وه‌بوونه‌ی یاد شه‌و ئه‌سراو معراج، وه‌ڕێه‌ووه‌ر رادیو شه‌فه‌ق پیروزبایی له‌ موسه‌ڵمانه‌یل كرد

شفق نيوز

وه‌ناو خودای بی شه‌ریك

خوه‌م وه‌به‌خته‌وه‌ر زانم ك وه‌بوونه‌ی یاد شه‌و ئه‌سراو معراج گه‌رمترین پیروزباییه‌یل خوه‌م وهاوكاره‌یلم له‌ رادیو شه‌فه‌ق پیشكه‌ش موسه‌ڵمانه‌یل جه‌هان و هاونیشتمانیه‌یل عراقی وهاوزووانه‌یل كوردمان بكه‌م و له‌ خودای گه‌ورا توام ك ئی یاده‌ بووده‌ هانده‌ریگ ئه‌را یه‌كیه‌تی ویه‌كدڵی ملله‌ته‌گه‌مان و گشت لایگمان له‌ خزمه‌ت كردن وه ‌ئاین پیروز ئسلام سه‌ربخه‌ێد. بی گومان خوداوه‌ند گه‌وراو میهره‌بان هویچ به‌نده‌ی خاس خوه‌ی وه‌بی ئه‌جر و پاداش و خه‌ڵات نیه‌یلێد و دویایین په‌یغه‌مبه‌رخوداوه‌ندیش له‌ شوون چه‌ندین ساڵ شه‌كه‌تی و شه‌ونه‌خه‌فی و ورسگی و تیه‌نگی ئه‌را چه‌سپانن ئاین حه‌ق ئاین ئسلام؛ وه‌سه‌فه‌ر ئاسمانی ئه‌سراو معراج دڵشاد و خه‌ڵات كردو، هه‌میش وه‌ی سه‌فه‌ره‌ گه‌وراترین موعجزه‌ی ئی په‌یغه‌مبه‌ره‌ نیشان به‌شه‌ریه‌ت دا. ئومید واریم خوداوه‌ند گه‌وراو خاوه‌ن كه‌ره‌م پاداش و جه‌زای خه‌یر سه‌رجه‌م موسه‌ڵمانه‌یل راسكانی‌ بیه‌ێد و له‌ دونیا و ئاخره‌ت ئاقبه‌ت وه‌خه‌ێریان بكا. سه‌رله‌نوو یاد ئسراو معراج له‌ ئوممه‌ت ئسلام موباره‌ك بوود.

جواد كازم عه‌لی
وه‌ڕێه‌ووه‌ر رادیو شه‌فه‌ق