دادگاى مێژوو فه‌يليه‌يل وه‌بى دادگايى و تاوانباره‌يله‌

شفق نيوز

ئيمه‌ له‌ سه‌رده‌م كويه‌ن و تازه‌و تائيسه‌يش وه‌ تونى مناى ئه‌وانه‌گ كرديم ك بوينه‌ رينماييكه‌ر چه‌په‌يل و دوياخريش جمشه‌يل ئازاديخواز و نه‌ته‌وه‌ييش له‌ شوونى و دوياى ئه‌وه‌يش ئاشقه‌يل مه‌زه‌و و مدمنه‌يل تايفى، يه‌يش وه‌ ئه‌وه‌گ له‌بان خه‌ت خواست كيشه‌ى پيكهاته‌گه‌يان نه‌وين و جوور خواستيگ هويچ پيشكه‌ش وه‌و كيشه‌ نه‌كردن، دى له‌گشت حاڵه‌تيگ ئه‌گه‌ر ئه‌و هه‌ڵه‌يله‌ نه‌شماريم و ناريمنه‌ى ياد هويچ چشتيگ ئاڵشت نادێ.

وه‌گووره‌ى گوزاره‌ى به‌شدارى له‌لاى ملله‌ته‌يل و چينه‌يل كومه‌ڵگا، باوه‌ڕمان ئه‌وه‌سه‌ ئى نه‌زريه‌ راسه‌، چوينكه‌ مه‌ردم هه‌ناى ك موحيبه‌تدار و دڵسووزن له‌ناونى خوه‌يان، ئه‌وه‌ له‌ى حاڵه‌ته‌ بار ژيان و كار هاوبه‌ش ئه‌رايان ئاماده‌ ئه‌دێ و پيكهاته‌گه‌ى ئيمه‌يش وه‌رده‌وام كووچ وه‌پى كرياگه‌و ده‌ركرياگه‌ ك چوين ئه‌تويه‌نن له‌ى گوزاره‌ بڕه‌سنه‌و، له‌لايگ تريشه‌و حكومه‌ته‌يليش مه‌ينه‌تى مه‌ردم له‌يه‌كه‌و نايه‌ێد مه‌گه‌ر له‌ڕى مانگرتن و ناڕه‌زايه‌تى و رويكردن له‌ جاده‌، ئمجا له‌ حاڵه‌تيگيش ئى ريڕه‌وه‌يله‌ جيگير نه‌دێ له‌لاى پيكهاته‌، دى وه‌كام شيواز تر مه‌شق فشار بكريه‌ێد و ده‌نگد بڕه‌سنێده‌ په‌يوه‌نديداره‌يل.

ئيمه‌ى فه‌يلى گير هاتيمنه‌ وه‌ده‌س له‌وه‌رگرتن شيواز ره‌خنه‌ ك هويچ ئاكاميگ له‌لى ناكه‌فێده‌و ئعتباريش ئه‌را به‌ڵگه‌و سه‌رچه‌وه‌يليش نانريه‌ێد، وه‌ل ئه‌وه‌يشا شاره‌زايه‌يليش ديرێم له‌ گشت بواره‌يل جوور سياسى و كومه‌ڵايه‌تى و ئايينى...هتد، و دوسيه‌ى كيشه‌داريش ديرێم، وه‌لێ جى داخه‌ په‌نا وه‌و چشته‌ ئه‌وه‌يم ك وجوود ديرن و له‌وه‌رده‌سه‌و كار وه‌پى ئه‌كريه‌ێد ئه‌را شكاننه‌وه‌ى يه‌كتريمان.

دوياى ساڵه‌يليگ فريه‌يگ، هه‌ق وتريه‌ێد و بايه‌سه‌ بار ئى پيكهاته‌ شيه‌و بكريه‌ێد ك چه‌ روێداگه‌و چه‌ روى ئه‌ياد، ئيمه‌يش ئيسه‌ هه‌وه‌جه‌ى فريه‌يگ ديريم ئه‌را دوباره‌ مه‌زه‌نه‌كردن تا ئه‌و گرفته‌يله‌ لاوه‌يم ك گشت ئه‌و قاپيه‌يله‌ له‌ رويمان به‌ساگه‌ ك له‌ غوربه‌ت ته‌نيايى ده‌رمان ئه‌كاو هه‌ر بايه‌سه‌ ئه‌وه‌يش بويشيم ك زوورم كيشه‌يلمان وه‌رجه‌ ئه‌وه‌گ بچێده‌ چوارچيوه‌ى ياساو كومه‌ڵگا ئه‌تويه‌نيم ديارييان بكه‌يم وه‌ چونێنى مامڵه‌كردن و رووشنهويرى وتار ناونيمان، وه‌ل ئه‌وه‌يشا بايه‌سه‌ يه‌يش له‌هويرمان نه‌چێد ك ئيمه‌ به‌شيگيم له‌ ملله‌ت و وه‌گووره‌ى ئه‌وه‌يش بايه‌سه‌ په‌يوه‌نديداره‌يل مامڵه‌ وه‌لمانا بكه‌ن.

