كامیان یه‌كمجار... ئاشتى یا دادپه‌روه‌رى؟

شفق نيوز

دادپه‌روه‌رى نیه‌، به‌ڵكوو دادپه‌روه‌رى له‌وه‌ر خاتر ئاشتیه‌).

ئى په‌نده‌ شایه‌ت وه‌ شواز فره‌یگه‌وه‌ شیه‌و بكریه‌یگ و شایه‌ت بویشن ئاشتى له‌ دادپه‌روه‌رى گرینگتر یا موهمتره‌، وه‌لى ئه‌گه‌ر بزانستایم ك گویڕانكارى جه‌هانى له‌شوون شووڕشه‌یل یه‌كسانى نیه‌چه‌سپنیگ له‌ناونى مه‌ردم وه‌گشتى و له‌سه‌ره‌تایشه‌وه‌ سه‌ركه‌فتنیگ ئه‌را لایه‌نیگ یا خه‌تیگ یا گرووپیگ له‌بان یه‌كیگ تر وه‌گووره‌ى په‌یوه‌ندیه‌یل كوومه‌ڵایه‌تى وه‌ جووریگ ك ئه‌و هویر و ئایدۆلۆجیا له‌یوا دوینریا ك نایه‌كسانى بوى له‌ناونى مه‌ردم و فره‌جاریش ئه‌را دعایه‌یل خوه‌یان جووره‌ها ده‌سپیچگ  و مه‌هانه‌ كردیانه‌ دى و دویاخریش په‌نا بردنه‌ وه‌ر ئه‌زموونه‌یل زانستى له‌وه‌ر خاتر چاره‌نویس و چه‌سپانن هه‌وه‌جه‌ى جیاوازى و چه‌سپانن مه‌سه‌له‌ى بایلۆجى و جیاوازیه‌یل تر هویر و ئه‌ڕاى چوین و گشت ئه‌وانه‌یش هه‌رچه‌نى له‌ یه‌كترى نزیكیشه‌و بویتاتان، وه‌لى دوینستیاى له‌پشت ئه‌وه‌وه‌ ئامانج و دید ئایدۆلۆجى هه‌س زیاتر له‌ زانستیه‌گه‌، دى له‌و وه‌خته‌ زانستیایم و باوه‌ڕ داشتیم ك (مارتن لوسه‌ر)مه‌به‌سى ئه‌وه‌سه‌، ك یه‌كسانى و ئاشتى و به‌سیانه‌سه‌ یه‌كه‌وه‌، وه‌لى یه‌كمجار گرینگى یا ئه‌همیت دا ئاشتى و ئاسایش و ئى چشته‌یلیشه‌ یه‌كه‌مین چشت بوى له‌ ژیانى و دى هویرى نه‌خستیاگه‌ لاى ئه‌و  رویداگه‌یله‌ ك له‌شوونه‌یل تر جه‌هان روى بیاتاگ، ئه‌ویش له‌وه‌ر فره‌یى گرینگیداین وه‌ چین و كوومه‌ڵگاى خوه‌ى وه‌ ته‌نیا، دى هه‌ر له‌وه‌ر ئه‌وه‌یش ئاشتى وه‌ زیاتر زانست، وه‌لى نه‌ك وه‌و جووره‌ ك دویر بوود له‌ یه‌كسانى، به‌ڵكوو نزیك بوود له‌لیه‌وه‌، ئمجا ئه‌یه‌سه‌ مه‌به‌س مارتن له‌ هویرو ڕایه‌یلى، وه‌لى كه‌سه‌یلیگ له‌یوا باوه‌ته‌گه‌ى له‌یكه‌و ده‌ن ك گوایا مه‌به‌س مارتن ته‌نیا ئاشتى بویه‌و دویره‌ له‌گشت هه‌قه‌یل دادپه‌روه‌رى و یه‌كسانى و هه‌میشه‌ له‌ژیر ریز و حورمه‌ت له‌ فه‌رمانه‌یل خوداوه‌ند بى شه‌ریك و تاك گردگه‌ زیاتر له‌ قانوونه‌یل ده‌سكرد. ئه‌وه‌ك وه‌ گووره‌ى تاریخ دیاره‌ له‌باوه‌ت گویڕانكاریه‌وه‌، ئه‌وه‌سه‌ ك له‌شوون هه‌ر گویڕانكارى یا جیوازبوینیگ ئه‌را قوناغیگ تر عوزریگ خودى بویه‌ له‌هه‌ر ڕویداگیگ له‌بان ئى گووشه‌ى زه‌ویه‌و چه‌سپاننى له‌ واقع، یه‌یش هه‌وه‌جه‌ وه‌ ئایدۆلۆجیا داشت ك وه‌لیا گونجیا له‌وه‌ر خاتر نواگیرى له‌ مانگرتن كوومه‌ڵایه‌تى وه‌تایبه‌ت. هه‌ر له‌وه‌ر ئه‌وه‌یش هیزه‌یل هه‌ڵه‌په‌ڵه‌ په‌نا بردیانه‌ وه‌ر مه‌هانه‌و عوزر له‌وه‌ر خاتر ئه‌وه‌ك مه‌سه‌له‌گه‌ له‌ به‌رژه‌وه‌ندى خوه‌یان بوود.

مه‌عناى ئه‌وه‌سه‌ ئاشتى یه‌كه‌مین قوناغ هه‌وه‌جه‌س، وه‌لى چه‌نیگ كوومه‌ڵگا دویر بووگ له‌ یه‌كسانى راسه‌قینه‌، ئه‌وه‌ بیگومان وه‌زع گشتى ناجیگیر مینیگ، هه‌ر له‌وه‌ر ئه‌وه‌یش نه‌زه‌ریه‌و چشته‌یلیگ بنه‌ڕه‌تى دوینریاوه‌ ئه‌را چه‌سپانن ئاشتى ك وه‌ جووریگ به‌روارد یا مقارنه‌ بكریه‌یگ وه‌ل یه‌كسانى و دادپه‌روه‌ریا، وه‌لى ئه‌وه‌ك ئاشكراس دیاره‌ كه‌س له‌بان ئى گووشه‌ى زه‌ویه‌ نیه‌تویه‌نیگ دابین یه‌كسانى بكا وه‌ یه‌كجارى.

 

عیماد عه‌لى