ئه‌لته‌رناتیڤه‌گه‌ێ بارزانی!

شفق نيوز


ڕاسیه‌گه‌ێ ئه‌وه‌سه‌ ك سه‌ركردایه‌تی پارتی ، چه‌نێگ باوه‌ڕ وه‌ئه‌وه‌ دێرێ ك به‌دیل بارزانی ، خوه‌ێ بارزانیه‌ ، سه‌ركردایه‌تى ئه‌و چوار هێزه‌ سیاسیه‌گه‌ێ تریش(ئه‌گه‌ر ڕخیان له‌ بنكه‌ جه‌ماوه‌ریه‌گه‌یان نه‌چوگ) دو ئه‌وقه‌ره‌ی خود سه‌ركرداێه‌تى پارتی كوكن له‌ سه‌ر ئه‌وه‌گ به‌دیل بارزانی هه‌ر بارزانی خوه‌ێه‌.
گرفت ئه‌و چوار لاێه‌نه‌(یه‌كیه‌تی ، گوڕان ، یه‌كگرتوو ، كومه‌ڵ) له‌ پرس له‌ نو هه‌ڵوژاردن بارزانى ئه‌ڕا سه‌روكایه‌تی هه‌ریم كوردستان ، گرفت ڕازى كردن جه‌ماوه‌ره‌گه‌یانه‌ نه‌گ گرفت بڕیار سیاسى سه‌ركردایه‌تیه‌گه‌یان ، وه‌تایبه‌ت ك دوێنیم هوێچ كام له‌ سه‌ركرده‌ و سه‌ركردایه‌تیه‌ دیاره‌گان ئه‌و 4 هێزه‌ ، نه‌خوه‌یان جورئه‌ت كاندید كردن خوه‌یان دێرن و نه‌یش جورئه‌ت كاندید كردن كه‌سێگتر دێرن.
من ئه‌ڵاجه‌ێوم تێه‌ى ك دوێنم به‌عزێ له‌ سه‌ركرده‌یل یا كادره‌یل یا ئه‌ندامه‌یل پارتی ته‌نگه‌تاون ، له‌ وه‌ختێگ جور خوه‌ر دیاره‌ ك له‌ نو هه‌ڵوژاردن مه‌سعود بارزانی ئه‌ڕا سه‌روكایه‌تى هه‌رێم مسوگره‌ و پارتی خوه‌ێ خاوه‌ن بڕیاره‌ چوێن جڵه‌و كاره‌گه‌ هاده‌س خوه‌ێه‌وه‌.
پرسیار ئه‌وه‌گ ئایا بارزانی به‌دیل دێرێ یا نه‌یرێ؟ پرسیارێگ یه‌كلاوه‌ كریاگه‌ ، چوێن وه‌شێوه‌ێگ ساده‌ توێه‌نیم بوێشیم ، ئه‌گه‌ر سه‌ركردایه‌تی چوار حزبه‌گه‌ێتر ده‌سه‌ڵات به‌دیلێگ ئه‌ڕا بارزانی بیاشتون ، ئیسه‌ ناوه‌گه‌ێ ئاشكرا كردوێن ، مادام سه‌ركردایه‌تى ئه‌و چوار حزبه‌ به‌دیل نه‌ێرن ، هه‌ر وه‌و جوره‌گ لاێ سه‌ركردایه‌تى پارتی بارزانی بێ به‌دیله‌ ، لای ئه‌وانیش بارزانى بێ به‌دیله‌.
بارزانی به‌دیل داشتوگ یا نه‌یاشتوگ ، هویچ له‌و ڕاسیه‌ ئاڵشت نیه‌كه‌ێگ ك خوه‌ێ سه‌روك 4 ساڵ ئاینده‌ێ هه‌ریم كوردستانه‌ ، ڕاسیه‌گه‌یش ئه‌وه‌سه‌ ك ئه‌و ده‌نگه‌یله‌ ك ئوێشن بارزانی به‌دیل دێرێ ، ده‌نگێگ عاتفی ئه‌و دیم دێگه‌ڵه‌س و پارتی نه‌باێه‌د ئه‌وقه‌ره‌ نگه‌ران ئه‌و ده‌نگه‌یله‌ بووگ ، چوێن سه‌ره‌نجام سه‌ركردایه‌تى ئه‌و 4 لایه‌نه‌ له‌ سیناریوێگ ئاڕازیاگ ، هه‌ر جورێگ بتوان ، ئاڕاسته‌گه‌یان ئاڵشت كه‌ن.

سلێمان عه‌بدوڵڵا يونس


ج ك