هويچ مێژوويگ دياريكرياگ ئه‌را ئيچنه‌ شيواز و ده‌رخستن ره‌خنه‌يليگ نيه‌و نازانيميش ئه‌وانه‌ له‌ علمانيه‌يلن يا قه‌وميه‌يل يا تايفيه‌يل ك ده‌س وه‌و شيوازه‌يله‌ كردنه‌، يا لايه‌ن ته‌ماشاكه‌ر و بى قه‌واره‌ى فكرى و ئه‌خلاقى دياريكرياگن، وه‌لێ ئاشكراسه‌ مه‌سه‌له‌ى دروسكردن و گرده‌وكردن و تيكه‌ڵكردن قسه‌يل و تومه‌ته‌يليگ وه‌بى سه‌رچه‌وه‌ وه‌شيوه‌ى فراوانيگ و هاورده‌ و وه‌گووره‌ى بار و قسه‌يليگ بلاوكرياگ و بڵاو ئه‌كريه‌ێد، ك يه‌يش جياوازى و جوورايه‌تييگ له‌ راى نيه‌ جوور ئه‌وه‌گ ئويشنه‌ى، به‌ڵكوو ئه‌يه‌ ته‌سقيت و سه‌رپيچى وه‌رده‌وام و فراوانكردن ناكووكيه‌ له‌ناونيمان و كه‌مه‌وكردنه‌ له‌ شانيه‌ت كيشه‌گه‌مان، ئمجا ئيمه‌ى فه‌يليه‌يل تا رووژ ئمڕوو ئه‌گه‌ر راسگوو نه‌ويمن وه‌ل كه‌سه‌يل تر جوور گوناهيگ بى مه‌غفره‌ت هساوى ئه‌كه‌يم و ئه‌گه‌ريش دروو بكه‌يم وه‌ل خوه‌مانا خه‌ياڵ ئه‌وه‌ ئه‌كه‌يم ك بايه‌سه‌ ته‌كريم بكريه‌يم وه‌و خاتره‌، هه‌ر له‌وه‌ر ئه‌وه‌يش فريه‌يگ له‌ سكاڵاكاره‌يل ئى كيشه‌ گرنه‌ خوه‌يان و له‌لى ده‌رنه‌چينه‌و ته‌نانه‌ت كتاو ئى رينماييشه‌ كووتايى وه‌ مه‌سه‌له‌ى برايه‌تى هاورد له‌ناونى قه‌ڵه‌م و چالاكيه‌يليان وه‌ مه‌سه‌له‌ى په‌يجوريكردنيان له‌ كاره‌يل مووچه‌و ناونيشانه‌يل وه‌زيفى ك كه‌فيليان بوى و ئى مه‌سه‌له‌يشه‌ بويه‌ كۆپييگ دوباره‌كرياگ له‌لامان، ئمجا ژيان و پابه‌ندبوين وه‌ختى و ته‌قديسكردن مه‌ردم و ئجتهاد تاك، گشت ئه‌يانه‌ هووكارن ئه‌را ئاكامه‌يل پڕ كاره‌سات و ئه‌گه‌ريش وه‌ قويلتر ته‌ماشاى گوزه‌يشته‌مان بكه‌يم ك ته‌نانه‌ت ئه‌را ئيمه‌ وه‌پى وتيان سه‌رده‌م ته‌ڵايى، هه‌ر وه‌ل ئه‌وه‌يشا كه‌لينه‌يليگ بوى نواى ديدمان وه‌ره‌و ئاسووه‌يل تر گرتوێد.

ئازادى راده‌رخستن ئه‌را ئيمه‌، ماناى ئازادى راى و ديموكراسى ره‌سنێد تا ئه‌ڕه‌سێده‌ كوشاننه‌وه‌ى ريڕه‌و سه‌رپيچى و كپه‌وكردن ده‌نگ ناوزڕانن و به‌سانن نويسينگه‌ى وه‌درووخستنه‌يل و كوشتن ديد و كه‌سه‌يل و دويرگرتن له‌ باوه‌ڕه‌يل ته‌وبه‌و ئدمانبوين له‌و كاره‌يله‌.

عبره‌تيش له‌وه‌ ئه‌وه‌سه‌ ك بايه‌سه‌ له‌ ره‌خنه‌ نه‌ترسيه‌يم، چوينكه‌ ره‌خنه‌ى بنياتنه‌ر هاوڕيه‌يل راسكانى دروس ئه‌كاو ئيمه‌يش ئيسه‌ له‌گشت وه‌ختيگ فيشتر هه‌وه‌جه‌ وه‌پى ديرێم.

عه‌لى حسێن فه‌يلى