ده‌ ساڵه‌ چه‌ مه‌حاڵه‌؟

شفق نيوز

 

كه‌شتیه‌ نوحه‌گه‌ى بۆش چه‌ن كه‌م و كوڕییگ له‌ رژیم عراق كردویده‌ دى، ك یه‌كیگیان چه‌ك جه‌مشكوش بوى و ئه‌و باقى كه‌م و كوڕیه‌یل تر په‌یوه‌ندى وه‌ ژیان عراقیه‌یل و سته‌م و ته‌كڕه‌وه‌یه‌وه‌ داشت.

 

ئنجا ئه‌را كوردستانیش كه‌م وكوڕى رژیم سه‌دام پیكهاتوید له‌ نه‌وین دیموكراسى و سیاسه‌ت ته‌عریب و جیوازكردن و چاره‌سه‌رنه‌كردن مه‌سه‌له‌ى كه‌ركووك و بیبه‌شكردن كورد له‌ شه‌راكه‌ت و هه‌قه‌یلى.

 

وه‌لى بابزانیم چه‌ له‌و بار ئه‌وساى سه‌رده‌م رژیمه‌ ئاڵشت بویه‌؟ بیگومان فره‌ چشت ئاڵشت بویه‌ كه‌ به‌رهه‌م خه‌بات خود كورد و به‌شداریكردنیه‌ له‌ ده‌ستوور و پرووسه‌ى سیاسى ده‌وڵه‌ت.

 

راپۆرت مارتن كۆپله‌ر سه‌رۆك كلكریاگ نه‌ته‌وه‌ى یه‌كگرتگ له‌عراق بڕیگ  له‌ كه‌م و كوڕیه‌یل عراق ئمڕوو تومار ئه‌كا جوور:

- هس نگرانیگ دیرید له‌وه‌ر نه‌وین سه‌رۆك كومار ك جوور فاكته‌ریگ جیگیر راسكانى له‌ عراق ئمڕوو.

- كه‌ركووك تائیسه‌یش خاڵ گرژى ناونى كورد و عه‌ره‌به‌.

- یاساى نه‌فت و غاز گرینگه‌ ئه‌را په‌یوه‌ندى ناونى به‌غداو كوردستان.

- په‌یوه‌ندى سیاسى لاوریه‌ید و هاوپه‌یمانیه‌یل كزه‌و بوون.

- نه‌وین باوه‌ڕ و متمانه‌ ..وجوود ترۆر.

 

ماناى ئه‌وه‌سه‌ به‌ش فره‌یگ له‌ باوه‌ته‌یل جه‌وهه‌رى هه‌ر جوور خوه‌ى مه‌ندنه‌. راسه‌ ئه‌یانه‌ بایس ئه‌وه‌ نین بۆش جاریگ تر وه‌ كه‌شتیه‌گه‌ى خوه‌یه‌و بایده‌و ئه‌را به‌غدا، چوینگه‌ سه‌رده‌م بۆش و كه‌شتیگه‌ى نه‌مه‌ندگه‌، وه‌لى ئى كه‌م و كوڕیه‌یله‌ ك له‌ راپۆرته‌گه‌ى كلكریاگ نه‌ته‌وه‌یل یه‌كگرتگ ئه‌را عراق كه‌فنه‌ وه‌رچه‌و جه‌وهه‌ر و ناوه‌ڕوك كیشه‌یل عراق پیك تیه‌رن، یه‌یش وه‌لایه‌ن كه‌مه‌و شایسته‌ى ئه‌وه‌سه‌ جۆن كیرى وه‌زیر خارجیه‌ى ئۆباما له‌ خول دویه‌م سه‌رۆكایه‌تى هه‌ڵویستیگ جددى و كرده‌وه‌یگ له‌ ئاست دوسیه‌ى عراق نیشان بیه‌ید وه‌خاتر ئه‌و هه‌مگه‌ خوین و قوربانى و مه‌ینه‌تیه‌ ك عراقیه‌یل و سه‌ربازه‌یل ئه‌مریكا دانه‌سه‌ى.

 

ستران عه‌بدوڵڵا

 

ج. ا