دامه‌زرانن ده‌وڵه‌ت كوردى

شفق نيوز

بريار ريزدار مه‌سعود بارزانى ئه‌را ئه‌نجامداين راپرسى وه‌خاتر بڕيار چاره‌نويس ملله‌ت كوردستان و دامه‌زرانن ده‌وڵه‌ت كوردى جى خوه‌شاڵيه‌ له‌لاى كورد، وه‌لێ بڕيگ له‌ لايه‌نه‌يل ئۆپۆزسيۆن حه‌ماس ئه‌را ئى پرووژه‌ نه‌يرن و له‌يوا دوينن له‌ به‌رژه‌وه‌ندى بنه‌ماڵه‌ى بارزانيه‌و هيزه‌يل تر له‌تى گومه‌، وه‌لێ دوياخريش پرووژه‌ى خواستيگه‌ ئه‌را زانستن بڕيار چاره‌نويس ك هه‌رچه‌نى گرژييگ له‌ناوچه‌گه‌و هه‌رێم دروس ئه‌دێ وه‌ل وجوود ترۆر ك فريه‌يگ له‌ جوگرافياى سياسى و مه‌ردمى و باوه‌ڕه‌يل له‌ناوچه‌گه‌ ئاڵشت كرد.

ريزدار بارزانى خاس زانێد ك رى وشوونه‌يلى جى خوه‌شاڵى به‌غدا و ته‌هران و ئه‌نقه‌ره‌ وه‌ تايبه‌ت نيه‌ ك له‌گشت ده‌وڵه‌ته‌يل فيشتر دژ وجوود جوگرافياى كورده‌ له‌ناو خاكه‌يلى ك جوگرافيايگ گرينگ سياسى و ئابووريه‌، چوينكه‌ توركيا وه‌بى ئه‌و جوگرافيا ده‌وڵه‌ت نيه‌و هه‌وڵ له‌ناوبردن كورد ئه‌ياد و جه‌نگ له‌ دژيان به‌رپا ئه‌كاو فيشتريش له‌ جاريگ قه‌يه‌غه‌ى حزبه‌يل كوردستانى سوورى كرد تا به‌شدارى له‌ دانيشتنه‌يل جنێف نه‌كه‌ن ك ئامانج له‌لى په‌ياكردن چاره‌سه‌ريگ بوى ئه‌را قه‌يرانه‌يل.

هه‌ڵوژاردنه‌يل ئه‌مريكى ها ڕييه‌و، ريزدار بارزانييش مه‌يل له‌وه‌رگرتن ڕى وشوون راپرسى ديرێد وه‌رجه‌ ئه‌و هه‌ڵوژاردنه‌يله‌ ك شايه‌ت كۆماريه‌يل له‌تى ده‌سڵات بگرنه‌ ده‌س له‌ واشنتۆن، ك يه‌يش كاره‌يليگ ته‌رتيب ئه‌كا له‌ ناوچه‌گه‌، هه‌ر وه‌و خاتريشه‌ بارزانى باوه‌ڕى ئه‌وه‌سه‌ ك ئه‌نجامداين راپرسى وه‌رجه‌ هه‌ڵوژاردنه‌يل ئه‌مريكى ئاكام خاسيگ داشتوود.

كوردستان هوير له‌ بڕياره‌يل يه‌كلاكه‌ريگ ديرێد و له‌وانه‌يش كيشه‌ى سوورى و بار عراق، روژه‌يل ئاينده‌يش چشته‌يل فيشتر له‌تى ده‌رئه‌كه‌فێد ك بايه‌سه‌ له‌بان جه‌هان جموجويل خوه‌يان له‌وه‌رانوه‌رى بخه‌نه‌ كار و هه‌ڵويسته‌يل كووتايى ئه‌ڕاى داشتوون.

هادى جله‌و مه‌رعى