ئه‌یه‌ ئه‌و چشته‌ بوى بڕیگ له‌سیاسیه‌یل تواستنه‌ى؟

شفق نيوز

ئمڕوویش تاوانه‌یل نیاریمنه‌ ته‌نگ له‌گووشه‌یگ، وه‌لى وه‌ گووره‌ى ئه‌و وه‌زعه‌ ك وڵاته‌گه‌مان وه‌پیا په‌ڕیگه‌وه‌، بایه‌سه‌ له‌بانمان گشت درووه‌یل ئاشكرا بكه‌یم و گریه‌ى بیده‌نگى لاوه‌یم و بویشیم: گشت ئه‌و لایه‌نه‌یله‌ ك وتیان دویره‌و گریم له‌ مه‌سه‌له‌ى چینایه‌تى و به‌رژه‌وه‌ندى خوه‌یان و گه‌ردیمنه‌ شوون عراقیگ ك هه‌ق گشت كه‌س له‌تى یه‌كسان بوود، ئیسه‌ گشت ئه‌و لایه‌نه‌یله‌ ئه‌و قسه‌یله‌ ناوردنه‌ جى، به‌ڵگه‌یش ئه‌وه‌سه‌ ك نیه‌ت پاك بایه‌س بوى ئامانج دامه‌زرانن حكوومه‌ت هاوبه‌ش له‌تى بویاتاگ وه‌گووره‌ى چه‌ن هه‌فته‌یگ نه‌ك زیاتر، وه‌لى نیه‌ت خراو نه‌یشت ئه‌و چشته‌ ڕوى به‌یگ و عراق برده‌وه‌ ئه‌را چوارگووشه‌ى یه‌كم.

ئه‌وه‌سه‌ ك هیزه‌یل سیاسى وه‌گووره‌ى چینایه‌تى و ڕه‌گه‌زى ریككه‌فتن وه‌ل وجوود كه‌م و كوڕى ناوخوه‌یى و سه‌ره‌كى له‌ناو گشت ڕزیگ  له‌و چین و ڕه‌گه‌زه‌یله‌ نه‌ك وه‌گووره‌ى نیشتمانیه‌ت و ئه‌و دو چشته‌ باڵاده‌سن له‌ ئه‌نجامداین كاره‌یل سیاسى و عراقیش له‌كنار جه‌نگ ناوخوه‌یى بوى و هه‌ر پیكهاته‌یگ لایه‌نیگ هه‌رێمى پشتگیرى له‌لى كردیاگ وه‌گشت هیزیگه‌وه‌، ئه‌مجا ئه‌و لایه‌نه‌یلیشه‌ نیه‌توان عراق سه‌قامگیر بوود، چوینكه‌ زانن ئه‌گه‌ر بایگ و عراق سه‌قامگیر بووگ له‌به‌رژه‌وه‌ندى ئه‌وان نیه‌، وه‌ل ئه‌وه‌یشا نیه‌توان به‌رهه‌م نه‌فته‌گه‌ى زیاتر له‌ ئه‌وان به‌یگه‌ ده‌وڵه‌ته‌یل و عراقیگ دیموكراسى نیه‌توان، چوینكه‌ دیموكریاسى دژ زوڵم و سته‌مكاریه‌ ك وجوود له‌ حوكمیان دیریگ و عراقیگ ئارم و به‌خته‌وه‌ر نیه‌توان و له‌هه‌مان وه‌خت نیه‌توان عراقیگ خاوه‌ن قه‌درو حورمه‌ت بوود، چوینكه‌ له‌بان ئه‌و پله‌و ته‌واو بوود ك رشپه‌ت و گه‌ناته‌كارى دیریگ. ئمجا ئه‌وه‌ك لایه‌نه‌یل ناكووك تویه‌نستن ئه‌نجامى بیه‌ن له‌ى ماوه‌ى دویاخره‌، ئه‌ویش وازهاوردن بوى له‌و هه‌وڵه‌یل سه‌ركه‌فتگه‌و له‌و پابه‌ندیه‌ى وه‌و بیده‌نگى مه‌ترسیه‌وه‌، وه‌لى ده‌نگ هاوار گشت وه‌ختیگ  هه‌ر به‌رزه‌و بویاگ له‌هه‌ر جیاوازى و ناكووكییگ جویر به‌ڵگه‌یل ئى دویاخره‌و گشت لایه‌نیگ  له‌یوا هویره‌و كردیان ك ئیسه‌ وه‌خت ده‌سوه‌شاننه‌ له‌ لایه‌نه‌ دژه‌گه‌ى، یه‌یش مه‌عناى ئه‌وه‌سه‌ ئه‌وانه‌ هویچ له‌ سیاسه‌ت نیه‌زانن.

وه‌ هه‌رحاڵ ده‌رفه‌ت تاریخییگ له‌ په‌یابوین عراق تازه‌یگ هاته‌ ده‌س و نیه‌ویشیم چه‌پڵه‌ ئه‌ڕا خوه‌مان به‌یمنه‌لى و ڕازى وژدانمان بكه‌یم، چوینكه‌ ئیمه‌ ئسپات خوه‌مان كردیم جویر عراقى، وه‌لى له‌یوا دیاره‌ هه‌ر چینیگ و توایگ  بووگه‌ گه‌وراو باقى هاووڵاتیه‌یلیش شایسته‌ى هویچ نه‌ون. ئیمه‌ هساو ئه‌وه‌ كردیایم ك دویاى چه‌ن هه‌فته‌یگ وه‌زعه‌گه‌ خاسه‌و بوود و به‌ختوه‌رى دوینیم و دى خوینڕشیان نیه‌مینیگ. ئمجا ئایا ئه‌یه‌ ئه‌و چشته‌ بوى بڕیگ له‌سیاسیه‌یل تواستنه‌ى؟