شیوازیگ وه‌ره‌و رووشنهویریه‌ت

شفق نيوز

ئامانج خوه‌ى، ئنجا دى هه‌ر جووره‌ ڕییگ بگرێده‌ وه‌ر بزانید ئومیدو ئاینده‌یگ وه‌پیه‌و دیاره‌و قانجازیگ ئه‌را خوه‌ى و مه‌ردمه‌گه‌ دیرێد، وه‌لى چشتیگ هه‌س ك ئه‌ویش ئه‌وه‌سه‌ ئه‌ڕاچه‌ چینه‌یل كوومه‌ڵگا له‌ یه‌كترى جیاوازن له‌ داب ونه‌ریت كوومه‌ڵایه‌تى، گرینگ ئه‌وه‌سه‌ ك چشته‌یل ئى چینه‌یل جیاوازه‌ له‌یه‌كه‌و به‌ید و خاسى و خراویه‌یلیان بزانید و نه‌ف له‌ كارو قسه‌یل خاس وه‌ربگریدو چشته‌یل خراویان بنه‌یده‌ كنار.

فره‌جار جایه‌ڵه‌یل ئیمه‌ له‌ قوناغ هه‌رزه‌كارى تویش گرفته‌یل فره‌یگ تیه‌ن، چوینكه‌ ناتویه‌نن جیاوازى له‌ناونى ئى هه‌مگه‌ داب و نه‌ریت كوومه‌ڵایه‌تیه‌ بكه‌ن و له‌ سه‌ره‌تاى قوناغى جوور چشت فره‌ هسیاریگه‌ له‌لاى، ئه‌را نموونه‌: فره‌جار ده‌ركه‌فتگه‌ جایه‌ڵیگ له‌سه‌ره‌تاى عومریه‌و كه‌فته‌سه‌ ژیر كاریگه‌رى داب ونه‌ریتیگ ، هه‌ر یه‌یش له‌یوا له‌لى كردگه‌ ڕى له‌ رووشنهویریه‌تبوینى بگرێدو نه‌تویه‌نید كۆنترۆڵ وه‌زعه‌گه‌ بكا ك باس به‌رز و ره‌فتار چین یه‌كه‌م بكاو چین دویه‌م وه‌پى ئویشێد باس دویه‌میش بكاو بوونه‌ ڕینیشانده‌ریگ  ئه‌ڕایان، ئنجا ئه‌وه‌ك گرینگه‌ له‌یرا ئه‌وه‌سه‌ ئه‌و ئاده‌میزاده‌ ك ها له‌سه‌ره‌تاى قوناغ ژیانى ئه‌را ماوه‌یگ دویره‌و بخریه‌ێد له‌ى چینه‌یله‌و زیاتر وه‌خته‌یل خوه‌ى ته‌رخان بكا وه‌ خوه‌ندنه‌وه‌ى كتاو و رووژنامه‌و ئه‌و به‌رهه‌مه‌یله‌ ك له‌باوه‌ت سایكۆلۆژى ئاده‌میزاده‌و نویسریه‌ن و دویاخر له‌یوا له‌لید باید خوه‌ى نوێنه‌رایه‌تى خوه‌ى بكاو باوه‌ڕ و متمانه‌ى خاسیگ وه‌خوه‌ى داشتوود له‌باوه‌ت ژیانه‌و. گرینگیش ئه‌وه‌سه‌ ك ئاده‌میزاد بزانێد چوین ره‌فتار بكا وه‌ل مه‌ردمان ده‌وروه‌ر خوه‌یاو له‌هه‌مان وه‌خت وه‌ل چینه‌یل كوومه‌ڵگایا وه‌ زووان خوه‌یان قسه‌ بكا، یه‌یش وه‌و مانا ك وه‌ل چین به‌رز و نزما خوه‌ى بگونجنێد، بیجگه‌ ئه‌وه‌یش بایه‌سه‌ سینه‌ى خوه‌د فراوان بكه‌ید ئه‌را گشت قسه‌و باسیگ مه‌ردم. ئنجا ئه‌گه‌ر گووش له‌ مه‌ردمیش بته‌كنید نوڕید هه‌ر كه‌سیگ هویروڕایگ دیرێد.

ئمڕوو چشتیگ تر له‌جایه‌ڵه‌یل كریه‌ێده‌ دى ك ئه‌ویش ئه‌وه‌سه‌ هه‌ر له‌سه‌ره‌تاى ژیانیانه‌و هویر له‌ماڵ و دارایى كه‌ن و نه‌خشه‌ ئه‌ڕاى دانه‌ن و گشت وه‌ختیگ خوه‌یان ئه‌ڕاى ته‌رخان كه‌ن، چوینكه‌ به‌شیگ له‌لیان باوه‌ڕیان ئه‌وه‌سه‌ ئه‌گه‌ر وه‌زع داراییان خاس بوود حورمه‌تیان زیاتر له‌لیان نریه‌ێدو جوور كه‌سیگ به‌رز و ڕووشنهویر ته‌ماشا كریه‌ێدله‌ناو كوومه‌ڵگا، وه‌لى وه‌چه‌واشه‌و تویه‌نیم بویشیم: ئه‌و كه‌سیشه‌ ك ڕیز له‌ى جووره‌ كه‌سه‌یله‌ گرێد هویچ له‌ ئنسانیه‌ت نیه‌زانیدو به‌ش فره‌یگیش له‌مه‌ردم له‌خوه‌ى دویره‌و ئه‌خا. وه‌ل ئه‌وه‌یشا ئیسه‌ ئه‌گه‌ر كتاویگ به‌یمنه‌ ده‌س فره‌یگ له‌ جایه‌ڵه‌یلمانه‌و شایه‌ت سه‌ره‌و خوار بگرنه‌ى ده‌سه‌و یا وه‌گووره‌ى ره‌سمه‌یلى ڕیكیه‌و بكه‌ن. ئه‌و به‌شیشه‌ ك خوه‌نه‌وارن وه‌خت خوه‌یان نیه‌نه‌ تاڵان وه‌ كتاو خوه‌ندن، چوینكه‌ له‌یوا هویره‌و كه‌ن كار فره‌تر ها نوایان!

بیگومان ئه‌و كه‌سه‌یله‌ ك توان پیشكه‌فتن بیه‌نه‌ خوه‌یان و له‌مه‌یدان رووشنهویرى كار بكه‌ن، دى ئه‌وه‌ وه‌خته‌ سه‌ختى و سته‌م زیاتر كه‌فێده‌ وه‌رده‌میان، چوینكه‌ بوونه‌ كه‌سه‌یلیگ تا له‌وه‌رانوه‌رد بووسیه‌ن و شان وه‌شاند قسه‌ وه‌لدا بكه‌ن.

 

ته‌یار عادل