رووژنامه‌نويس و وه‌رپرسيارێتی كومه‌ڵايه‌تی

شفق نيوز

گرينگی وه‌رپرسيارێتی كومه‌ڵايه‌تی وه‌ بوونه‌ی سروشت كار ئه‌و ماڵپه‌ڕه‌يل په‌يوه‌نديه‌ ده‌ركه‌فيد ك كار له‌بان ئه‌وه‌ ئه‌كا رووژنامه‌نويس و مه‌ردم بخاده‌ يه‌ك خانه‌ له‌ڕی لاپه‌ڕه‌يگ سه‌ره‌كی ك له‌تی هوير وڕا و زانياری بيه‌نه‌ يه‌كتری وه‌بی چه‌وديری، هه‌ر له‌وه‌ر ئه‌وه‌يش بايه‌سه‌ مقه‌يه‌ت جواودانه‌وه‌ی گورج بويد و ره‌خنه‌و شكايه‌تيش له‌ مه‌ردم و لايه‌نگره‌يل كار رووژنامه‌نويسی وه‌ربگريد، چوينكه‌ هه‌ڵويست راسه‌وخۆ ديريد ئه‌را رووژنامه‌نويس له‌لايه‌ن مه‌ردم و بايه‌سه‌ له‌بان رووژنامه‌نويس وه‌ نه‌رمی مامڵه‌ بكا وه‌ل مه‌ردمه‌گه‌ی.

وه‌ل ئه‌وه‌يشا بايه‌سه‌ له‌بان رووژنامه‌نويس ره‌خنه‌ی هه‌واڵ و ئه‌و باوه‌ته‌يله‌ له‌يه‌ك جياوه‌ بكا ك قسه‌ له‌تی ئه‌كريه‌يد، چوينكه‌ ئه‌يه‌ له‌بان هساو ريڕه‌وه‌ كاره‌گه‌يه‌ جوور رووژنامه‌نويس و جوور ئه‌و ئازادی خوديه‌ ك ديريده‌ی، چوينگه‌ ئه‌و مه‌ردمه‌ ك چه‌وی ئه‌كه‌فيده‌ ئه‌و باوه‌ت و هوير وڕا و زانياريه‌يله‌ جياوازی ناكا له‌ناونی سروشت ئازادی شه‌خسی و سروشت كار رووژنامه‌نويسی.

خاستريش ئه‌وه‌سه‌ ك رووژنامه‌نويس ناوجيوانيگ بوود له‌ناونی رای گشتی و رای خوه‌ی جوور رووژنامه‌نويسيگ له‌ی مه‌سه‌له‌ی ئه‌و هوير و ڕا و باوه‌ته‌يله‌ ك ئه‌خاده‌ی وه‌رده‌س مه‌ردم و خوازيار به‌شداريكردن مه‌ردمه‌ له‌تی، ئه‌ويش ئه‌را ئه‌وه‌ك‌ ئی كاره‌ دويريه‌و ئه‌خا له‌ كاردانه‌وه‌يل لايه‌نگری و ناڕه‌زايه‌تی و له‌هه‌مان وه‌خت مقه‌يه‌تی له‌ پيشه‌گه‌ی خوه‌يشی ئه‌كا، چوينكه‌ ديد گشتی رووژنامه‌نويس بايه‌سه‌ بيلايه‌ن بوود نه‌ك لايه‌نگری ئی لايه‌ن و ئه‌و لايه‌ن.

عه‌لی ئه‌حمه‌د هاشمی

ج . أ