يه‌كێتى خاك ونيشتمان

شفق نيوز

‌سیاسه‌ت داگیركارى و دیكتاتۆریه‌ت وه‌ دريژايى ده‌يه‌ها ساڵ دویر بویه‌ له‌ ريزگرتن و حورمه‌ت مافه‌يل ئاده‌میزادو هویچ ده‌ستووریگيش ئنسانى له‌ى رویه‌و په‌یڕه‌و نه‌كرياگه‌و ئامانج سه‌ره‌كى ئه‌را ده‌سه‌ڵات داگیركار ته‌نيا تاواننه‌وه‌ى نه‌ته‌وه‌ى ژیرده‌سه‌و له‌ناو بردنى بويه‌.

وه‌و خاتريشه‌ دوينيم فريه‌جاریش وه‌ناو يه‌كێتى خاك و نيشتمان ده‌نگه‌يل ره‌واو مافه‌يل سورشتى پيكهاته‌يل تر كپه‌و كریاگه‌و ده‌سڵات سته‌مكار نه‌یشتگه‌ ئه‌و ده‌نگ و ره‌نگ ئازادى و سه‌روه‌خوه‌يى بایده‌ زووان و قسه‌ بكاو ئاكامه‌گه‌يشى ماڵویرانى و كاولكارى له‌لى كه‌فته‌سه‌و.

ئاشكراس ئمروو ك ته‌نيا ملله‌تيگ هه‌وڵ ژيان سه‌روه‌خوه‌يى و جيايى بيه‌يد له‌ى عراقه‌و خوازيار ئاسووده‌يى و سه‌رفرازيه‌، ئه‌ويش ملله‌ت كورده‌، چوينكه‌ وه‌ دريژايى مێژوو له‌ى وڵاته‌ روى وه‌ڕوى و سته‌م و چه‌وسيان و ژيرده‌سه‌يى هاتگه‌، يه‌يش وه‌جووريگ ك هيمان زه‌خم كه‌س وكار ئه‌نفال و كيمياواران و له‌ناوبردن وه‌جه‌م ساڕيژ نه‌ويه‌و گشت ئى كاره‌سات و رويداگه‌يل دڕندانه‌ وه‌ ته‌مامى له‌وه‌رچه‌و نه‌گيرياگه‌و قه‌ره‌بوو نه‌كرياگه‌.

هه‌ر له‌وه‌ر ئه‌وه‌يش خود سياسه‌مه‌تدار و وه‌رپرسه‌يل ئى وڵاته‌ خاس زانن له‌ بنه‌ڕه‌ته‌و خاك كورد وه‌ زوور لكياسه‌ عراق ك ئیسه‌ ئاره‌زوو جیایى ئه‌كا، دى له‌يرا مه‌سه‌له‌گه‌ ئاشكراسه‌و ئه‌و مافه‌ بدريه‌يده‌ كورد ك خوه‌ى خاوه‌ن برياره‌ له‌ مه‌سه‌له‌ى جيايى يا يه‌كێتى خاك، وه‌لى مه‌ندنه‌وه‌ى كورد له‌ى چوارچيوه‌ ماناى مه‌ويسى و ده‌رده‌سه‌رى و بنبڕنه‌كردن كيشه‌يله‌.

شاناز عه‌بدوڵڵا مه‌جيد

ج . أ