عراق فريه‌ مه‌ينه‌تى و فريه‌ تايفه‌س

شفق نيوز

ئسلام سنى ك پيكهات له‌ چوار تايفه‌ى شافعى و حه‌نه‌فى و مالكى و حه‌نبه‌لى، شيعه‌ى دوانزه‌ ئيمامييش له‌ زه‌يديه‌و نسێريه‌ و كلكايى و مه‌سيحيه‌يليش له‌ كلدان و ئاسوورى و ئه‌رمه‌ن سه‌ر وه‌ كه‌نيسه‌ى خوه‌رهه‌ڵاتى و خوه‌رئاوايى و يه‌هووديش پيكهات له‌ سفارديم و ئه‌شكانزيم، وه‌لێ نه‌ته‌وه‌يل سه‌ره‌كى پيكهاتنه‌ له‌ عه‌ره‌ب و كورد و توركمان و عه‌ره‌ب شيعه‌و سنى و كورد و توركمان. ئمجا نه‌ته‌وه‌ى عه‌ره‌ب شانازى وه‌ زووانه‌گه‌ى خوه‌ى كرد و زووانه‌گه‌يان بويه‌ فه‌سيح و ته‌نانه‌ت فه‌سيحتريش له‌وانه‌گ ك عه‌ره‌ب دويرگه‌ى عه‌ره‌بييش هاتوين، كورده‌يليش وه‌ سێ شيوه‌زووان سۆرانى و بۆتانى و كه‌ڵهوڕى.

دى گشت ئه‌يانه‌يش وه‌ ره‌گه‌ز ناسريان و فه‌لسه‌فه‌ى وڵاته‌گه‌يش له‌بان ژيان هاوبه‌ش و له‌يه‌كوه‌خشين بوى، وه‌لێ به‌دبه‌ختيه‌ گه‌وراگه‌ نه‌فت بوى ك له‌يوا كرد وڵاته‌يل گه‌وراى پيشه‌سازى ده‌زگايه‌يل راوێژكارى سياسى داشتوون و به‌رنامه‌و پلان دابنه‌ن و گرينگى بيه‌نه‌ هه‌ڵوژارنن وه‌كراگيرياگه‌يل له‌ وڵاته‌يل تر و له‌وانه‌يش عراق.

ئى جوورايه‌تى ره‌گه‌زيه‌ و ئى جياوازيه‌ له‌ به‌رژه‌وه‌ندى و جه‌نگ سه‌رد ناونى خوه‌رئاواو خوه‌رهه‌ڵات له‌يوا كرد عراق تويش زه‌ويه‌له‌رزه‌ى كومه‌ڵايه‌تى باێد، ئمجا هه‌ناى ك ئنگليز ياساى سزايه‌يل دانان باس له‌ حوكم له‌سێداره‌داين نه‌كردن ته‌نيا له‌وه‌ر كاركردن هاووڵاتى له‌ حزب يا له‌ناو جمشتيگ سياسى، وه‌لێ حوكم له‌سێداره‌داين ده‌رچى له‌بان يوسف كه‌تو(فه‌هه‌د)سكرتێر حزب شيوعى عراقى و ئه‌وه‌ بوى راپه‌ڕينه‌يل مه‌ردمى سه‌رهه‌ڵدا تا ره‌سيه‌ شووڕش 14ى ته‌ممووز و بڕيگ له‌ سه‌ركرده‌يل كوشيان ته‌رمه‌يليان ژيرپا خريان و ته‌نانه‌ت رووڵه‌يليانيش، ئمجا چوين ك حوكم له‌ خوه‌رئاوا و هاوپه‌يمان باكوور ئه‌تڵه‌سى جيواز بوى ئه‌را خوه‌رهه‌ڵات و هاوپه‌يمان وارشۆ، هه‌ر وه‌و خاتريشه‌ پيكهاته‌ى كومه‌ڵايه‌تى ئامێته‌ى كوشتارگه‌ى دمه‌ل ماجه‌و كاور باغى بوى و دوياخريش شووڕش كوردى ك تائيسه‌يش گڕه‌ى هه‌ر نه‌كوشياسه‌و، يه‌يش بيجگه‌ ئه‌وه‌گ تيكه‌ڵ وه‌ شووڕش مه‌سيحى بوى وه‌ سه‌رۆكايه‌تى ماريشى شه‌معون و له‌شوون ئه‌وه‌يش كووچكردن يه‌هوود ئه‌را فلستين، دى ئه‌وه‌ بوى دوياى 2003يش جاده‌و شاره‌يل عراقى شيوياو داعش روى له‌لى كرد.

