كۆبانی سه‌ده‌يگ خه‌بات و قارمانێتی

شفق نيوز

چوينكه‌ خه‌بات كۆبانی جاريگتر ناو كورد خسته‌ ناو ته‌وه‌ر كۆنگرو سيميناره‌يل ناوده‌وڵه‌تی و ئه‌و ميدياو ره‌ساننه‌يليشه‌ ك وه‌ ئاواز توركيا دژايه‌تی كورد كرديان، ئه‌وانيش به‌ره‌ی خوه‌يان جيواز كردن و هاتنه‌ به‌ره‌ی ملله‌ت كورد و تونتر له‌ بڕيگ ميديای تر كوردی تاريف توركيا كردن.

مانای ئه‌وه‌سه‌ سه‌رده‌ميگ ته‌ڵايی له‌بان ده‌س شووڕشكاره‌يل كورد له‌و كۆبانی ده‌س وه‌پيكرد، ئه‌و شووڕشه‌ ك بويه‌ نموونه‌ ئه‌را گشت جه‌هان و ئه‌و قاره‌مانێتيه‌ ك بايه‌سه‌ نه‌وه‌ له‌دويای نه‌وه‌ جوور يادگاری ئه‌رايان باس بكريه‌يد و بويشيده‌ پييان ك سه‌رده‌ميگ له‌شوون چه‌نه‌ها شووڕش كوردی له‌ هه‌ر چوار پارچه‌ی كوردستان و دويای رشانن ده‌ريايگ خوين جاريگتر شووڕشكاره‌يل كورد له‌ كۆبانی ته‌كان دانه‌ شووڕش و زه‌نگ دانه‌ گووش جه‌هان ك وه‌بی كورد داناين نه‌خشه‌ی خوه‌رهه‌ڵات ناوين سته‌مه‌.

وه‌بی له‌وه‌رچه‌وگرتن كورد و بی ئه‌وه‌ك ماف وه‌ كورد بدريه‌يد، سته‌مه‌ جاريگتر گه‌وراهيزه‌يل جه‌هان يه‌كه‌و بگرن، چوينكه‌ كورد ملله‌تيگه‌ خاوه‌ن كۆبانيه‌و ئه‌تويه‌نيد كاره‌يل قورس و سه‌خت ك ملله‌ته‌يل تر وه‌ سه‌ده‌يگ ئه‌كه‌نه‌ی كورد وه‌ هه‌زار سه‌عات بكاده‌ی، مانای ئه‌وه‌سه‌ راستر و دروستر بويشيم: كۆبانی سه‌ده‌يگ له‌ خه‌بات و قارمانێتی.

دياری محه‌مه‌د

ج . أ