ چشتيگ زانست و له‌يوا قسه‌كرد ك ڕی وه‌ هويچ لايه‌نيگ نايه‌يد مه‌رزی بپه‌زنێد ئه‌را ماوه‌ی چه‌ن كيلۆمه‌تريگ، يه‌يش له‌وه‌ختيگ ك خوه‌يشی هاته‌سه‌ ناو مه‌رز ده‌وڵه‌ته‌يل هاوسای وه‌ سه‌دان كيلۆ مه‌تر و له‌تيه‌و بۆردمان كويه‌ی قه‌نديل ئه‌كا وه‌ گشت جووره‌ چه‌كيگ و سه‌ربازه‌يليشی هاتنه‌سه‌ ناو مه‌رزه‌يل عراق و سوريا، ئمجا ئايا گله‌و خوارديمنه‌ ئه‌را سه‌رده‌م عوسمانی يا خوليگ تازه‌ی تاقيكردن؟ ك ئيسه‌ ئاسمان و ده‌ريا له‌لايه‌ن روسياوه‌ هاورياسه‌ كار و ئيمه‌يش چه‌وه‌ڕی ژنه‌فتن چشت تازه‌يم له‌ وڵاته‌يل يه‌كگرتگ و ده‌وڵه‌ته‌يل ئۆرپی.

سه‌ڵاح مه‌نده‌لاوی