داعش خوازيار فكره‌ى مه‌زه‌ويه‌ له‌ يه‌ك ئايين و له‌ تونترين و سه‌ختترين شيوازيگ ك هاورده‌ى تويش ئنسانيه‌ن له‌ ديارده‌ى تون وتيژى سياسى، ك ئه‌وان له‌يوا خوه‌يان دوينن ك ئه‌چنه‌ به‌هه‌يشت دوياى ته‌قينه‌وه‌ وه‌ چه‌ن ده‌قه‌يگ ك له‌تى هاووڵاتيه‌يل مه‌ده‌نى و مناڵه‌يل مه‌دره‌سه‌ بوينه‌ قوربانى ده‌س ئه‌و كه‌سه‌يله‌ ك له‌ناو ته‌ياره‌ى په‌لامارده‌ره‌يل بوين له‌ ئه‌مريكا له‌ 11ى سپته‌مبه‌ر.

هه‌ر له‌وه‌ر ئه‌وه‌يش ئاگادار نييم له‌وه‌ك ئه‌گه‌ر له‌ى كه‌وانه‌ شوونيگ ئه‌را گفتگوو مه‌ندوێد له‌ دو وڵات جوور سوريا و عراق و ئاشكرايشه‌ ك بڕيگ له‌ ده‌وڵه‌ته‌يل هه‌رێمى دژايه‌تى ئه‌كه‌ن وه‌گشت توانايگ، وه‌نا ئه‌كريه‌ێد مه‌سيحيه‌يل بكوشيه‌ن و مه‌ندنيان په‌يوه‌س بدێ وه‌ ريككه‌فتن سه‌ڵاحه‌دين – ريتشارد قه‌لبولئه‌سه‌د ك داعش شوون هه‌ڵه‌ هه‌ڵوژانگه‌ و ده‌سگرتنه‌ بان خێردارترين چاڵه‌يل نه‌فتى وه‌ ئه‌وه‌گ يا ئه‌فرووشنه‌ى يا سزننه‌ى، هه‌ر وه‌و خاتريشه‌ ده‌س له‌ هويچ هه‌ڵناگرن مه‌گه‌ر وه‌ له‌ناوبردن و كومه‌ڵگايش له‌بان سفه‌ته‌يل ئنسانی رينمايی كرياگه‌ وه‌ ئه‌وه‌گ ئسلام خێرمه‌نترين ئومه‌تيگه‌، وه‌لێ ئه‌وه‌گ روێ ئه‌ياد له‌يوا كرد دونيا وه‌ ئاشكرا باس له‌وه‌ نواگيری موسڵمانه‌يل بكا له‌ په‌يوه‌سبوين وه‌ تونڕه‌وه‌يل و هه‌ر له‌وه‌ر ئه‌وه‌يش موسڵمان بويه‌ ناونيشان ئه‌را كوشتن و پرووژه‌يگ ئه‌را ده‌سدريژی له‌بان ئافره‌ت و مناڵ و هه‌تككردن وه‌ ئافره‌ته‌يل دويای ١٥ ساڵ له‌ ده‌ركه‌فتن ئسلام.

ئسلام هه‌ر له‌وه‌خت جه‌نگه‌يل به‌در و ئوحد و خه‌نده‌ق هووكاره‌ی جه‌نگ بوی له‌ شاره‌يل و فريه‌يش له‌وانه‌گ نيشته‌جی شاره‌يليانن ئيماندار نين، چوينكه‌ سواری و ئستقامه‌ت هه‌وڵ روی وه‌ڕوی بوينه‌وه‌ی دوشمن دا له‌ جاهليه‌ت له‌ ده‌يشت شاره‌يل و داعشيش جوور نه‌خوه‌شييگ بڵاو بويه‌و هه‌ر بايه‌سه‌ ته‌مام بدێ، چوينكه‌ ده‌س كردنه‌سه‌ ناو شاره‌ زه‌رده‌واڵه‌و دويرن له‌ رووشنهويری ئايينی.

سه‌ڵاح مه‌نده‌لاوی