گفتگوو وه‌ل فلستينييگ كورده‌يل فه‌يلى ناناسێد

شفق نيوز

كابرا له‌يرا له‌ قسه‌ وسانه‌م و وت: ئ قسه‌يله‌ راسه‌؟؟!!!!! منيش وتمه‌پى: به‌ڵێ و فيشتريش له‌وه‌، ئه‌ويش وت: ئايا دوياى ئاڵشتبوين رژيم گله‌وخواردن و مافه‌يليان وه‌رگرتن؟ منيش وتم: به‌ڵێ گله‌وخواردن ئه‌را خاك خوه‌يان، وه‌لێ له‌باره‌ى مافه‌يليان موتابعه‌ نه‌كردمه‌، وه‌لێ ئه‌ژنه‌وم بريگ له‌ليان وه‌رگرتنه‌ه‌و بڕيگيش چه‌وه‌ڕى ئه‌كه‌ن. ئه‌ويش وت: ئايا تاوانيگ هه‌س له‌يه‌ گه‌وراتر سه‌دام ئه‌نجامى داوێد ده‌رهه‌ق مه‌ردمانيگ ته‌نيا له‌وه‌ر ئنتماى نه‌ته‌وه‌يى؟

ئه‌ى برايه‌يل كه‌ره‌مدار ئيمه‌ى عه‌ره‌ب و كورد له‌ يه‌ك خاك ژيه‌يم و سه‌ر وه‌ يه‌ك وڵاتيم و خاوه‌ن يه‌ك كيشه‌يم، ك ئه‌خوازيم ئى نه‌وه‌ بفامن و بزانن ك نه‌ته‌وه‌ گريه‌يگ نيه‌ له‌ڕى وه‌يه‌كه‌وژيان، خاوه‌ن كيشه‌يل كۆمه‌ڵايه‌تى و مێژوويى ته‌مام بوين و جايه‌ڵ جوانه‌يل چ كاريگ وه‌پيه‌و ديرن ك زوڵم نه‌ينه‌و تويش تاوانه‌يل سه‌دام ناتنه‌، ك ئايا له‌وه‌ر چه‌ بايه‌سه‌ كاريگه‌ر بوون وه‌ كيشه‌يل كويه‌ن.

ئيمه‌ مادام له‌بان هه‌مان خاك ژيه‌يم، بايه‌سه‌ وه‌رپرسيارێتى گشتمان بوود و مادام ره‌گه‌زنامه‌ى عراقى ديريم ئه‌خوازيم هان رووشنهويرى بيه‌يم ك هويچ كه‌سيگ فه‌زڵ له‌بان كه‌سيگ تر نه‌يرێد و ئوميده‌وارم بڕگه‌ى نه‌ته‌وه‌ لاوريه‌ێد له‌گشت مامڵه‌يگ فه‌رمى و گشت چشته‌يل گوزه‌يشته‌ لاوريه‌ێد، چوينكه‌ نه‌ عه‌ره‌ب وه‌رپرسه‌ له‌بان ئه‌وه‌گ هاته‌ تويش برايه‌يل فه‌يلييان و نه‌يش فه‌يليه‌يل وه‌رپرسن له‌بان ئه‌وه‌گ هاته‌ تويش عه‌ره‌ب له‌ رووژگار سه‌دام تاوانبار، ئيمه‌ بايه‌سه‌ بژيه‌يم.

حه‌يده‌ر ئه‌لوائلى