ئايا تا ساڵ 2018 عراق له‌ مين پاكه‌و كريه‌يگ؟

شفق نيوز

عيراقی له‌ شونواره‌يل مين ره‌نج به‌ن.

له‌ی بياننامه‌ له‌ زوان كريستين مكناب جيگر نوێنه‌ر تايبه‌ت نه‌ته‌وه‌يل يه‌كه‌وگرتگ له‌ عيراق هاتگه‌كزيگه‌ی 1.6 عيراقی له‌ 1600 ناوچه‌ی مه‌حه‌لی عيراق ژيه‌ن و ئه‌ی مينه‌يله‌ هه‌ره‌شه‌يگه‌ ئه‌را هه‌ق ژيان و ئازادی و ئه‌من عيراقيه‌يل و جوور خه‌ته‌ريگه‌ ك نوای گه‌شه‌ پايكردن ئابووری وڵات گريگ.

له‌لايگتره‌و وه‌كيل وزاره‌ت ژينگه‌ ئعلان كرد: عيراق تائيسه‌ له‌ وه‌جيمه‌نگه‌يل جه‌نگه‌يليگ ده‌سه‌ڵات رمياگ ئه‌نجامياندا ره‌نج به‌ی و هه‌زارها تون له‌ بومب و مين و چه‌كه‌يلتر له‌ ناوچه‌يل عيراق په‌خشه‌و بوينه‌.

كمال حسين له‌ ته‌سريحيگ ئه‌را شه‌فه‌ق وه‌ت: شوونه‌يل گه‌ورايگ وجود ديرن ك مين له‌تيان نرياسه‌ كار و دريژه‌ی سنوور رووژهه‌ڵات هه‌رێم كوردستان ده‌سوه‌پی كه‌ی و تا به‌سره‌ دريژه‌ ديريگ و هه‌ميش له‌ ناوچه‌يل باشوور رووژهه‌ڵات وڵات و له‌سنوور وه‌ل وڵات سوريا ميدانه‌يل مينيگ وجود ديرن.

وه‌كيل وزاره‌ت ژينگه‌ وه‌خاتر وجود شركه‌ته‌يليگ سه‌رمايه‌گۆزاری ك له‌ پاكه‌و كردن مينه‌ و ئاماده‌ كردن ژينگه‌ی خالی له‌ مين و ته‌قه‌مه‌نی به‌شداری كه‌ن و دريژه‌ده‌نه‌ كاريان ئه‌را پيا كردن نه‌فت و ده‌ركردن كانزايه‌يليگ له‌ عيراق ئه‌نبار بوينه‌ ئعلان خوه‌شحاڵی كرد.

حسين له‌باره‌ی پلانه‌يليگ وزاره‌ت ژينگه‌ دياريان كردگه‌ ئه‌را پاكه‌و كردن مينو ته‌قه‌مه‌نی ئعلان كرد: پلان نيشتمانيگ دياری كرياس ك تا ساڵ 2018 دريژه‌ دريريگ و كارمه‌نده‌يل حكوومه‌تی له‌ وزاره‌ته‌يل ديفاع و داخليه‌ ته‌دريب دريه‌ن تا ئه‌ی مين و ته‌قه‌مه‌نيه‌يله‌ پاكه‌و بكه‌ن وله‌هه‌مان وه‌ختيش ئاشكرا كرد له‌ چه‌ن ساڵ دوياخره‌ پيشكه‌فتن خاسيگ له‌ پاكه‌و كردن به‌ش گه‌ورايگ له‌ ته‌قه‌مه‌نيه‌يل وه‌چه‌و ديمنه‌ ك ئوميده‌وارمان كردگه‌ تا ساڵ 2018 و وه‌گوره‌ی به‌رنامه‌ی دياری كرياگ له‌ڕيككه‌فتن ئوتاوا ك وه‌گوره‌ی عيراق پابه‌ند كريا ئه‌را پاكه‌و كردن گشت مينه‌يل خوه‌ی وه‌ی كاره‌ساته‌ ك جوور هه‌ره‌شيگه‌ ئه‌را ژينگه‌ی عيراق كووتايی بايگ.

له‌لايگتره‌و وه‌ريه‌وبه‌ر ڕيكخرياگ عيراقی ئه‌را پاكه‌و كردن مين و ته‌قه‌مه‌نی و بومب ئاشكرا كرد: مين و بومبه‌يليگ له‌ شوونه‌يل گه‌ورياگ له‌ يعراق وه‌كارنريانه‌ جوور هه‌ره‌شه‌يگه‌ ئه‌را ئاودانی عراق.

