وه‌ياد هونه‌رمه‌ند گورانيچڕ و وه‌رزشكار قاره‌مان... سه‌ی حه‌ميد حه‌ميدی

شفق نيوز

سه‌ی حه‌مید له‌بنه‌ماڵه‌ى سه‌یده‌یل كاكه‌یی سنه‌س ‌و له‌هووز گورانه‌، هه‌ر له‌ سه‌ره‌تای مناڵییه‌و‌ عاشق‌ وه‌رزش بوود و له‌ عومر 17 ساڵان‌ وه‌ شيوه‌ی فه‌رمی به‌شداری له‌ کێبه‌رکێ ده‌وکردن ده‌کا ک‌ ده‌سکه‌فته‌يليگ‌ جوور‌ پاڵه‌وانيه‌تی سه‌راسه‌ری ئيران وه‌ده‌سهاورد و هه‌ميش له‌ کوردستان 10 جار بويه‌ قاره‌مان یه‌که‌م . جی باسه له‌و وه‌خته‌‌ ڕێکۆرد ده‌وكردن 1500 مه‌تر وه‌ ناو سه‌ی حه‌مید حه‌میدی تومار کرياويد. حه‌مید نه‌مر له‌ عومر 21 ساڵان سوير ئه‌کا و به‌رهه‌م ئه‌ی ژیان‌ هاوبه‌شه‌ ته‌نيا کوڕێگه‌ وه‌ ناو ماردین.

 

سه‌ی حه‌مید وه‌خاتر ئه‌وه‌گ‌ توانایی وه‌رچه‌ویگ ‌له‌ بوار هونه‌ر داشت له‌ ساڵ 1996 هاته‌ ناو دنیای گورانی و مۆسیقا. یه‌که‌مین کۆنسێرت حه‌میدی له‌ هه‌مان ساڵ و له‌ هۆڵ سینه‌ما به‌همه‌ن شار سنه‌ هاته‌ ئاراوه‌. حه‌میدی له‌ دريژه‌ی چالاکییه‌ هونه‌ره‌ییه‌گانی له‌ شاره‌یل کرماشان،تاران،هه‌مه‌دان،لوڕستان، شیراز،مه‌ریوان، ئیلام و ... کۆنسێرت برده‌ڕێه‌و.

 

ئه‌ی هونه‌رمه‌ند ده‌نگ خوه‌ش کورده‌، یه‌که‌مین ئه‌لبوم خوه‌ی له‌ ساڵ 1999 وه‌ ناو 'ئه‌رمه‌نی' بڵاوه‌و کرد‌ ک وه‌ خێراییگ كه‌م وينه‌ ده‌نگی بويه‌‌ هاوڕێ سويك دڵداری دويه‌ته‌يل و کوڕه‌یل کورد و گورانیه‌گانی بوينه‌ وێرد بان زووان مه‌ردم. هونه‌رمه‌ند حه‌میدی سێ ئه‌لبوم تر پێشکه‌ش وه‌ هونه‌ر ره‌سه‌ن وڵاته‌گه‌ی کرد. ئه‌لبوم 'تازه‌ یار' ساڵ 2001، ئه‌لبوم 'ماردین' ساڵ 2003، ئه‌لبوم 'سه‌فه‌ر' ساڵ 2005.

 

وه‌ داخه‌و‌ دڵ پڕ ئه‌وین ئه‌ی هونه‌رمه‌ند‌ خوه‌شه‌ویسته‌ له‌ پاییز ساڵ 2005 له‌ كوتان که‌فت و ئه‌وینداره‌يل و ئاشقه‌یل ده‌نگی وه‌ی داخ گرانه ‌ماته‌مبار کرد، گورانی کوردی هه‌ساره‌يگ دره‌وشان خوه‌ی له‌ ده‌س دا.

 

حه‌مید حه‌میدی نه‌مر هونه‌رمه‌ندێگ خاو‌ن هویر و باوه‌ڕ پته‌و ئنسانی بوی, تا دڵه‌ ساواگه‌ی له‌ كوتان که‌فت بێ وچان وه‌ شيوه‌زووانه‌یل زووان پیرۆز کوردی (سۆرانی، که‌لهوڕی، هه‌ورامی و کرمانجی) وشه‌ هاميته‌ی ناخ پڕ له‌ بێکه‌سی خوه‌ی کرد، یادی زينگ‌ و له‌ دڵ ملله‌ته‌گه‌ی سه‌ربه‌رزانه‌ ‌ژيه‌ێ.