كورد و دونيای ده‌وران ده‌ور

شفق نيوز

ئی هوير وڕايه‌يل عه‌ره‌بيه‌ ری وه‌ڕی نه‌كرياگه‌ له‌لايه‌ن مه‌ردمان تر، وه‌لێ ئه‌و مه‌ردمانه‌ دوينيم ك وه‌شيوازيگ تر رای خوه‌يان ده‌رئه‌خه‌ن وه‌ زووانيگ توركيانه‌و مه‌زه‌وی ك په‌يوه‌سه‌ وه‌ باڵ تر ئه‌و سێگووشه‌ ك ناخوازێد كورد بدێده‌ خاوه‌ن ده‌وڵه‌ت خوه‌ی و گشت هه‌وڵه‌يلمايش ناخوازێد له‌ ڕوی مه‌زه‌ويه‌و بوينێد و وه‌و جووره‌گ بابولعالی ئه‌خوازێده‌ی و ته‌نانه‌ت له‌ به‌ڵگه‌يليانيش دروو له‌بان ئايين و مێژوو ئسلامييش دانه‌ له‌ مه‌سه‌له‌ی قويته‌وداين مافه‌يل كوردو ته‌نانه‌ت فريه‌يگ له‌ليانيش ئايين خوه‌يان له‌هويريانه‌و چی و هووكاريگ بوين له‌ كووچكردن و په‌لامارداين ماڵ وموڵكه‌يليان، ك وه‌و خاتريشه‌ دزی په‌يا بوی و ده‌سكريا دزيكردن ماڵه‌يل كورد له‌ خرمتی له‌ژير ناوينشان ئه‌وه‌گ كورد تووڵه‌ی عه‌شايری ها بانيان و ته‌ده‌ين وه‌ ئايين عه‌ره‌ب كردگه‌ وه‌رجه‌ ئسلام، ئمجا له‌وه‌ر ئه‌وه‌گ له‌ هويرم نه‌چێد ك وه‌چه‌و خوه‌م ديم بڕيگ له‌وانه‌گ ك روی كردنه‌ ناوچه‌ی سه‌وز كيسه‌يليگ گرتوينه‌ ده‌س كرديانه‌ی فه‌رش، وه‌لی له‌ هه‌مان وه‌خت ئه‌و كيشه‌يله‌ ئه‌را دزی بوی له‌ حاڵه‌تيگ ئه‌را روی بيه‌ێد له‌ به‌غدا جوور تاڵان.

حه‌شد ئايينی هاتن ئه‌را ئامرلی و رويكردنه‌ ديم خرمتی و له‌تی جيگير بوين و چه‌وه‌ڕی سه‌عات سفر كردن، چوينكه‌ پويل تواسن نه‌ك جه‌نگ، ئمجا له‌وه‌رچه‌ نه‌چين وه‌ره‌و ئه‌لبه‌شير، چوينكه‌ خوه‌شيان له‌ ئسلام هات و ئسلاميش عه‌ره‌ب داشت و كرده‌يانه‌ هاوپه‌يمان ك هه‌رچه‌نی كافريش بوين، وه‌لێ كورد ئيمان وه‌ ئسلام هاوردن وه‌بی شمشير و مه‌زارگه‌ی ئه‌بو عوبێده‌ جه‌ڕاح(عه‌بابه‌يلێ)كردنه‌ مه‌زار و ميراتگر بابولعالی تويڕه‌س له‌ هاوپه‌يمانه‌يلی وه‌ ئه‌وه‌گ يه‌كسانی ناكه‌ن له‌ناونی داعش و pkk وه‌تايبه‌ت ك(ميركڵ)دووس كورد ئاگاداريان كرد وه‌ ئه‌وه‌گ ماقوڵ نيه‌ يه‌كسانی بكه‌يم له‌ناونی داعش و شووڕشكاره‌يل كۆبانی.

سه‌ڵاح مه‌نده‌لاوی