ئه‌راچه‌ مه‌ردم له‌ په‌يڕه‌و ئايين دروو ئه‌كه‌ن؟

هادى  جله‌و مه‌رعى

شه‌فه‌ق نيوز/ واين له‌ په‌يڕه‌و ئايين وه‌و شيوازه‌ ك له‌ وڵاته‌يل عه‌ره‌بى ماناى ته‌مامكردن بازنه‌ى سه‌رنه‌كه‌فتن شكه‌شت ئه‌ياد، ئه‌ويش له‌و ماوه‌ ك ده‌سڵات سته‌مكار به‌عس حوكم كرد مه‌ردم په‌يڕه‌و ئايين كرديان وه‌شيوه‌يگ ئارام و عه‌فه‌ويه‌ت و ريك وپيك. وه‌لێ ئمڕوو مه‌ردم له‌ساێ هيزه‌يل سياسى ئنتهازى و وه‌شيوه‌يگ نمايشكارى په‌يڕه‌و ئايين ئه‌كه‌ن. له‌وه‌خت سه‌دان په‌يڕه‌و ئايين وه‌ترس و له‌رز كرديايم، مه‌گه‌ر جارجاريگ كه‌سيگ بوينياتايم وه‌ ئاشكرا مه‌شق ئه‌و كاره‌ بكرديان ئه‌را ده‌سكه‌فتنيگ سياسى يا ئه‌را جه‌ختكردن له‌ ده‌سڵات و سه‌ركردايه‌تى، فريه‌جاريش مه‌ردم مه‌شق ئه‌و كاره‌ ئه‌كه‌ن وه‌بى ئه‌وه‌گ گاريگه‌رى له‌ واقع و ره‌فتاريان داشتوود.

 

له‌سه‌رده‌م سه‌دام ئه‌وانه‌گ ئاينپه‌روه‌ر بوين وه‌ كه‌مى ده‌ركه‌فتيان، مه‌شق كاره‌يليان كرديان وه‌ شيوه‌يگ ئه‌خلاقى ك كاريگه‌رى له‌ ره‌فتاريان نه‌ياشت وه‌ل مه‌ردم و وه‌خت نه‌ياشتيان و ده‌رفه‌ت وه‌ده‌سيان نه‌كه‌فت خوه‌يان نيشان بيه‌ن، به‌ڵكوو بايه‌سه‌ خوه‌يان بشارديانه‌و يا په‌يڕه‌و ئايينى وه‌ ئاشكراى نه‌وى نه‌وه‌گ بگيريه‌ن و هه‌ر وه‌و خاتريشه‌ به‌رائه‌ت وه‌پيانه‌و بوێ و ترس داشتيان.

 

ئيسه‌ مه‌ردمان فريه‌يگ په‌يڕه‌و ئايين له‌وه‌ر ريايى و نمايشكردن ئه‌كه‌ن و ئايين كرياسه‌ مه‌شقيگ ئه‌را نزيكه‌وكردن له‌ سه‌ركرده‌يل ئايينى و سياسى و له‌ه‌شانيه‌تمان به‌رزه‌و ئه‌كا له‌ كومه‌ڵگايگ ئاشوو، جياوازى نيه‌ له‌ناونى ئه‌وانه‌گ مه‌شق ئايين په‌روه‌رى ئه‌كه‌ن يا مه‌شق لايه‌نگرى ئه‌را لايه‌نگره‌يل ئايين په‌روه‌رى، ئمڕوو مه‌سه‌له‌گه‌ جياوازه‌.

 

ئه‌را نموونه‌، به‌عسيه‌يل له‌ ئاوايى و ناوچه‌يل مه‌ردمى ساف خورماو لافيته‌يگ دانان و له‌قه‌يه‌و نويسانيان و وه‌گووره‌ى بوونه‌يل جووريگ له‌ لايه‌نگرى ئه‌را رژيم و فه‌رمانڕه‌و ده‌رخستيان و نه‌فره‌ت خودا كرديان له‌ دوشمنه‌يل ئمبريالى و ره‌جعى و سه‌رمايه‌دارى جه‌هانى و بيجگه‌ ئه‌وه‌يش ره‌سم فه‌رمانڕه‌وايش كرديانه‌ قه‌ى خوه‌يانه‌و ك له‌تى زه‌رده‌خه‌نگ و سه‌ركه‌فتن و پايه‌به‌رز ديار بوێ ك ئامانج له‌لاى لايه‌نگره‌يل ئه‌را ئه‌وه‌ بوێ به‌شكه‌م به‌زه‌يى وه‌رپرسيگ وه‌ده‌س بارێد ك وه‌ ريككه‌فت ره‌ى بوياد و ئى چشته‌يليه‌ بوينێد ك كرده‌سه‌ى قه‌ى خوه‌ى به‌شكه‌م خه‌ڵات بكرياتاد وه‌پى.

 

كاره‌يل بى تام يه‌كيگه‌ له‌ ديارترين نيشانه‌يل كۆمه‌ڵگاى ئنسانى، هه‌ر وه‌و خاتريشه‌ مه‌ردم له‌ ئايينيان ئالشت بوون ئه‌كه‌فن وه‌ل ئايين فه‌رمانڕه‌وايه‌يليان ك مه‌قه‌سه‌دم له‌ ئايينه‌يل ئاسمانى نيه‌، به‌ڵكوو مه‌شق كاره‌يل فره‌يگ له‌ فه‌رمانڕه‌وايه‌يله‌.

 

ئمجا هه‌ناى ك فه‌رمانڕه‌واو سه‌ركرده‌ علمانى بوون دوينێد مه‌ردميش علمانيين، ئه‌گه‌ريش ئاشكراى ئايين په‌روه‌رى خوه‌ى بكا مه‌ردميش بوونه‌ به‌نه‌و فه‌قير و خاسكه‌رده‌يلى، هه‌ناى ك رژيميش بڕميه‌ێد ئه‌وان مينن و ناڕميه‌ن وه‌ليا، به‌ڵكوو ئاڵشت بوون ئه‌را ئايين ئى حاكمه‌گه‌ى تر!!

 

له‌ عراقيش ئايين بويه‌ بازرگانى ره‌واجيگ و بويه‌ ئاشوويگ گشتى كۆمه‌ڵايه‌تى، ئمجا بازرگان و دز و جه‌رده‌و بكوش و خراوه‌كاره‌يل و شه‌راو خوه‌ره‌يل و زينا كاره‌يل و وه‌رپرسه‌يل گه‌وراو بويچگ و رشبه‌ت خوه‌ره‌يل و درووزنه‌يل و گه‌نه‌كاره‌يل گشتيان ئايين په‌روه‌رن و خاوه‌ن هه‌ڵويستيگ ئه‌خلاقيين و په‌وه‌ندى وه‌ل خوداوه‌ن ديرن له‌رێ هێڵيگ كوت وپڕ.

هادى جله‌و مه‌رعى