زاحم جهاد له‌ ته‌سريحيگ ئه‌را شه‌فه‌ق وه‌ت: فيشتر شه‌ريكه‌يليگ له‌ عيراق كار كه‌ن وه‌تايبه‌ت شه‌ريكه‌يل نه‌فتی كيشه‌ی پاكه‌و كردن هه‌زاران تون له‌ ته‌قه‌مه‌نی و مينه‌يل هاله‌وه‌رده‌ميان ك وه‌خاتر جه‌نگه‌يليگ عيراق له‌تيان به‌شداری كردگه‌ له‌و ناوچه‌يله‌ په‌خشه‌و كريانه‌.

ناوبرياگ هه‌ميش وه‌ت: شونواره‌يل خراو ئه‌ی مينه‌يله‌ له‌ی وه‌خته‌ دياری دريای ده‌يگ وه‌تايبه‌ت ك حكوومه‌ت نوو عيراق ده‌سكرديه‌سه‌ ئاوادانی و دامه‌زرانن عيراق له‌ڕيگه‌ی دروس كردن پێل و ناوچه‌يل كشتوكاڵی.

جهاد له‌باره‌ی ئه‌و جياوازيه‌ ك له‌ شماره‌يل پيشكه‌ش كرياگ له‌لايه‌ن ڕيكخرياگه‌گه‌ و ئه‌و شماره‌ ك له‌لايه‌ن وزاره‌ت ديفاع عيراق پيشكه‌ش كرياگه‌ ك ئعلان كردويد 25 مليون فره‌فه‌ره‌س و ئه‌ی جوور شماره‌يگ وجود نه‌يريگ و ته‌نيا 10 هه‌زار مين له‌ عيراق وجود ديريگ، ئعلان كرد: فره‌تر له‌ 25 مليون مين و بومب و مليونها شونوار جه‌نگی جووروه‌جوور له‌ عيراق په‌خشه‌و بوينه‌و نه‌ته‌وه‌يل يه‌كه‌و گرنگ له‌ راپۆرته‌يل خوه‌ی له‌بان ئه‌ی شماره‌يله‌ جه‌خت كردگه‌.

جيهاد له‌باره‌ی راسی زانياره‌يليگ هاله‌ده‌س ڕيكخرياگ عيراق ئه‌را پاكه‌و كردن مين و ته‌قه‌مه‌نی وه‌ت: خوه‌م جوور وه‌ريه‌وبه‌ر ته‌دريب له‌ ئه‌ندازياری سه‌ربازی كار كردمه‌ و له‌ سه‌رچه‌وه‌ی زانياريه‌يله‌ نزيكم و يه‌كيگ له‌ گه‌ورا ئه‌فسه‌ره‌يل ئه‌ندازياری سه‌ربازی ئاگادارم كردگه‌ ك خوه‌ی و تيمه‌گه‌ی له‌ گوزه‌يشته‌ فره‌تر له‌ 4 مليون و 500 هه‌زار مين نانه‌سه‌كار.

جيهاد له‌ حكوومه‌ت عيراق داواكرد ته‌قالای نيشتمانيگ بكه‌ی ئه‌را پاكه‌و كردن مين و شونواره‌يل جه‌نگی وه‌تايبه‌ت له‌ڕيگه‌ی ته‌دريب داين و ئاماده‌ كردن كاده‌ريل وه‌توانا له‌ی بواره‌ چونكه‌ مين و ته‌قه‌مه‌نی خه‌ته‌ر فره‌ گه‌ورايگ له‌بان ئايه‌نده‌ی ئاوادانی عيراق و ژينگه‌ی وڵات ديريگ.

هه‌ر له‌ی باوه‌ته‌ دانيل ئوگستب گر وه‌ريه‌وبه‌ر نويسنگه‌ی كاروبار ئنسانی و گه‌شه‌داين له‌ نوێنه‌رايه‌تی نه‌ته‌وه‌يل يه‌كه‌وگرتگ له‌ عيراق ئعلان كرد: ده‌سميه‌ته‌يليگ ئه‌را فره‌تر له‌ 9500 قوربانی مين له‌لايه‌ن 3 ناوه‌ند ئاوادان كردن كوردستان گرده‌وكرياگه‌ و ئه‌ی ناوه‌نده‌يله‌ فره‌تر له‌ 8500 ده‌زگای خاسه‌و كردن سقان و 17000 نيشتن ده‌رمانی سرووشتی و 7000ده‌زگای ده‌سميه‌ت داين جيوه‌جی بوين ئه‌را قوربانيه‌يل دياری كرياس.

مين و وه‌جی مه‌نگه‌يل جه‌نگی كاريگه‌ری خراويگ وويرانكه‌ريگ له‌بان مناڵه‌يل عيراق ديريگ وه‌جوريگ نزيكه‌ی 25% قوربانيه‌يل مين مناڵه‌يل ژير14 ساڵن.