هاوپەیمانی‮ ‬مالیكی‮ ‬و كورد ره‌سيه‌ بنبه‌س

شفق نيوز

ته‌نانه‌ت ئه‌وه‌سه‌ خه‌ريكه‌ ئه‌و په‌يوه‌نديه‌يل له‌ڕی ئاسمانييشه‌و نه‌مه‌نيد و ته‌واو بوود، ته‌نيا كۆمپانيايه‌يل مۆبايل نه‌ود ك ئه‌و په‌يوه‌نديه‌يله‌ ئه‌وه‌سيده‌ يه‌كه‌و، ك ئی په‌يوه‌ندييشه‌ وه‌ جووريگ له‌ جووره‌يل له‌ناونی گشت وڵاتيگ هه‌س.

جی داخه‌ ك نوری مالكی سه‌رۆك وه‌زيره‌يل كار وه‌ڕيخه‌ر له‌وه‌ر ئه‌وه‌گ وه‌ ئه‌قڵيه‌ت خوه‌ی هويره‌و ناكا، به‌ڵكوو وه‌ ئه‌قڵ وڵاته‌يل تر هويره‌و ئه‌كا، له‌ ئاكام له‌يوا كرد عراق بڕه‌سيده‌ ئه‌و ده‌رئه‌نجام و بار سه‌خت ئيسه‌و په‌يوه‌ندی نه‌ك هه‌ر وه‌ل لايه‌نه‌يل سنی، به‌ڵكوو وه‌ل كورديش بڕی.

ئيسه‌ گشت هيزه‌يل كوردستانی ره‌سينه‌سه‌ ئه‌و باوه‌ڕه‌ ك جاريگتر كورد ناتويه‌نيد بدێده‌ هاوپه‌يمان مالكی و پشتگيری له‌لی بكا ئه‌را ولايه‌ت سێيه‌م، وه‌تايبه‌ت دويای ئه‌وه‌ك هه‌ولێر وه‌ په‌ناگه‌ی ترۆريسته‌يل داعش و به‌عسيه‌يل تومه‌تبار كرد.

بيگومان مالكی له‌ هويره‌و چی ك خوه‌يشی يه‌كيگ بوی له‌وانه‌گ په‌نا هاورده‌ هه‌رێم كوردستان له‌ ترس ئه‌و وه‌رپرسه‌يل سه‌ربازيه‌ ك ئيسه‌ خوه‌ی پۆست وه‌پيان داگه‌و دژ كورد جه‌نگ ئه‌كه‌ن و شكه‌ست خواردن.

يه‌يش بيجگه‌ ئه‌وه‌ك كه‌سيگ تر كويه‌نه‌ به‌عسی و شۆفێنی و ره‌گه‌زپه‌رس وه‌ناو حه‌نان فه‌تلاوی جوور"محه‌مه‌د سه‌عيد سه‌حاف"ئاسا رووژانه‌ له‌ ميديايه‌يل عه‌ره‌بی تومه‌ت بی بنه‌ما له‌ دژ كورد بڵاو ئه‌كا.

هه‌ڵبه‌ته‌ لێدوانه‌يل مالكی و فه‌تلاوی و شاگرده‌يليان مانای دويا هه‌ناسه‌ی فه‌رمانڕه‌وايه‌تی مالكی و گرووپه‌يل تونڕه‌ويه‌ ك بوينه‌ هووكار دابه‌شكردن عراق، ك وه‌يه‌يش روی ئه‌وه‌ ديرن ته‌ماشای عراقيه‌يل و هاوپه‌يمانه‌يليان و ئاغايه‌يليان بكه‌ن، چوينكه‌ گشتلايگيان شكه‌ستخوه‌رد بوينه‌.

هۆشمه‌ند ره‌فيق

ج . أ