روسياو ئه‌مريكاو وازى وه‌ئاشكرا..!

شفق نيوز

ده‌خاڵه‌ت ئيسه‌ى روسيا دوياى ئه‌و شكه‌ست وه‌ناو هاوپه‌يمانى ناوده‌وڵه‌تيه‌ هات ك پيكهاتگه‌ له‌ 60 ده‌وڵه‌ت و له‌وه‌ر مقه‌يه‌تى له‌ سومعه‌ت و هيزه‌يل ئه‌و ده‌وڵه‌ته‌يله‌ ك خوه‌يان وه‌ ده‌وڵه‌ته‌يل گه‌وراهيز ئه‌زانن.

ئه‌وه‌گ روى ئه‌ياد له‌ ناوچه‌گه‌ وه‌گشتى و عراق وه‌ تايبه‌ت، مه‌سه‌له‌ى ريكه‌فت يا ده‌رئه‌نجاميگ ناكووكيه‌يل نيه‌، ئه‌وه‌گ روى ئه‌ياد چشتيگ تره‌و رويداگه‌يليگ هه‌ن ره‌سينه‌سه‌ ئى ئاست چه‌وه‌ڕيكرياگه‌ ك گشت لايه‌نه‌يل ريككه‌فتتن له‌بانى ئه‌كه‌ن له‌وه‌ر خاتر يه‌كترى!

سياسه‌ته‌يل هه‌ڵه‌ و سه‌ركه‌فتنه‌يل شه‌رمه‌زارى هه‌وڵ ئه‌وه‌ ئه‌ياد چه‌و بنويقنێد له‌ى ئاست رويداگه‌يل، يه‌يش بيجگه‌ ئۆپۆزسيۆنه‌يل نيشتمانى له‌و رويداگه‌يل سياسى و حكومه‌ته‌يل په‌مه‌ييه‌ ك خوه‌يان گيل له‌لى گيل ئه‌كه‌ن.

ئه‌و هاوپه‌يمانى چوارلايه‌نى تازه‌ ك ئاشكراى كرياو پيكهاته‌گه‌ له‌ هه‌ر يه‌ك له‌(روسيا، ئيران، عراق، سوريا)كار دوير ناكه‌ن له‌ ده‌وڵه‌ته‌يل تر، به‌ڵكوو وه‌گووره‌ى ريككه‌فتنه‌يل وه‌رين و بڕياره‌يل كار ئه‌كه‌ن ك له‌ دانيشتنه‌يل زويتر باس كرياو ريككه‌فتن له‌بانى كرياو هه‌ر ئازايگ به‌شيگ له‌لى ديرێد!

له‌ سوريا و عراق به‌رژه‌وه‌نديه‌يل هاوبه‌شيگ ئه‌را ئه‌مريكاو روسيا هه‌س، ئمجا له‌ماوه‌ى ساڵه‌يليگ گوزه‌يشته‌ ئه‌مريكاو هاوپه‌يمانه‌يلى نه‌تويه‌نستن ئه‌و ته‌ڵه‌سمه‌ له‌ شيعه‌ واز بكه‌ن له‌ ناوچه‌گه‌و غه‌واس كه‌فته‌سه‌ ناو ده‌ريايه‌يل شيعه‌و يه‌يش ئاسان نيه‌ جوور ئه‌وه‌گ ئۆباما تاريفى كردو ئه‌را مه‌سه‌له‌ى ريككفه‌تن ئه‌تۆمى ئيرانيش ك گوايا ئه‌مريكا خوه‌ى داسه‌ ده‌س ريككه‌فتنه‌و يه‌يش چشته‌يليگ ژير وه‌ژير ديرێد و هيمان ئاشكراى به‌نده‌يلى نه‌كرياگه‌ نه‌ك بدێده‌ قه‌يران له‌ناونى ئه‌مريكاو هاوپه‌يمانه‌يلى، چوينكه‌ هاوپه‌يمانه‌يل شايه‌ت وه‌ سه‌رچه‌ماننيگ ئه‌را ئيران و هاوپه‌يمانه‌يليان بزاننه‌ى له‌ناوچه‌گه‌و جه‌هان.

روسيا ده‌سكرده‌ جموجويل، خوه‌ى كيشا جه‌نگ يه‌مه‌ن و دريژه‌و بوى وه‌ره‌و عراق و سوريا وه‌ چه‌ك پيشكه‌فتگ وه‌خاتر روى وه‌ڕوى بوينه‌وه‌ى ريكخرياگه‌يل ترۆريستى له‌ عراق و شام، ك پيكهاتنه‌ له‌ مافيات جه‌هانى وه‌ناو ئسلام و خاسسازى.

به‌ڵى، ئه‌تويه‌نيم بويشيم ئاينده‌ ئه‌دێده‌ سه‌ركه‌فتن شيعه‌و گشت جه‌هان مانگ شيعه‌ له‌ ئاسوو دوينن ك چوين دره‌وشيه‌ێد، يه‌يش دوياى پاكه‌وكردن ناوچه‌گه‌ له‌ پاشمه‌نده‌يل ئه‌مريكا ك باوه‌ڕى ئه‌وه‌ بوى وه‌ ئاسانى ده‌سميه‌ت ئه‌دريه‌ێدو زاڵ ئه‌دێده‌ بان عه‌قڵيه‌ت رووڵه‌يلى وه‌تايبه‌ت ئه‌وانه‌گ ك شانۆ كووچكردن هاورده‌ وجوود ئه‌ڕايان له‌ڕى داين ماف په‌نابه‌رى وه‌پيان له‌ ئۆرپا و بڕيگ له‌ ده‌وڵه‌ته‌يل تر.

دى ئه‌وه‌ بوى ك ئه‌مريكا ئه‌وه‌ ئه‌ڕاى ده‌ركه‌فت له‌ هاوپه‌يمانه‌يل، ك شيعه‌ هيزيگ گه‌وراس و زاڵبوين له‌بانى مه‌حاڵه‌، چوينكه‌ شيعه‌ جه‌ماعه‌ت يا حزبيگ سياسى نيه‌، به‌ڵكوو باوه‌ڕيگ بته‌و و په‌ياميگ تازه‌وه‌كرياگه‌و تواناى زاڵبوين له‌بانى سه‌خته‌.

ئه‌سير ئه‌لشه‌رع