(شه‌فه‌ق)يه‌يل ياد 8 ساڵه‌ی دامه‌زرانن دزگاگه‌يان پيرۆز كردن

شفق نيوز

كورده‌يل فه‌يلی(شه‌فه‌ق) له‌ به‌غدا، وه‌ئاماده‌بوين فه‌ره‌ج حه‌يده‌ری سه‌رۆك كۆميسيۆن باڵای هه‌ڵوژاردنه‌يل عێراق، محه‌مه‌د ئه‌مين ده‌لۆ وه‌رپرس لق په‌نج پارت ديموكرات كوردستان، عه‌لی حوسێن فه‌يلی ئه‌ندام په‌رله‌مان كوردستان و ژماره‌ی فره‌يگ له‌ كه‌سايه‌تيه‌يل بواره‌يل جياجيا و جه‌ماوه‌ريگ وه‌رچه‌و له‌ دووسداره‌يل شه‌فه‌ق، ئاهه‌نگيگ خێزانی وه‌بوونه‌ی هه‌يشتمين ساڵڕووژ دامه‌زريان ده‌زگاگه‌ ساز دريا.

 

 

 

 

سه‌ره‌تا عه‌لی حوسێن فه‌يلی سه‌رۆك ئه‌نجوومه‌ن وه‌ڕێه‌وبردن ده‌زگای شه‌فه‌ق له‌وته‌يگ وه‌خه‌ێرهاتن ميوانه‌يل و ئاماده‌بويه‌يل كرد و وه‌بوونه‌ی ياد هه‌يشت ساڵه‌ی دامه‌زريان ده‌زگای شه‌فه‌ق پيرۆزبايی له‌ هاوزووانه‌يل و دووسداره‌يل و كارمه‌نده‌يل ده‌زگاگه‌ كرد.

 

له‌دريژه‌ی ئاهه‌نگه‌گه‌ وه‌خاتر كار و چالاكی و زامه‌ته‌يل كارمه‌نده‌يلی و گشت ئه‌و كه‌سه‌يله‌ ك هه‌ر له‌ سه‌ره‌تای دامه‌زراننی تا ئمڕوو له‌ شه‌فه‌ق خزمه‌ت كردنه‌، له‌لايه‌ن وه‌ڕێه‌وبرايه‌تی ده‌زگاگه‌ گشت ئه‌و كه‌سه‌يله‌ خه‌ڵات كريان و باوه‌ڕنامه‌ی ڕێزناين پێشكه‌شيان كريا.

 

له‌شوون ئه‌وه‌ (شه‌فه‌ق)يه‌يل وه‌ هه‌ڵهه‌ڵه‌داين و شادی و شانازی، هه‌فتمين شه‌م ته‌مه‌ن ده‌زگاگه‌ كوشاننه‌و و هه‌يشتمين موم عومر شه‌فه‌ق ڕووشن كردن.

 

هه‌ميش له‌به‌شيگ تر ئاهه‌نگه‌گه‌، له‌لايه‌ن ده‌زگای شه‌فه‌ق چه‌ن ديارييگ پێشكه‌ش وه‌ ئه‌و خوه‌ندكاره‌يل كورده‌ كريا ك له‌ بوار خوه‌نستنيان سه‌ركه‌فتگ بوينه‌.

 

له‌لای خوه‌يانه‌و ئاماده‌بويه‌يل ئاهه‌نگه‌گه‌يش، پيرۆزبايی له‌ شه‌فه‌ق كردن و نه‌خش ديار و كاروچالاكييه‌يل ده‌زگاگه‌ له‌ بواره‌يل جياجيا و خزمه‌تكردن وه‌ زووان و فه‌رهه‌نگ كوردی له‌ ده‌يشت هه‌رێم وه‌گشتی و هه‌ميش كاركردن ئه‌را پێكهاته‌ی كورد فه‌يلی وه‌تايبه‌ت به‌رز نرخانن و ده‌سخوه‌شی له‌ وه‌ڕێه‌وبه‌رايه‌تی و كارمه‌نده‌يل ده‌زگاگه‌ كردن ك وه‌دريژايی ساڵه‌يل عومر شه‌فه‌ق دڵسووزانه‌ خزمه‌تيان كردنه‌و له‌خوه‌شی و ناخوه‌شيه‌يليان به‌شداربوينه‌ و ئاره‌زووی وه‌رده‌وامی و سه‌ركه‌فتن زياتر ئه‌رايان خواستن.

