سه‌ركه‌فتن دوناڵد ترامپ و كاريگه‌ريى له‌بان كورد

شفق نيوز

وه‌لێ سه‌ركه‌فتن ترامپ ده‌نگدانه‌وه‌ى گه‌ورايگ بوى له‌ ره‌سانن و له‌ناو لايه‌نگره‌يلى وه‌بوونه‌ى لێدوانه‌يل نادبلۆماتكارانه‌ى جوور قه‌يه‌غه‌كردن هاتن موسڵمانه‌يل ئه‌را ناو ئه‌مريكاو جه‌ختكردنى له‌بان ته‌لبه‌نكردن مه‌رزه‌يل وه‌ل سويد، وه‌لێ كاردانه‌وه‌ى خراو وه‌كار نايه‌ريه‌ێد له‌ هه‌ڵوژاردن و دوياخريش كاريگه‌رى نه‌يرێد ك هه‌رچه‌نى خوه‌ينيشانداين و ناڕه‌زايى فريه‌يگيش له‌بان ئاكامه‌يل هه‌ڵوژاردنه‌گه‌ ئه‌نجام دريا له‌ سه‌ركه‌فتن ترامپ.

باوه‌ڕم ئه‌وه‌سه‌ گره‌و له‌بان ترامپ له‌ قوناغ ئاينده‌ى نزيكيگ له‌وه‌ر پيشكه‌شكردنن چاره‌سه‌ر سه‌ركه‌فتگ ئه‌را بار ئاسايشى و سياسى له‌ خوه‌رهه‌ڵات ناوين مومكن نيه‌، وه‌تايبه‌ت دوياى ئه‌و كاردانه‌وه‌ى خراوه‌ ك ده‌ركه‌فت له‌ناو ئه‌مريكا وه‌بوونه‌ى سه‌ركه‌فتنى له‌ هه‌ڵوژاردنه‌يل، يه‌يش بيجگه‌ ئه‌وه‌گ ستراتيجيه‌ت ئه‌مريكا له‌لايه‌ن دام و ده‌زگايه‌يلى دانرياگه‌ جوور ئه‌نجومه‌ن ئاسايش نه‌ته‌وه‌يى و ئه‌نجومه‌ن په‌يوه‌نديه‌يل خارجى و پنتاگۆن و هه‌واڵگرى...هتد.

له‌يرا مه‌سه‌له‌ تايبه‌ته‌ وه‌ كاروبار ناخوه‌يى ئه‌را هه‌ڵمژين غه‌زه‌و لايه‌نگره‌يل و هه‌ر وه‌و خاتريشه‌ وه‌گووره‌ى توانا هه‌وڵ دويره‌وكه‌فتن ئه‌ياد له‌ چالاكيه‌يل خارجى ك خزمه‌ت وه‌ ئابوورى ئه‌مريكى ناڕه‌سنێد، وه‌لێ ئه‌را نموونه‌ ئه‌گه‌ر هات و دوياخستن دا ريككه‌فتن ئه‌تۆمى وه‌ل ئيران، ئه‌وه‌ هه‌ڵه‌په‌ڵه‌ ئه‌كا له‌ جيوه‌جيكردن چاره‌سه‌ر مومكنيگ ئه‌را دوسيه‌يل چاره‌سه‌رنه‌كرياگ له‌ عراق و سوريا.

ترامب لێدوانه‌يل خاسيگيش داشت له‌باره‌ى ملله‌ت كورد وه‌گشتى و پێشمه‌رگه‌ وه‌تايبه‌ت، كورديش گه‌شبين بوين له‌و رويه‌و ك لێدوانه‌يلى له‌وه‌ر دعايه‌ى هه‌ڵوژاردن نه‌ويه‌ وه‌ ئه‌وه‌گ كورد لۆبى كاريگه‌ر له‌ ئه‌مريكا پيك ناوردنه‌و كورد ئوميده‌واره‌ ئى قه‌وڵ و لێدوانه‌يله‌ وه‌ڕاسى جيوه‌جى بكريه‌ێد، چوينكه‌ پڕ بوينه‌ له‌ قه‌وڵه‌يل فريه‌و كرده‌وه‌يل كه‌م و حوكمكردن وه‌ كيشه‌ دادگه‌ره‌ ئنسانيه‌گه‌يان له‌ڕى موزايده‌ى هه‌رێمى نادادگه‌رانه‌.

وه‌لێ ڕزبه‌سان جياجياى حزبه‌يل كورد له‌ هه‌رچوار پارچه‌گه‌ى(عراق و توركيا و ئيران و سوريا)وه‌ل هيزه‌يل هه‌رێمى يا ناوده‌وڵه‌تى هان ترامپ ئه‌ياد هاوپه‌يمانى وه‌ل بڕيگ له‌ليان بكا وه‌بى باقييان، ئه‌ويش وه‌گووره‌ى خواست به‌رژه‌وه‌نديه‌يل ئه‌مريكى له‌ ناوچه‌گه‌، هه‌ر وه‌و خاتريشه‌ بايه‌سه‌ كار له‌بان ئه‌يانه‌ بكريه‌ێد:

1- يه‌كڕزى كورد، ك يه‌يش گرينگى فريه‌يگ ديرێد.

2- وه‌كارهاوردن ڕزه‌يل جياجيا ئه‌را خزمه‌ت به‌رژه‌وه‌ندى نه‌ته‌وه‌يى نه‌ك زه‌فه‌رهاوردن ئى حزبه‌گه‌ له‌واكه‌.

3- پلان ستراتيجى نه‌ته‌وه‌يى، ك هه‌رچه‌نى هه‌ربه‌شيگيش تايبه‌تمه‌ندى خوه‌ى بياشتوود ئه‌را خوه‌ى وه‌ته‌نيا، وه‌لێ وه‌ريككه‌فتن و له‌يه‌كڕه‌سينه‌وه‌ى گشت لايه‌نه‌يل.

د . سوزان ئامێدى