كاسه‌ى داختر له‌ ئاش

شفق نيوز

وه‌هار ئه‌راى جیوه‌جیكردن نه‌زریگ ك داشت وه‌ره‌وئاوایى سورخه‌ حه‌سار هه‌ڵكه‌فتگ له‌ خوه‌رهه‌ڵات تاران ئه‌چوى و وه‌ فه‌رمانى دوانزه‌ خه‌زان گه‌ورا ئه‌راى شووروا ئه‌نریا بان و ئى شووروا له‌ گشت جووریگ سه‌وزى و گووشت كوتكوت كریاگ و جووریل تر خوارده‌مه‌نى پێكهاتوى.

له‌و رووژه‌ هه‌ریه‌ك له‌ خانزاده‌یل و دارایه‌یل و گه‌ورایه‌یل و كاروه‌ده‌سه‌یل له‌ دروسكردن شووروا به‌شداره‌و ئه‌بین, ناسردین پادشا سه‌وزیه‌یل پاكه‌و ئه‌كرد و ئه‌وه‌كه‌یتریش نخه‌و چه‌ ئه‌رادان بویشم, هه‌ر كامیان له‌ كاروه‌ده‌سه‌یل خه‌ریك كاریگ بوین له‌ى مه‌راسم شووروا كوڵاننه‌, له‌ شوون یه‌ك شووروا ئه‌نریا بان و ئه‌كوڵیا جامه‌یل گه‌ورا وبویچگ وه‌ گووره‌ى مه‌قام و پۆست ئاماده‌بویل ئه‌هاوریا, وه‌ ئه‌راى هه‌ر كه‌سایه‌تییگ جام پڕێ له‌ شووروا كل ئه‌كردن ,ئه‌وانیش وه‌ گووره‌ى ئه‌و رێ و ره‌سمه‌ ك باو بوى, له‌ شوون خواردن شووروا بایه‌د جام پڕ له‌ پویل ئه‌راى پادشا كله‌و بكردان, له‌و رووژه‌ ئه‌وانه‌ك خاوه‌ن پۆست و مه‌قام و بانتركیگ بوین, خوزگه‌و ئاوات و ئارزووى خوارترین پله‌ى ده‌سه‌ڵات ئه‌كردن تا پویل كه‌متركیگ بیه‌ن, چوین  كاسه‌ى هه‌ر كه‌س گه‌پتر بیاتا پویل فیشتركیگ له‌ كیسى ئه‌چوى و له‌وه‌ر خوسه‌ى دڵ و ناڕه‌حه‌تى ده‌موچاویان ئاگر ئه‌چویه‌لێ و  داخ ئه‌كردن و وه‌یخاتره‌ ئه‌وه‌تن: كاسه‌ى داختر له‌ ئاش بویه‌.

 

ئا: سوندوس میرزا