مێژوو شه‌مه‌نده‌فه‌ر له‌ عراق

شفق نيوز

  خه‌ت ئاسنین ك هووكار نه‌فداریگه‌ ئه‌را جیوازكردن، ئه‌گه‌ر ته‌ماشای لاپه‌ڕه‌يلی مێووی بكه‌يم، دوينيم ك ‌وه‌رجه‌ سه‌یاره‌و ته‌یاره‌ دامه‌زریاگه‌و ده‌وڵه‌ته‌یل گه‌ورایگ جوور وڵاته‌یل یه‌كگرتگ ئه‌مریكا پشت وه‌پى به‌سا له‌ سه‌ده‌ى 18، وه‌تایبه‌ت شه‌مه‌نده‌فه‌ره‌یل هه‌ڵمى.

دویاخریش له‌ وڵاته‌یل ئۆرپا خةت ئاسنين په‌ره‌ سه‌ند و كه‌مه‌ كه‌مه‌ خه‌تیگ ئۆرپى له‌ڕى توركیاوه‌ ره‌سیه‌ عراقیش ك وه‌پى وتیان " شه‌مه‌نده‌فه‌ر تورووز"، ك عراق و به‌رلین پایته‌خت ئه‌ڵمانیا به‌سا یه‌كه‌و، چوینكه‌ عراق له‌ناونى ده‌وڵه‌ته‌یل تر ناوچه‌گه‌ یه‌كه‌مین وڵاتیگه‌ خه‌ت ئاسنین له‌تى دامه‌زریاگه‌.

مێژوو جموجویل شه‌مه‌نده‌فه‌ر له‌ عراق ئاماژه‌ وه‌ ئه‌وه‌ ئه‌كا ك یه‌كه‌مین گه‌شتیگ له‌ ناوخود عراق، له‌ به‌غداوه‌ كه‌فته‌سه‌ڕى وه‌ره‌و دوجێل له‌ باشوور شار سامه‌ڕا له‌ ساڵ 1914، ئنجا یه‌كه‌مین گه‌شت شه‌مه‌نده‌فه‌ر ناونى به‌غداو به‌سره‌یش له‌ ساڵ 1920و یه‌كه‌مین گه‌شت له‌ به‌غداوه‌ ئه‌را كه‌ركووك له‌ ساڵ 1925و یه‌كه‌م گه‌شت ناونى به‌غداو موسڵ له‌ ساڵ 1940 بویه‌.

ئه‌گه‌ریش ته‌ماشاى مێژوو وه‌ڕیكه‌فتن یه‌كه‌مین شه‌مه‌نده‌فه‌ر بكه‌یم له‌ عراقه‌و وه‌ره‌و ده‌یشت وڵات، ئه‌وه‌ ئه‌رامان ده‌ركه‌فید ك یه‌كه‌م شه‌مه‌نده‌فه‌ر له‌ عراقه‌و كه‌فته‌ڕى وه‌ره‌و ویستگه‌ى حه‌یده‌ر پاشا له‌ ئه‌سته‌مبوڵ له‌ 1 / ته‌ممووز/ 1940.

عراق تا ئیسه‌یش ئه‌و خه‌ته‌یل ئاسنینه‌ وه‌كار ئه‌یه‌رید ك ئه‌ڵمانیه‌یل دامه‌زراننه‌ى له‌ ساڵ 1914 و دویاخریش بریتانیه‌یل له‌ ساڵ 1916 خاسسازى ئه‌ڕاى كردن له‌وه‌ختیگ ك عراق داگیر كردن.

كلتووريه‌یل به‌غدادى

ج . أ