ناسنامه‌ى نه‌ته‌وه‌یى كورد

شفق نيوز

 

وه‌لى وه‌ل ئه‌وه‌یشا ئه‌گه‌ر بتواید باوه‌تیگ تاریخى له‌بان نه‌ته‌وه‌گه‌د بنویسید، بایه‌سه‌ وه‌لاى كه‌مه‌و بڕیگ زانیارى باوه‌ڕ وه‌پیكریاگ بكه‌یده‌ سه‌رچه‌وه‌ ئه‌را وه‌ده‌سهاوردن ئه‌نجام باوه‌ڕ وه‌پیكریاگیگ .

مه‌رام باسه‌گه‌مان له‌یرا ئه‌وه‌سه‌ ئه‌و زانیاریه‌یل خواسته‌ ك په‌یوه‌سن وه‌ تاریخ كورده‌و فریه‌ كه‌مه‌، یه‌یش له‌ زویه‌و هس وه‌پى كریاگه‌و ئه‌و باوه‌ت و قسه‌و باسه‌یلیشه‌ ك وتریانه‌ له‌بان نه‌ته‌وه‌ى كورد له‌ سه‌رچه‌وه‌یل كویه‌ن تاریخى كه‌م و كوڕى فره‌یگ له‌تى كریه‌یده‌ دى ، ك فیشتریان ناگونجیه‌ن وه‌ل هه‌ڵكه‌فت كورد.

تاریخنویس و شاره‌زایه‌یل كورد له‌باوه‌ت تاریخه‌و هس وه‌ ئه‌وه‌ كه‌ن مه‌رامیگ هه‌س له‌ى بواره‌و جوور فه‌وتیانیگ له‌ڕوى تاریخه‌و، هه‌ر له‌وه‌ر ئه‌وه‌یش دوینیم ك كورد له‌ى قوناغ تازه‌ وه‌ په‌رووشه‌ ئه‌را په‌یكردن ناسنامه‌ى نه‌ته‌وه‌یى.

هه‌ڵبه‌ته‌ یه‌یش هووكار خوه‌ى دیرید و ملله‌ت كوردیش وه‌ دریژایى ساڵه‌یل ژیرده‌سه‌ بویه‌و دویر بویه‌ له‌ سه‌روه‌خوه‌یى و ده‌زگایگ زانستى و زووانگه‌رى نه‌یاشتگه‌ تا بتویه‌نید كلتوور و تاریخ و ناسنامه‌ى خوه‌ى وه‌شیوه‌ى پڕ له‌زانیارى بوینده‌و، هه‌ر وه‌و خاتریشه‌ دوینیم ئه‌وانه‌ك له‌باوه‌ت تاریخ و كلتوور كورده‌و نویسانه‌ زوورمیان غه‌یره‌ كورد بوینه‌و تواناى ئه‌وه‌ نه‌یاشتنه‌ مه‌سه‌له‌گه‌ وه‌ ته‌واوى روشناوه‌ بكه‌ن، وه‌لى له‌یرا جى داخه‌ ك هویچ هه‌وڵ و ته‌قلایگ نیه‌ ئه‌را ئاشكراكردن راسیه‌یل و شایه‌ت لایه‌نه‌یلیگیش هه‌وڵ بیه‌ن ئه‌و زانیاریه‌یله‌ بشارنه‌و ك تاریخ و ناسنامه‌ى ره‌سه‌ن كورد وه‌پى رووشنه‌و بوود.

عه‌لى نیاز

ج . أ