كورد و مه‌رز خوارگ كوردستان

شفق نيوز

یا كورد ئاگادار نیه‌ له‌لى، یا وه‌گووره‌ى دڵ تاریخنویسیگ  كورد نه‌ویه‌ بنویسێده‌ى. ئه‌را نموونه‌: تاریخ كورد و ئه‌و مه‌ردمانه‌و ئه‌و كورده‌یله‌ ك گرینگى یا ئه‌همیه‌ت داشتنه‌ له‌ده‌یشت كوردستان، ئه‌یه‌ وه‌تاریخ كورد نیه‌زانن، ئه‌ویش وه‌مه‌هانه‌ى ئه‌وه‌ك خزمه‌ت كوردستان نه‌كردنه‌ یا هس نه‌ته‌وایه‌تى نه‌یاشتنه‌ وه‌بى ئه‌وه‌ك هساویگ  ئه‌را ئه‌وه‌ بكریه‌ێد ك هه‌ر سه‌رده‌میگ  و جووریگ  له‌هویروڕاى جه‌هانى باو له‌تى بویه‌، یا هساو ئه‌وه‌ نیه‌كریه‌ێد ك سه‌رده‌م ئمپراتۆریات جیا بویه‌ له‌سه‌رده‌م نه‌ته‌وه‌یى، چوینكه‌ فره‌جار بنه‌ماڵه‌یگ  كورد كاریگه‌رى داشتگه‌ له‌بان تاریخ ڕووژهه‌ڵات ناوڕاس وه‌گشتى و له‌بان كوردیش وه‌تایبه‌ت، ئنجا تاریخ له‌یوا باس ئه‌كا ئى وڵات ناونى دوچه‌مانه‌ بویه‌سه‌ ده‌یه‌ها"تاسوجه‌"و ناو تاسوجه‌یل خوارگ عراقیش وه‌ى جووره‌ بویه‌:

* تاسوجه‌ى ئه‌نبار ( فه‌یروزسابور).

* تاسوجه‌ى (مه‌سكه‌ن) نزیك ئاو دوجه‌یل.

* تاسوجه‌ى قورتبل.

* تاسوجه‌ى كوپى.

* تاسوجه‌ى بادوریا.

* تاسوجه‌ى رومقان.

* تاسوجه‌ى درقیت.

* تاسوجه‌ى فه‌لوجه‌، ناوه‌گه‌ى نزیكه‌ له‌ فه‌هلوجه‌ یا په‌هلوجه‌ هاتگه‌، یه‌یش وه‌ ماناى شوون"فه‌یلى"یه‌یل یا كورده‌یل فه‌یلى، ك یه‌یش قه‌یریگ  له‌لیان له‌ ئاڤێستاى نه‌ورووز باس كریاگه‌ ئه‌را زانیارى. ئنجا"گسوج"وشه‌یگ  ئاریه‌ له‌جیاى قه‌زا و ناحیه‌ وه‌كار هاتگه‌ له‌خوارگ عراق . ئه‌را نموونه‌:"ئه‌نبار" ناوى فه‌یروزسابور بویه‌ وه‌ك چوین تاسوجه‌ ك تاوسولجه‌ى كوردستان"تاسلوجه‌"ى نزیك شار سلێمانى هه‌مان ناو كویه‌نى مه‌نده‌سه‌وه‌، وه‌ماناى تاسوجه‌ى بویچگ . ئنجا له‌سه‌رده‌م ساسانیه‌یلیش خوارگ عراق له‌ى تاسوجه‌یله‌ پیك هاتوید جویر تاسوجه‌ى"عه‌ین ته‌مر"و تاسوجه‌ى "كه‌سكه‌ر"و تاسوجه‌ى"فورات"و تاسوجه‌ى"سوراو برسیما"ك شوون ئاشووریه‌یل بویه‌و ناوه‌گه‌ى سریانیه‌و نزیك "بابل" بوینه‌، ك بابلیش له‌وه‌خت خوه‌ى شاریگ  سریانیه‌یل بوى، دى مه‌به‌س باسه‌گه‌مان له‌یرا ته‌نیا وه‌دیكردن ژیان و ناسنامه‌ى راسى وجوود تاریخ ملله‌ت كورده‌ وه‌گشت چین و پیكهاته‌یلى له‌ڕووژهه‌ڵات ناوڕاس و مه‌رز خاكه‌یل زه‌فتكریاگى.

یه‌یش بیجگه‌ ئه‌وه‌ك خوارگ عراق به‌شیگ بویه‌ له‌ماڵ و موڵك جاوانى یا گاوانیه‌یل و یه‌یش تاریخ دویرو دریژیگ دیرێد.