 

دوياتريش وه‌ گورانی و هه‌ڵپه‌ڕكه‌ی كوردی ئاهه‌نگه‌گه‌ ڕازياوه‌.

 


جی باسه‌ ده‌زگای شه‌فه‌ق له‌شوون ڕميان ڕژيم وه‌رين عێراق له‌ ساڵ 2004 دامه‌زريا و چه‌ن به‌شيگ له‌خوه‌ی گرتگه‌ جوور: ڕاديۆ شه‌فه‌ق ك تا هه‌يشتمين ساڵڕووژ ته‌مه‌ن ده‌زگاگه‌ 2555 ڕووژ په‌خش وه‌رده‌وام داشتگه‌، چوار سايت وه‌زووانه‌يل كوردی، عه‌ره‌بی، ئنگليزی و فارسی، گوڤار گوڵ سوو ك 83 ژماره‌ له‌لی له‌چاپ درياس و يه‌كه‌مين گوڤاره‌ له‌ جه‌هان وه‌شيوه‌زار كوردی فه‌يلی، گۆڤار فه‌يلی وه‌زووان عه‌ره‌بی ك 105 ژماره‌ له‌لی له‌چاپ درياس، گوڤار (فيلي الصغير) ئه‌را مناڵه‌يل ك 20 ژماره‌ له‌لی ‌چاپ كرياس و بيجگه‌ له‌يانه‌يش ژماره‌ی فره‌يگ كاروچالاكی تر له‌وانه‌ وه‌رپاكردن چه‌نه‌ها كۆڕ و كۆنگره‌و سمينار له‌بواره‌يل جياجيا و...تد.

ليست ناو ئه‌و كه‌سه‌يله‌ ك له‌ ياد 8ساڵه‌ی دامه‌زرانن ده‌زگای شه‌فه‌ق باوه‌ڕنامه‌ی ڕێزناين وه‌پيان وه‌خشريا:

1-         جواد كاظم على

2-         سندس ميرزا شاوى

3-         اسراء شاواز جميل

4-         نسرين ميرزا خنجر

5-         جمال جهانبخش

6-         هيام جبار علی

7-         آراس جواد كاظم

8-         علاء ابراهيم صفر

9-         فائزه ناصر عباى

10-       ارام حسن على شاه

11-       مشتاق رمضان رحيم

12-       فاطمة ناصر عباس

13-       سارا علی حسين

14-       تنيا جواد كاظم

15-       ايڤان جواد محمد على

16-       شيماء شمه

17-       كژال اسماعيل

18-       علی حسين على

19-       صادق محمد سايه

20-       محمد جاسم محمد

21-       مازن جواد محمد علي

22-       سيراون سعد عبدالجبار

23-       محمد حسين علی

24-       حيدر خسرو غلام

25-       سامر عبدالرزاق هادى

26-       بهاءالدين نبيل جميل

27-       حسين علی رضا

28-       صابر عبد القادر

29-       شوان عبد الخالق

30-       محمد علی حميد ناصر

31-       ماجد محمد صالحان

32-       كفاح هادی عبد

33-       عدنان رحمن فيض الله

34-       عبد العزيز لازم كريم

35-       شورش شهباز جهان

36-       ليث عيسى ابراهيم

37-       ياسر عماد اسد

38-       محمد جمال عيسى

39-       ايمان حبيب علی

40-       هدى مهدی حبيب

41-     جليل حسن اسد

42-       عدنان شعبان رحيم

43-       سعد عبد الجبار مراد

44-       ماهر شاواز جميل

45-       حسين علی حسين

46-       ناصر صفر نور علي

47-       ماجدة جعفر بشير

48-       محمد حسين علی خان

49-       حسين عبدالله شريف

50-       سلمان قاسم ميرزا

51-       هلال ابراهيم داود

52-       صاحب محمد مجيد

53-       آزاد كاظم علی

54-       حيدر اكرم

55-       هوراز امين

56-       لانه‌ صائب