جه‌نگ سوريا له‌ناونی مسر و سعوديه‌

شفق نيوز

چاره‌سه‌ر سياسييش ئامانجی مقه‌يه‌تيكردنه‌ له‌ ده‌زگايه‌يل سه‌ربازی و مه‌دنی، ك يه‌يش له‌يوا كرد وه‌زير ره‌سانن له‌ حكومه‌ت سوری زووان زبر و خراوداين باريده‌ كار له‌وه‌رانوه‌ر ئه‌و قسه‌يله‌ ك ژنه‌فته‌ی له‌ وه‌زيره‌ سعوديه‌گه‌.

ئمجا ئه‌گه‌ر سعوديه‌و مسر وه‌ڕاسی ريككه‌فتنه‌ له‌بان لاوردن ئه‌سه‌د، ئه‌وه‌ من باوه‌ڕم ئه‌وه‌سه‌ ئه‌يه‌ پيشكه‌فتنيگه‌ گرينگ، چوينكه‌ حكومه‌ت مسری هه‌ميشه‌ نه‌تواسياد باس له‌ ئاڵشتكردن سوريا بكا جوور ئه‌وه‌گ دژ شووڕش بوی له‌و وڵاته‌.

وه‌ل ئه‌وه‌يشا حكومه‌ت ديمه‌شق زويتر فريه‌ باس له‌ هه‌ڵويست مسر كردياد و جه‌خت له‌وه‌ كردياد ك دژ ئاڵشتكاری و لاوردن رژيم ئه‌سه‌ده‌و دژ هه‌ڵويست وڵاته‌يل كه‌نداوه‌.

دی ئی مه‌سه‌له‌ هه‌ر له‌يوا جوور مايه‌ی ناكووكی ناونی رياز و قاهيره‌ مه‌ند تا ئه‌وه‌ بوی مه‌سه‌له‌ی ئه‌و ريككه‌فتنه‌ له‌ وه‌زير خارجيه‌ی سعودی ژنه‌فتيم له‌باوه‌ت سوريا وه‌بی ئه‌سه‌د، بيجگه‌ ئه‌وه‌يش ك بايه‌سه‌ رازی روسيايش بكه‌ن هه‌ڵويست خوه‌ی له‌وه‌رانوه‌ر سوريا ئاڵشت بكا جوور ئه‌وه‌گ وازيزانيگ گرينگه‌ له‌ هه‌رێمه‌گه‌و هووكاريگ سه‌ره‌كيه‌ له‌ مه‌ندنه‌وه‌ی حوكم ئه‌سه‌د تا ئيسه‌.

يه‌يش مانای ئه‌وه‌سه‌ ك مسريه‌يل سه‌ركه‌فتن له‌ هاوردن ئۆپۆزسيۆن و قه‌وڵ چاره‌سه‌ر گونجياگيگ دانه‌ ك رژيميگ بی ئه‌سه‌د دامه‌زريه‌يد و بدێده‌ گاميگ گه‌وراو سه‌ركه‌فتن گه‌ورايگ ئه‌را سياسه‌ت مسری، وه‌ل ئه‌وه‌يشا مسر توانای ريكخستن كۆنگريه‌يش ديريد ئه‌را ئه‌را داوه‌تكردن ئۆپۆسيۆنه‌يل سوری وه‌ جووريگ ك بگونجيه‌يد وه‌ل رينمايه‌يل ناوده‌وڵه‌تی و بيجگه‌ ئه‌وه‌يش توانای رازيكردن روسيايش ديريد قه‌بول بكا وه‌ لاوردن رژيم ئه‌سه‌د.

عه‌بدولڕه‌حمان ئه‌لڕاشد

ج . أ