فه‌یلیه‌ل و كیشه‌ى ده‌وڵه‌ت عراق له‌شوون بڕیار دادگا

شفق نيوز

كه‌سیگ و هیمانیش له‌ دوسیه‌ یا مه‌له‌ف قانوونى شوون تایبه‌تیگ نه‌وردگه‌.

له‌وه‌ر چه‌ودیرى تاوانه‌یل حكوومه‌ت وه‌رین ك مایه‌ى كیشمه‌كیش سیاسى بوى و خوه‌ى چه‌سپان له‌بان دوسیه‌ى قانوونى، ئمجا كیشمه‌كیش سیاسییش له‌ ئه‌وسا ئه‌وله‌ویات خوه‌ى چه‌سپان وه‌ گووره‌ى ئه‌و هیزه‌ ك وه‌لیا كاركردو تائیسه‌یش توایگ روى وه‌ر یا مه‌ساحه‌ى ئه‌و كاریگه‌ریه‌ وه‌رفرانه‌و بكا وه‌ره‌و لایه‌ن حوكمكردن له‌جیاى جواوداینه‌وه‌ى ئه‌و به‌دبه‌ختیه‌، ئه‌یه‌ له‌لایه‌ن مامڵه‌ى قانوونى سیاسى وه‌ل ئى چینه‌.

ئیسه‌ دادگا له‌عراق بایه‌سه‌ سه‌روه‌خوه‌ى بووگ و چه‌ودیرى كاره‌یلیش له‌باوه‌ت كیشه‌ى كورده‌یل فه‌یلى مه‌سه‌له‌یگ  قانوونیه‌. هه‌ر له‌وه‌ر ئه‌وه‌یش باوه‌ڕ نیه‌كه‌یم له‌ چه‌ودیریكردن مه‌سه‌له‌ى زوڵمكارى جیاوازى بكریه‌یگ  ته‌نیا ئه‌وانه‌ك نه‌ون ك دویرن هه‌ڵكه‌فت یا واقع خود زوڵمگه‌وه‌. وه‌ل ئه‌وه‌یشا مه‌حاڵه‌ وه‌بى جى وه‌جیكردن قانوون ئه‌و هه‌قه‌یله‌ باریه‌یگه‌وه‌ ك له‌خاوه‌نى زه‌فت كریا، ئمجا ئه‌و ماڵویرانیه‌ ك هاته‌ بان كورده‌یل فه‌یلى وه‌ك چینیگ  بنه‌ڕه‌تى له‌ كوومه‌ڵگاى عراقى و به‌شدارى كردن له‌ بنیاتناین عراق هاته‌ بان گشت عراقیه‌یل و ئاساییه‌ شه‌هیده‌یلیان شه‌هید جموجویل نیشتمانى نه‌ته‌وه‌یى و دیموكراسى بوون له‌عراق، هه‌ر له‌وه‌ر ئه‌وه‌یش باوه‌ڕ نیه‌كه‌یم كه‌سیگ  خاوه‌ن وژدان جیاوازى بكا له‌ناونى شه‌هیدیگ  و شه‌هیدیگ تر له‌ى عراقه‌و ئه‌و جووره‌ مامڵه‌یگ  وه‌ل خوه‌یا بكا، مه‌گه‌ر ئه‌وانه‌ك بتوان ته‌رم بكوش و كوشیاگ بخه‌نه‌ یه‌ك خانه‌وه‌، ئمجا هه‌ر له‌وه‌ر ئه‌وه‌یش ك دادگا جیاوازى كرد له‌ناونى بكوش و كوشیاگ و هه‌ردوگیان نه‌خسته‌ بان یه‌ك زه‌وى، خاستر ئه‌وه‌سه‌ وه‌ شیواز خاسیگه‌وه‌ مامڵه‌ وه‌ل ئى دوسیه‌ یا مه‌له‌فا بكریه‌یگ  و یه‌كیگ  بووگ له‌مامڵه‌كردن پاوه‌جى له‌وه‌ر خاتر جیاوه‌كردن هه‌قه‌یل. بیجگه‌ ئه‌وه‌یش قه‌وڵ دریا ك گووشه‌یگ  هه‌رچه‌نى بویچگیش بووگ دیارى بكریه‌یگ  ئه‌را ئه‌و كارمه‌نده‌یل كارا ك له‌ناو ئه‌و ده‌زگایه‌یل قانوونیه‌ كاركه‌ن و جویر ماڵ گشت عراقیه‌یل بووگ وه‌بى جیاوازى له‌وه‌ر خاتر چه‌ودیریكردن قانوونى.

ئیسه‌ له‌شوون بڕیار دادگاى باڵاى تاوانه‌یل، دى بایه‌سه‌ ده‌وڵه‌ت وه‌ جوانى چه‌ودیرى كار جى وه‌جیكردنى بكاو له‌ى لایه‌نه‌وه‌ گام خاس بنه‌یگ و هویچ فه‌رق و جیاوازى نه‌كا له‌ناونى پیكهاته‌یل كوومه‌ڵگا.