قانوونه‌يل سه‌دام جاری هاله‌ شوون كورده‌يل فه‌يلی

شفق نيوز

شيوياگ له‌غو بكه‌ی. وه‌لی كيشمه‌كيش ناونی كوتله‌يل سياسی له‌بان وه‌زعيه‌ت قانوون دانان په‌رله‌مان كاريگه‌ری ناس و ده‌نگداين له‌بان قيريگ له‌ بريارو قانوونه‌يل و له‌وانه‌يش له‌غو كردن بريار و قانوونه‌يل ده‌ركرياگ له‌لايه‌ن ئه‌نجوومه‌ن سه‌ركردايه‌تی شۆرش له‌ناوچگ وسياگه‌سه‌و هاووڵاتيه‌يل جاری له‌ی قانوونه‌يله‌ ره‌نج به‌ن و چه‌وه‌ری كه‌ن په‌رله‌مان وه‌ ناكووكيه‌يل خوه‌ی كووتايی باريگ و گرنگی بده‌يگه‌ كيشه‌ و سه‌ختی هاووڵاتيه‌يل له‌ی قانوونه‌يله‌ و هه‌رچ زويتر له‌غويان بكه‌ی و قانوونه‌يليگ وه‌ل ديموكراسی نوو عيراق بگۆنجيه‌يگ ده‌ر بكه‌ی. كورده‌يل فه‌يلی له‌ پێكهاته‌يليگ تائيسه‌ له‌ی قانوونه‌يله‌ ك له‌لايه‌ن ئه‌نجوومه‌ن سه‌ركدايه‌تی شورش هه‌ڵوشياگ ده‌ر كريانه‌ ره‌نج به‌ن، (شه‌فه‌ق)تويه‌نست به‌ڵگه‌نامه‌يل فره‌يگ وه‌ده‌س باريگ ك نيشانده‌ن ده‌زگايل ده‌وڵه‌ت جاری وه‌ل كورده‌يلی فه‌يلی وه‌گوره‌ی بريار و قانوونه‌يليگ له‌لايه‌ن ده‌سه‌ڵات ديكتاتۆری وه‌رين ده‌ر كريانه‌ كار كه‌ی ك ئه‌را ئاواره‌ كردن وبی به‌ش كرن ئه‌ی پێكهات ره‌سه‌نه‌ له‌ هه‌ق قانوونی خوه‌ی وه‌كار برياگه‌. له‌برياره‌يليگ تويه‌نيم وه‌پيان ئشاره‌ت بكه‌يم بريار دادگای حه‌واله‌ كردن كه‌سايه‌تی شار سه‌دره‌ ك قه‌بوول نه‌كردگه‌ هاووڵاتی محمود موسا كامل به‌ڵگه‌نامه‌ی مردن(حجه‌ وفات) ئه‌را كوره‌گه‌ی شكر محمود موسا ك له‌لايه‌ن ده‌سه‌ڵات ديكتاتۆری وه‌رين شه‌هيد كرياگه ده‌ر بكه‌ی‌ .ش

شه‌فه‌ق په‌يوه‌ندی كرده‌ قسيه‌كه‌ر وه‌ناو ئه‌نجوومه‌ن باڵای داد عه‌بدولسه‌تار بيرقدار وئه‌ی كيشه‌ ئه‌رای ئاشكرا كرد. ناوبرياگ وه‌ت: بريار ده‌ركرياگ له‌لايه‌ن دادگا وه‌يكجار نيه‌ و ئه‌ی هاووڵاتیه‌ تويه‌نيگ شكايه‌تيگ پيشكه‌ش بكه‌ی. ناوبرياگ له‌باره‌ی له‌باره‌ی بريار يا قه‌راره‌يل ده‌كرياگ له‌لايه‌ن ئه‌نجوومه‌ن سه‌ركردايه‌تی شورش وه‌ت: بريار و قانوونه‌يل فه‌ريگ له‌لايه‌ن ده‌سه‌ڵات ديكتاتوری وه‌رين ده‌ركريانه‌ ك تائيسه‌ ده‌زگايل ده‌وڵه‌ت وه‌گوره‌يان كار كه‌ن و له‌هه‌مان وه‌ختيش ئاشكرا كرد: په‌رله‌مان بايه‌د ئه‌ی بريار و قانوونه‌يله‌ له‌غو بكه‌ی قانوونه‌يل نوويگ له‌شوونيان په‌سه‌ن بكه‌ی.

له‌لايگتره‌و جيگر سه‌رۆك كۆمه‌ڵه‌ی كورد فه‌يلی له‌ ته‌سريحيگ ئه‌را شه‌فه‌ق وه‌ت: كورده‌يل فه‌يلی له‌وه‌خت سه‌ردانيان ئه‌را دائره‌ و ده‌زگايل ده‌وڵه‌ت كيشه‌يل فره‌یگ هاله‌وه‌رده‌ميان و شكايه‌ته‌يل فره‌يگ له‌باره‌ی ره‌فتار وه‌ل كورده‌يل فه‌يلی كريه‌يگ وه‌تايبه‌ت له‌ دادگايل تايبه‌ت وه‌ ده‌ركردن به‌ڵگه‌ نامه‌ی مردن (حجه‌ وفات)پيشكه‌شمان كريه‌يگ. و ئيمه‌يش له‌لايه‌ن خوه‌مانه‌و وه‌ل مدحت مه‌حمود سه‌رۆك ئه‌نجوومه‌ن باڵای داد په‌يوه‌ندی كرديمنه‌ و كيشه‌گه‌ وه‌ليه‌و باس كرديمنه‌ و سه‌رۆك ئه‌نجوومه‌ن باڵای داديش كتاو ره‌سميگ ئه‌را دادگای ئه‌حوال شخصيه‌ شار سه‌در كل كرد تا به‌یڵگه‌نامه‌ی مردن(حجت وفات) ئه‌را روڵه‌يل كورد فه‌يلی ده‌ر بكه‌ی وه‌لی دادگای ناوبرياگ تائيسه‌ كيشه‌يل فره‌يگ له‌وه‌رده‌م هاووڵاتيه‌يل كورد فه‌يلی دروس كه‌ی.